عرض لكـزس : تقسيط بسعر الكــاش .. تفاصيــل العرض بالداخــــــل ..

الله يعافينا وإياكم من هالنظام الخايس
المفروض الواحد قبل مايوقع على العقد يعرضه على محامين ومشائخ اذا هو تمام يتوكل على الله

واذا هم ماسكينه مع ودنه :bigggrin::bigggrin: يطلق ساقيه للريح ويتعوذ من الشيطان

للأسف لايوجد عندنا نظام لحماية المواطن !!!!!!

أخي الكريم انا أختلف معاك اختلاف كللي من ناحية عقد الايجار المنهي بالتمليك ما حادخل من ناحية حلال من حرام لأني لست فقيها و المشايخ يفتون على حسب ماقيل لهم في عرض المسألة . أنا درست موضوع التأجير المنتهي بالتمليك -او مع الوعد بالتمليك- و لم أجد له أي شرط في مصلحة المشتري :

تأجير و بيع في نفس العقد و هذا معناه انك ملتزم معى الشركة الى ان تكمل الاقساد اللتي عليك . التأمين على السيارة يدفعه العميل كاملا ، اذا تطلب الموضوع دفع أجور صيانة يدفعها العميل . اذا حصل حادث لاسمح الله يدفع العميل أكثر نسبة تحمل في التأمين الشامل و هي 1500 ريال . خليني أعطيك حالة ممكن تحصل لا سمح الله لأي شخص :

قررت تأخذ سيارة بنظام التأجير المنتهي بالتمليك و بعد ذلك قررت في داخلك انك تتملك السيارة و لكن المبلغ ماكن كامل معاك فدعت اللي عندك عشان يمكن تتحصل على السيارة . مثلا سعر السيارة 150 الف ريال و انت ماكن عندك غير 100 الف فدفعتها دفعة أولى والباقي50 الف على اقساط. ما شاء الله السيارة معاك ممتازه الى ان قدر الله عليك حادث و كان باقي قسطين و تتملك السيارة ادى الى تلف السيارة تلف كلي . فتروح تكمل اجراءات المرور و التأمين و بعد ذلك تصرف شركة التأمين بتعويض سعر السيارة كاملا لشركة عبداللطيف جميل مثلا لان السيارة بإسمهم و هم اللي امنوا على السيارة مو العميل المسكين . و بعديت تروح الشركة بأمل بالتعويض و قولولك حينها عندك حلين : تبي تأجر سيارة جديدة من الزيرو ؟ او اقلب الباب مالك شيء عندنا و لا لنا شيء عندك .:a1120(82):
و اذا مومصدق كلامي أسأل عنها موظف التأجير الطيب .:a120(115):

حالة أخرى اذا استأجرت سيارة منتهية بالتمليك و قعدة معاك السيارة مثلا ستة شهور و انت منتظم في السداد و لكن السيارة ما عجبتك و الا فيها مشاكل و حبيت تردها للشركة كونك كنت مسأجر فقط و مالك رغبة في ايجارها أكثر . تروح الشركة و تعطيعهم السيارة و انت خارج من المركز يناديك الموظف الطيب السهل اللي أعطال التأجير يقول "وين رايح يا أستاذ عليك غرامة 9 أقساط لأنك ما كملت الاقساط كلها الى الوعد بالتمليك" بالله هذا نظام ؟؟؟ :a1120(82): حتى اذا كان حلال ترى الموضوع في اهلاك للمال بنسبة طيبة ..

و اذا كنت غلطان في شيء ياليت تنبهوني فالكل خطاء و ماحد كامل و آسف على الاطالة .:xyxwave:

ما شاء الله عرض حلو

المفروض انه عند الاعلان عن اي سلعة بغرض تسويقها ان نتحرى المصداقية فالسيارة مثلا اللي قيمتها 200000نقدا عندما ندعي بيعها بهذا السعر تقسيطا يجب ان لا تتجاوز ذالك لابحجة تامين ولاغيره
هذا هو الصحيح وعرض لكزس مضحك جدا اجل نوع gs بكم سترون العجايب اذهب الشارقة او السوق الحرة في الاردن والسموحة على الصراحة ايها الاخوة:c0038:

العرض لايشمل الجيوب .. فقط لـ ES / LS / GS

هل هذا العرض يشمل جيب لكزس إللي مثل البرادو؟

ياخي انت مبدعع ههههههههه


باقي شي ماسويته بالسياره ؟ هههههه

الله يحفظك ان شاء الله ومايصيبك مكروه

الله يعافيك ياخوي .. والله وش اسوي ياخي .. من طلعت هالسياره وانا ماني عارف اهدي !!!

