شوركم وهدآية الله ( مرسيدس - اودي - بورشه )

يارب ترد علي وتقول لي بكم حصلتها الـ CLS 2009 :p

الاودي بحكم معها صيانة 5 سنوات 105000كم

طيب انت اللي مخليك متردد تاخذها هو ان الاصطبات تغبر ؟؟

لا تدقق على شيء يمكن معالجته بسهوله !!

والله ياخوي اني أحيانًا أتردد بينها وبين الموديل الجديد منها !!!

وبخصوص سعرها .. هل هو مرتفع مره بالنسبة لاختياراتك الثانية ؟؟؟

انـا معك .. حتى الدآخلية أفضل .. بس شوف الصور الي حطيتها بموضوعي الي حق معرض مرسيدس فيه وحده موديل 2009 .. اصطبآتها مغبشه ! .. وهي استخدآم وكالة ولا مشت شئ .. المهم 2009 هو الافضل وانت طآلع .. لأن الدآخلية صآرت عليها لمسات دمآر. . بس سعرها شويآت مرتفع ! .. :rolleyes1:

شوف ياخوي!

والله بالنسبة لي .. الـCLS أفضلهم تميز وفخامة داخلية!!
مع انها كوبيه .. بس أشوفها الأفخم من الداخل ( خاصة اذا كانت الداخلية بيج مع تخشيبة غامقة !! )



والله اني لما اشوفها بالشارع أخق معها .. ويمكن ألحقها شوي حتى يخاف راعيها ويدعس !! :bigggrin:

البورش والبي ام والأودي خلاص ... منتشرة وما صارت متميزة أو لها هيبة كبيرة !!
لاحظ : أنا قلت هيبة كبيرة ... يعني لها هيبة .. بس مو مررره :smilie16:

بس أنصحك بالـCLS من موديل 2009-2010 اعتقد .. لأن اصطباتها الخلفية اضاءتها أفضل وأحلى وأكشخ بكثير من الموديلات الأقدم !!
واعتقد بنسبة 70% ان الموديلات القديمة 2005-2007 هي اللي تغبش مدري تغبر انوارها الأمامية مثل ما ذكر أخوي porsche fan

المهم ... أنا بالنسبة لي .. وبدون أي استشارة .. راح أطق لي CLS 2010 بعد ما انهي الجامعة أو في آخر سنة ان شاء الله !!!

وبالتوفيق لك ،،،

يلآ كملو نقآشآت .. :(

حلو .. اي الاصطبآت هذي جميلة صرآحة ^^ .. احلى من الشكل العادي الي قبلة .. والقير صآر افخم بمرآحل !! ..

بشوف بدور .. الحين الـ 5 الفئة .. وش الفرق بين ارقآمها ؟ .. 523 او 530 .. وكذآ ؟ .. سعة المكينة ؟ [/CENTER]

والله ما عندي خلفيه اعتقد 2008 وانت طالع

لاكن البي ام اذا نظيف ارغب عند البيع من الاودي والبورش

طبعا الالماني بشكل عام اسعار القطع مرتفعه لان الجودة مرتفعه مقارنة بالسيارات الاخرى

هذي صور توضيحيه ل2008 معروضه للبيع

http://www.haraj.com.sa/11469972/BMW_523I_موديل_2008_وارد_الناغي_بحالة_الوكالة/

حجم 523 الاختلاف عن 2007 القير والطارة واعتقد الشكل الخارجي قليلا مع الاسطبات الخلفيه

لاكن انصحك تشوف نفس الموديل او 2009 حجم 530 وان شاء الله تحصل شي نظيف وعلى قد 120 الف او اقل

الله يعطيك العآفية .. اخوي ^^ .. ممم .. طيب ممكن اذآ تعرف .. متى تغير شكل الاصطبآت الخلفية .. وصآرت شرآيح ليد ؟ .. اي موديل 9 ؟ او 10
:rolleyes1:

اكيد البحث بيكون بذيك الامآكن .. بس انا بغيت نآس لهم خبرة بالموضوع ذآ ويعرفون اماكن معينة ومعآرض معينة مضمونة .. يعني عندكم المعلومات الكآفية .. :ch19: .. ماود الواحد يطيح في مستخدم رآيح ففيهآ .. صح ان فيه فحص الوكآلة .. بس برضوآ .. القلب مايرتآح .. لأن فيه ناس خوفتني منه .. :mad1: بس مع ذآ انا اثق فيه .. لأنه يكلف فوق ال 1000 .. فمآ اتوقع انهم رآح يغبون عليك شئ .. والله الـ a5 .. أليمة ! .. من جد .. حسيت تصميمهآ انيق على كوبية ! .. ذكرني بالسي ال اس .. اغرمت فيه والله ..

