^^^
يارب انها قالت اللي عنده كادينزا
المهم انا من ملاك الفاخرة كادينزا .. وانا بسردلك المميزات والعيوب اللي فيها ..
نبدا بالمميزات :
1- شكل رائع ومميز وملفت للانظار .
2- فتحة سقف بانورامية مذهلة .
3- رساوة على الخط منقطعة النظير + مسكت فيها خط الرياض ومعي في السيارة 5 اشخاص وجميعهم اكدوا ان السيارة لا يعلى عليها من ناحية الراحة في السفر .. طبعا كلهم واحنا راجعين نايمين ومخليني لحالي طول الخط :a1120(121):
4- المقاعد الخلفية رحبة وواسعه ومريحة جدا .
5- المكينة جبارة وقوية يكفيك انها 290 حصان .
6- ميزة تبريد المقاعد ميزة جميلة جدا .. وازيدك من الشعر بيت في الكادينزا 2012 تتوفر بميزة المساج للسائق يعني زوجك بينبسط .
7- المكيف ما شاء الله تبارك الله لا يعلى عليه سواء في عز الظهر والا في اخر الليل .
8- النظام الصوتي رائع جدا واللي عندي ديمنشون وصوته رائع فما بالك بنظام الانفنتي و12 سماعة المتوفر في 2012 ؟؟. :wink:
والان اذكرلك ابرز العيوب اللي واجهتني وما اعتبرها ذيك العيوب اللي تمنعني من اقتناء السيارة :
1- الوكيل وعتبي عليه فقط الزحمة في الصيانة لكن هذا العيب زال بعد تغيير الفرع وذهبت لفرع اخر فااااضي لدرجة انه مافي احد غيري بالصيانة :a1120(86):
2- ظهور صوت في المكينة بعد ممشى 30 الف لكن الحمد لله بلغت الصيانة عليه وتم تصليحه على الضمان .
3- صوت احتكاك الهواء على المراية الجانبية مزعج لكن ما يظهر الا في السرعات العالية ومو مزعج للدرجة اللي يتصورها البعض .
4- اللي يقولون قطع غيارها غير متوفرة انا اتحداه في هالشي واتحداه انه يمتلك كادينزا اصلا . انا يوم طلعت سيارتي بشهر صارلي حادث خفيف وانكسر على الشبك الامامي واضطريت اني اغيره ورحت للوكالة وتوقعت اني ماراح احصله او بيسوولي طلبيه لكن تفاجأت انه قال موجود :rolleyes1: .. واشتريته بمبلغ وقدره 486 ريال واعتبره مناسب جدا . وغير كذا شريت رشاش الماء الامامي وبرضو كان متوفر .. يعني القطع موجودة ولله الحمد ..
هذي جمييييييع ما خطر على بالي من سلبيات و ايجابيات .. ويشهد الله علي اني ما قلت غير الحق ..
وتقبلي تحياتي وتقديري ..~