ابتلشت بهالمقاومات ياخي !!! << اللي يقول معه بوقاتي :)


شوف يا طويل العمر .. بالنسبه للسياره .. فهي كاديلاك BLS 2008
6 سلندر 2.8 تيربو .. :)

قيمتها كاش على وقتها كانت 135 ألف ..

أنا أخذتها إيجار منتهي بالتمليك من الجميح نفسهم (السيارة بإسم الجميح) على 4 سنوات .. دفعه أولى 40 ألف .. قسط شهري 1970 ريال ودفعه أخيره 30 ألف ...

طبعا لو تحسبها كامله 165 ألف .. بتقول كثيره بقول صح ..


لكن .. تأمين شااااااامل من شركة العربية التعاونية للتأمين .. ( لو أحكها في جدار عمدا .. يمديني أصلحها على التأمين ) .. والتأمين مرييح جدا جدا لأنه عقد مع الجميح .. يعني يصير حادث لا سمح الله يجي نجم .. أخذ ورقة الإصلاح والكروكي وكل الزحمه ذي . وأدخل السياره قسم السمكره والدهان تبع الجميح وهم يتفاهمون مع التأمين ..

4 سنوات أو 100.000 كم صيانة مجانية ما أدفع ولا ريال ( كل اللي علي بنزين وكفرات وشمعات إذا خربت ) .. طبعا شامله أجور اليد ...


طبعا هذي الإيجابيات .. السلبيات ..

أنه لااااا تسويييي حاااااااااادث ...

قسم السمكره والدهان الله لا يوفقهم ياخي .. تأخير على القطع .. وشغل والله زي الزفت ياشيخ وقسم بالله إنهم لعبولي في السياره لعب .. وكانوا يبغون يحطونها فوق راسي لكن ماخليتهم وقلبتها عليهم .. مافيني حيل أدخل في تفاصيل . إذا الله اراد بكتب موضوع عن المشاكل ..

طبعا هذول قسم السمكره والدهان .. أما قسم الصيانه .. كويسين .. صح بعض الأحيان يستهبلون لكن ماتتعب معاهم ..


طولت صح :)

هذي أخر شي .. :)

اما عن الحوادث فالحادث الأول غبي شوي وأنا غلطان شويييي مو كثير ... أنا ماشي في شارع في المسار الأوسط .. وفيه قدامي فان .. طبعا الأخ فرمل بكل ما أوتي من قوه في وجهي .. أنا ماقدرت أضرب فرامل .. على طول سقطت يسار (بدون إشاره ) ويجيك صني ماشي 200 مليون .. ويضربني في الزاويه اليسرا .. طبعا الحمد لله بدون إصابات لا عندي ولا عنده والفان طبعا ماوقف . فإنحط الغلط على 100% إنحراف عن مسار :)


والثاني طال عمرك أنا أعترف إني غلطان .. والمشكله أنه الموضوع كله غلط × غلط ..

نتقاوم أنا وأوروين مزود طبعا أخذنا 3 قومات وفي الأخيره طلع علي فأنا فكيت الدعسه على 220 ..طبعا هو صار قدامي الآن .. هو دعس على خشبه وهو ماشي .. فطارت الخشبه وضربت في الشبك ( أنا كنت فاتح الكبوت نص فتحه عشان التيربو سخن معاي وبدت السياره تحتر )... طبعا إنكسر قفل الكبوت وفتح علي وضرب في السقف والحمد لله على السلامه ..


:(

إدعولنا ياجماعه بالهدايه :(


:)

تجربتك يعني معقولة بس ايش بها حوادثك كثيرة وتكلفتها غالية هدي اللعب :bigggrin:

لكن عشان نفيد الزملا بالمنتدى

الايجار المنتهي بالتمليك تبعك على اي وكالة ؟ او شركة او بنك؟
والتامين على اي شركة تامين ؟ وايش نوعه ؟

والله يحفظنا واياكم من شر الحوادث

باالنسبة لفئة الوسط شاشة بدون بانوراما سعرها
160 الف ريال
وتكون قيمتها بالاقساط فوق 173 بسبب التامين
الدفعة الاولى :84الف ريال
قسط شهري حوالي 1935 ريال
دفعة اخيرة 44 الف وكسور
بالنسبة للبانورما بدون رادار
الدفعة الاولى حوالي 90 الف
والقسط الشهري حوالي 1750 ريال
لا اذكر الدفعة الاخيرة لكنها اكثر من اربعين الف
لكن سعرها الاجمالي حوالي 189 الف ريال
التامين 4.5 % من سعر السياراة مضروبة في سنتين + 2000ريال رسوم ادارية
الدفعة الاولى ممكن ينزلونها لك لكن لو بتزيد سنة راح يحسبون عليها فايدة حوالي 3% +4.5 % تامين على السنة الثالثة فقط