الاودي .. تحسهآ ياخوي حقت مكدة يعني ؟ .. يعني ماتقول اح .. وكيف قطع غيآرها صدق اغلى من المرسيدس ؟ .. والبي ام ؟ .. ولا بس حكي نآس .. :a120(115):



لو مافيهآ نافيقيشن . والله مافكرت اخذهآ .. خصوصآ انسآن زيي .. لو يمشي في نفس الطريق مليون مره مستحيل يذكر :a1120(86): .. عندي مشكلة مع التذكر والله فالجي بي اس .. شئ مهم جدآ بالنسبة لي ! ..

والكآميرآ احبها تكون موجودة عشآن ماسوي ريوس بعدين .. طق .. هههههه ماتسوآ عليك ..

البلوتوث .. مدري احس اهميته مو ذآك الزود .. بس عشآن الجوآل يعني ؟ :c0214: ولا فيه شئ ثآني ؟ ..

البي ام الفئة الخامسه افضل الي ذكرت

120 الف تجيب لك شي نظيف ويستاهل

اهم شي بالسياره الي تبيها

لاتنسى المواصفات !

الكاميرا + النافيقيشن + بلوتوث ! هالثلاث مهمه جدا

طبعا الالمانيات في بعضها نظام البارك اسيست و بعضها الي ينبهك لخط السير والنقطه العمياء الخ الخ

حاول تكون في سيارتك الي تبيها لان المانيه بدون تقنيات مالها داعي

هههههههههههههه بهذي صدقت والله .. لو تدور على الاقل السيارة من الدول المجاورة مثل الكويت ولا الامارات حتى .. سمعت ان الامارات بعد السيارات عندهم اخرص من عندنا واكيد استخدامهم مو شين بالنهاية محد شوارعه شينه زي عندنا بالسعودية وبالهند هههههههه ..!! ،، بالنسبة للـ A5 هي فعلاً تقنيتها كويسة وتحسها شبابية وفخمة بعد من جوا .. فكر فيها اكثر وابحث اكثر .. هي ارخص من البورش الكايين خذها ارخص لك واحسن بعد لك لأنك تحب السيارات الصغيرة اكثر .. بالنهاية اهم راحتك وحبك للسيارة ..

لآ أبد مالي بالكوبيه والله .. الـtt .. اعرفهآ سمعت عنهآ وقريت .. لكن الكوبية ماله مكآن عندي .. ماحبه .. ابد .. شفت عرض للa5 .. يآخي اليمة بشكل ! .. والله فيها هيبة في المنظر .. واما الدبة لما تنفتح .. :ch19: كلآم كبير . ولا الـ LED .. الامآمي .. اليم .. شبيه حق الـ A7 .. صرآحة انا برآسي هالخيآرين .. مرسيدسcls .. او a5 .. هم ال2 الي خشوآ مزآجي .. رغم ان ولد خآلي جنبي يبي يقنعني بالجيب البورش .. يقول ياخي رزة وربي .. وجهيته اليمه .. تحسه يخز ! .. ودآخليته اليمة اكثر من السيآرتين الي قبل .. ويعني .. كم حآجة .. بس والله مدري .. انا احب السيدآن اكثر .. وشرط تكون 6 سرندل .. يبي لي ابحث برآ النت .. واهم شئ ماتكون في السعودية .. ياخي استخدآم شعبنا للسيآرات والله مو حلو .. :blue: حتى لو استخدآم زين .. الشوآرع تكسرهآ غصب .. فتكسرها على يدك احسن لك من ان غيرك كسرها .. :a1120(86):

الـ A5 تحسها شبابيّة اكثر من الـ A6 الشكل القديم .. وهي طبعاً اوسع من الـ A4 اذا كنت بتاخذ الصالون .. ويجي منها 6 سلندر طبعاً .. وانا بعد تو دورت بالمواقع المستعملة السعودية وما لقيت الا الجديدات .. الـ A5 اذا ماني غلطان ما نزلت الا من قريب يعني ما ضني انها كانت موجودة قبل 2006 اذا معلوماتي ماخابت .. انت يبغالك تدور اكثر برا النت وان شاء الله تلقى ..

