كابريس 93 وماشي 250 الف >>>>>>>>>

مشكورين على الآراء

جربت وشغلت السيارة ولكني وعند تغيير النمر بها وجدتها تطق طقة عنيفة على الدي ( السيارة واقفة ) هدأت قليلا بعد تحمية السيارة
كما يبدو ان بها صدمة من الامام لأن شمعاتها كانت مغيرة بنوع تجاري مصفر

كما أني اشتبهت في مشيها فليس من المعقول ان سيارة لها عشرين سنة ويكون مشيها 250 الف فقط .....

مع احترامي اخوي لو بايعه تشليح يمكن تجيبلك أكثر
فيه احتمالين اما أنك بايع السيارة لواحد تعرفه وعطيته بسعر رخيص
او ان السيارة متهالكة وفيها صدمات كثيرة او فيها مشكلة كبيرة

ومو معقولة 3500 :confused1:
انا لقيت كوابرس كثير من موديل 91 الى 96 وبأسوى حالة واسوى ماتصور مالقيت ارخص من 5000 ريال :c0038:

ولو تشلحها جابت لك اكثر من هالقيمة :tongue:
مكينه 2500 ريال
قير 1200 ريال
اربع بيبان 2000 ريال
ديكورات 300 ريال
وو وو وو

طلعت لك قيمه :bigggrin:

أسف على كلامي بس
انا اتكلم بالواقع
:wavey:

قديمك نديمك
ولو جديدك اغنااك

توني بايع موديل 94 بسعر 3500 وماشي تقريبا 260 الف بس صراحه خراباتها كهربائيه عجزت عنها ماتتصلح ..

واشوف انت اللي حاطها صراحه غاليه كثير عليها !!

مبرووك مقدما ً ... أنا أرى إن السعر لو يكون 13آلف يكون آحسن ... !!

والله انها سيارات مكده وكرف وقطع رخيصه بقووه ومريحه

عليها مقاعد كنك في الصاله ماشاء الله تبارك الله

وفعلا زي ماقال اخوي ماتحس بالسرعه والله يكفيك شر السرعه

السلام عليكم

بالبدايه انا راح اتكلم معاك بحكم اني امتلك كابرسين 91 و 95 <<<< بنزين مو سيارات المهم

93 نفس 91 بالمحركات والقطع وكل شي
بالنسبه للمشى باين عليها نظيفه واذا قدرت تاخذها باقل من هالسعر يكون ممتاز جدا
يعني لو تاخذها 12 او بالكثير 13 كويس مرة بس تأكد من نظافه المكينه وتأكد انها ماتهرب زيت مع الوجيه لان انا أكثر شي عانيت منه تهرب هالزيت اللي يجي مع الوجيه عندنا سيارتين موديل 91 وكلهن يهربن مع الوجيه فا أنتبه من هذي الجهه
والشي الثاني الحرارة اذا كانت ماترتفع حرارتها توكل على الله وخذها

والسيارة بالنسبه للخرابات :
بالبدايه الكابرس 91 اللي عندي كنت اعاني من الحرارة والحمد لله ركبت مروحه اضافيه
وانتهت هذي المشكله تماما والحرارة صارت اوكي

الدينمو : عانيت شوي مع الدينمو الى ان ركبت دينمو اصلي ولله الحمد فوق السنه ماشكيت منه

وكثير من الناس تعاني من الدينمو والسبب انهم اذا خرب الدينمو يركبون دينمو مجدد او مستعمل او مو اصلي وهذا أكبر خطأ

طرمبة المويه اللي تمسك بالمروحه خربت مرة وصلحتها اصلي ومن يومها ماشكيت

السيارة اذا كانت نظيفه صدقني جيتك للصناعيه راح تكون قليله
من ناحيتي انا امر الصناعيه كل 3 الى 4 شهور والسبب اشياء بسيطة بكرة تطلع صوت فحمات وبواجي

وانت لك الخيار

المميزات :

مريحه جدا على الخط لدرجه انك ماتحس بالسرعه وتشك ان العدد خربان
تقطع مسافات طويله وماتلهث مثل بعض السيارات
تدلعها تدلعك

والخيل من خيالها

تحياتي

وكل عام وانت بخير