العرض على جميع السيارات السيدان بكل انواعها ومستمر الى نهاية الشهر الميلادي الجاري

بالنسبه للإيجار المنتهي بالتمليك .. أنا سيارتي باقيلها 15 قسط ودفعه أخيره .. وسويت حادثين الأول كلف 35 ألف والثاني 40 ألف ( أنا شايف الأوراق بنفسي ) وكلها على التأمين .. أنا أدفع 1500 تحمل حادث .. وبالنسبه للحكم حلال شرعا لأنه بيع بالتقسيط فإن إنتهت الأقساط تم نقل ملكيتها ... وهذي الفتوى من موقع الشيخ إبن جبرين ..
http://ibn-jebreen.com/ftawa.php?view=vmasal&subid=8262&parent=4212


وإذا الله أراد الوالد بيكمل قيمة الأقساط الباقيه مره وحده وبيخصمون لنا فيها خصم كويس ..

أما بالنسبه للمشاكل .. فأنت في السعودية .. يعني حدث ولا حرج .. والكل عارف هالشي ..

:)


والعرض والله كويس بس هل هو بس على فئة الإستاندرد ؟؟

لأن بصراحه ماتسوى الـ ES ستاندرد ... أخذلي IS فل ولا ES ستاندرد !!!!

عرض جميل بس هل هو علي الاي اس فقط والا علي كل الفئات

مشكور اخوي .. بس ماسألت عن سعر النص فل والفل ؟؟؟

الحكم الشرعي حرام لأنه فيه غبن وقهر للمستهلك مع خدمة سيئة في حال الحوادث
يعني 74 ألف دفعة وبعد سنتين 40 الف وبينهم 1500ريال يعني تشتري كامري وبعد سنتين يارس والقسط خليه مصاريف .
يعني لو سوى مثل عرض كاديلاك نص القيمة الآن والنص الباقي بعد سنتين بدون فوايد كان أفضل وممكن يكون مغري لكن أبوجميل لازم يكسب في البيع والصيانة والقطع
السيارات هذي للنخبة والنخبة عندها كاش لكن رغم مشاكل التأجير وارتفاع السعر هناك من يشتري عجبي .

اخوي تقول اللي صار لهم حوادث سحبوا سيارتهم عوضوهم بسياراة جديدة ولا بفلوس ؟؟

والله قريت كثير .. اغلب اللي ياخذون سيارتهم عن طريق التأجير المنتهي بالتمليك ماتبارك السيارة .. يعني حوادث واصلاحات وقروشة ..!!

الفيصل في الموضوع هو الحكم الشرعي ..
اذا حرام او مشكوك فيه .. خط أحمر طبعاً والله يغني الجميع بحلاله عن حرامه ..


لكن هل بالامكان تقليص الدفعة ل30 الف مثلا ؟ والا اجباري 74 الف ؟

ماعتقد .. لان حسب كلام الموظف الدفعة ماتقل عن الـ 74000 ألف ريال
وممكن تزيد القسط وتقل الدفعة الأخيرة ..


عموماً
من وجهه نظري .. العرض مش بطال .. خصوصاً اذا المبلغ الاجمالي مو متوفر ..

لكن اذا الطريقة فيها شبهه .. الواحد يبعد عن هالأمور مهما كانت المغريات ..!

وعليكم السلام ورحمة الله وبركاته ,,



+1



وهذي هي المشكلة

النظام هذا مشكوك فيه...وما اعرف احد دخل فيه الا وصارت له مشكلة ومعظمهم حوادث

وكل اللي صارت لهم حوادث سحبو منهم السيارة

وابدا مو في مصلحة المشتري المسكين

وكل واحد يمد رجله على قد لحافه...ليش انا اخذ اللكزس بايجار ومرمطة دام اني اقدر اخذ الافالون مثلا...سيارة تقضي اشغالي وتلبي متطلباتي

لكن للاسف عندنا الناس يهمهم الشعار واسم السيارة وهذا اللي خلى نظام الايجار المنتهي بالتمليك ينجح

اما العرض....الدفعة الاولى كبيرة جدا...لو مددو الاقساط 4 سنين وقللو من الدفعة يكون افضل

لكن هل بالامكان تقليص الدفعة ل30 الف مثلا ؟ والا اجباري 74 الف ؟

وشكرا لك ^^

يعطيك العافيــــة مراقبنا ..

لكن زي ايش المشاكل ..؟

والأهم الطريقة جائزة شرعاً ..؟
لاني اسمع ان الايجار المنتهي بالتمليك .. فيه محظور شرعي ..