اذا انت من عشاق الكوبية فعندك الأودي TT سيارة ابداع وكوبيه .. هذي صوره لها .. والـ TT الي بالصورة موديل 2008 ..



شوف وش الي تميل له اكثر وبالتوفيق ان شاء الله .. وان شاء الله تاخذ سيارة تريحك وتمبسط معها ..

حلوة الاودي الـ A5 .. هل تجي 6 سرندل ؟ .. اوكـ .. استفسآر ثآني .. نآدر ماتحصلها دورت في المواقع المستعملة الي انا اعرفهآ .. مالقيتها والله .. او لقيت بآبين فقد .. كوبية يعني .. :(



اوكـ لو نتكلم عن الـA5 .. كيف السيآرة .. اجمل من ال4 وال 6 ؟ .. لأني احسهآ كذآ .. بس وش المميز فيهآ .. ليش مرغوبة على كلامكم وكذآ .. حسيتها ممتآزة جدآ .. دامها تتفوق على السي ال اس .. :rolleyes1:

يجي منها نوعين .. السيدان اربع ابواب .. ويجي منها كوبيه بعد ويجي كشف بررضو .. دور لك وحدة موديلها قديم شوي وما راح تندم ان شاء الله ..



اكيد السيارات الالمانية رمز الفخامة والرفاهية .. بس كنت بأنصحك باللكزس وكنت بتكلم عن تجربه كون عندنا ثنتين لكزس وحدة مع اخوي والثانية مع الوالد .. وكلهم مرتاحين معها وسيارات تعيش وبنفس الوقت تمسك سعرها وقت البيع على عكس الألماني .. لكن واضح ان فكرة الألماني بمخك ومتحمس لها :bigggrin: ..


شوف اذا انت قادر على صيانه الكايين فمافيه اي شئ يخليك تتراجع عنها .. سيارة ما شاء الله تبارك الله عمليه ومحرك قوي ومريحة وفخمة ووسيعة .. لكن مشكلتها بس صيانتها المكلفة .. واذا تبغى شئ صغير فأنصحك بالأودي A5 وشوف الي يعجبك يجي منها سيدان وكوبيه ..

وبالتوفيق ان شاء الله

يس

فيه سبورت باك تجي باب واحد

وفيه منها تجي بابين وسياره رياضيه جميله جدا

موديل 2009 تحصله ممكن بـ 120 الف بس يبيلك تدور لان السياره قليله

بس تقنيات اودي فيها + رياضيه شي رائع

انت شوفها وشوف اسعار صيانتها وبصراحه هي اجمل سياره شبابيه من وجهه نظري

بعد الـ CLS " الجديده "

الله يعطيك العآفية .. كلامك بينفعني كثير .. ولك دعوآتي يالغآلي ماتقصر .. جعلها في ميزآن حسنآتك ... :)



لآ .. :confused1: وش جآب لجآب .. ياخي وش جآب الالمآني لليآبآني .. والله ظلمته .. انا نآوي على السي ال اس .. او الكآيين .. :smilie16:

بس انت اغريتيني بالبي ام الفئة الخآمسة صر آحة ..:c0214: اخ لو يحصل لي الشكل الجديد . مستحيل ..



هذآ الي انا افكر فيه .. بس للحين اشوف ال 2008 على 130 وحولهآ .. مارخصت :smilie20:


ادري والله والله ادري .. اشوف خرآبات الحين في الامريكي واليآباني .. تكلف زي الالمآني وزود .. عند الكرآيسلر ! .. جهنم ! .. وسيآرات كثير .. المهم .. الa5 جذآبة انا اشهد .. بس تجي مرتبتين صح ؟ .. يعني 4 بيبآن ؟ .. لأني ببحث عنها الحين ..

السي كلآس احسها صغيرة حبة ونص ..