شريت سياره وندمت على اقتنائها !........ شارك معنا ؟

حياكم الله

ساري : الشكر موصول لك

ههههه ليه تركت الشاهي شكل الكابرس مجننتك ههه

ومن كتابتك باين انك لاعب فب الموتر لعب مو صاحي

والاكورد تجميه امريكي حاليا وهناك سيارات كثيره على يد اليابانيين

مشكور

والاخ برنامج واضح من الموتر ههههه

آيسوزو غمارتين دبل موديل 1992

السلام عليكم

اشكر صاحب الموضوع واحب ابلغه بانه عشان الموضوع هذا تركت الشاهي على النار واحترق البراد هههههههههه << مسك خط مع الموضوع

عموما كل عام وانتو طيبين ومن العايدين مقدما

بالنسبه للتجارب كثيره بس السياره اللي ندمت عليها ( كابرس ) 2006

وعلى فكره مطلعه وكاله ومن اهم العيوب

1- غير مريح بتاتا حتى لو اعدي على عيون القطط تقول ماخذ مطب ارتفاع 20 متر << بالغت شوي صح ؟؟ << ههه

2- خلال 8 شهور انواع الازرار والديكورات المكسره

3- بعد سنه اصوات في المكينه ويطفي اذا وقفت او شغلت المكيف على سرعه اقل من 20 كم

4- بعد سنه ونص عفته وبعته

5- نصيحه للي بيشتري سياره :

لايهمك السعر قد مايهمك صناعة السياره يعني تكون بدوله معتمده ماهو زي بعض سيارات تويوتا نصها باستراليا هذا اذا ماكانت اغلبها واللي اعرفه ان الجيب اللكزس والاكورد هي الوحيده اللي باقي تصنع في اليابان وعلى يدهم والله اعلم .

ابحث عن جودة الكماليات |||| باختصار بعض السيارات تشوف فيها مواصفات وازرار وخلال فتره قصيره تنعدم يا يكون عطل او كسر من سوء المواد المستخدمه فيها ولا ابي اضرب امثله عشان مايقولون متحيز وبصراحه انا جربت شبح والصراحه والله روعه اخذته وفرفرت فيه السعوديه وبعته كل شي فيه شغال من مواصفات



الله يرجكم البراد الثاني احترق ههههههه

تحياتي

متابع :smile:

شريت مرسيدس وندمت على إقتنائها ؟؟

علشان ماأعجبتني سياره غيرها ...

أفكر أشتري غير مرسيدس مثل هوندا لكن مادخلت مزاجي من ناحية الرساوه والأمان ومتعة القياده....

الشكر موصول لكم اخواني الافاضل فردا فردا احبائي ما قصرتم ع المشاركه

والافاده با رك الله فيكم

واتمنى الافاده لتعم الفائده






بخير والفضل لله

الاكسسبلورر غير مريح بتاتا من الجمس وانت تملك سوبر بان 2006

وتعال وجرب الاكسبلورر واحكم بنفسك

او امرك وندور وانا وياك وتحكم ( على نياتي هههههههه)

يعطيك العافيه

,

اللي ندمت عليه الجي اكس ار موديل 2007 .. لكن الحمد لله بعته ربحان
الحلو فيه انه ختمها بمسك :bigggrin:
وافكر بـ سكاليد لؤلؤي سمول :smilie16:



كيف الحال ؟ :bigggrin: :bigggrin:

الحمد لله أولاً وأخراً

على كثر ما اشتريت سيارات لكن لا أتذكر أنني ندمت على شراء سيارة منها

ندمت على استئجار سيارتين حقيقة

1 - شفرولية أفيو موديل 2008 كانت على وقتها 2 - هيونداي ألنترا 2009 على وقتها أيضاً

السيارات لا يوجد بها عيوب مصنعية واضحة

لكنها لم تناسبني إطلاقاً وتنميت لو أنني دفعت أكثر وأخذت غيرها .

شكراً لك

كاديلاك اسكاليد :blue::blue::blue::blue:

مدري وش اقول ووش اخلي يبيلي مجلد كامل اكتب فيه

لاكن خلها على ربك ولا حول ولاقوة الا بالله

^^^^^^

طيب اخوي اكتب تجربتك عشان نقدر نقتنع او الاسباب

ازيرا الجيل السابق ٠٦-١١


فخامة على قلة جودة

تمنيت لو اني حطيت فلوسي بغيرها لكن ما ينفع الندم

مرحبا ياجماعة

انا استاجرت مرة كورلا ورحت عليها للزلفي ((250كلم)) عن الرياض

وقفت بالخط يمكن اربع مرات علشان ارتاح

المرتبة تحت نص فخوذي بمعنى لاتحمل الفخذ كاملا بالطول مع العلم اني لست بالظويل

يعني وسط

والرساوة شي فضيييييييييييع جدا والله حرام تصنعها اليابان






على العموم اشكر صاحب الموضوع الجميل علية

بسم الله الرحمن الرحيمالسياره ليست جديده اخذتفها مستعملهميستوبيشي ناتيفا 2004عيوبها1 - قطع الغيار غالي2- بعض قطع الغيار غير متوفره لازم تنتظر من دبي تقريبا 10 ايام3 - لو تبغا تركب بواجي ولا اي شيء في السياره لازم تفتح ثلاجه السياره مما يكلفك الكثيرلأجل شيء يسوى ولا يسوى4 - يصجوك الناس كل ما يشوفوك بالسياره يا ساهر يا كلب يا ساهر يا حرامييا ساهر يا .................. حركات بطالهواللي يهوز عليك يبغا يصدمكيحسسوك انك مكروهبس رغم هذه العيوب فيها ميزه ولا احى منهاعندما تمشي في خط وتمسك الخطاء اليسار وتمشي نفس السرعه المحددهلا احد يقدر يكبسلك من الخلف بنورهتحس انك لك هيبه

هههه

بارك الله في الجميع

الله يوسع صدوركم

هههههههه والله صادق

اخبر ايام 2010 اجرت وحده عشان اسافر فيها الرياض

المهم بالخط جننتني رساوه زفت زفت ماعلينا ويالله توصل 190 بعد مانوصل لدحديره خخخخ

وصلت الرياض الى كلبسات الصدام متفككه والصدام يلعب

هاذا العيب من عام 2000 الى يومنا هاذا 2011

11 سنه ماصلحو صدام :a1120(121):

صدقت ياخوك

ونصيحتي لكل من يأخذ كورولا ، أول ما يطلع من المعرض ، وقبل ما يدعس بها 120 ، يمر على محل مسامير وياخذله مسامير ويثبت بها الرفارف والصدام ، وحامي الصدام من تحت

الحمدلله لحد الان ماندمت!