هل انت ندمان لشرائك جمس يوكن

عندي دينالي 2011 صار لها بالضبط 4 سنوات و 3 شهور وماشي عليها 130 الف كيلو متر

الان بدأت اندم على شراءها بسبب الديكورات العفنه وقبل فترة غيرت طرمبة زيت وكراسي مكينة مع بع القطع بقيمة 10 الف ريا ل

1- الطبلون مكسور ومادري كيف انكسر من جهة اليمين واليسار والان اسمع انواع الطقطقه المزعجه
2- الربل نصها ماهو ثابت والنص الثاني طاح من حاله
3- كل فترة تطيح قطع بلاستيك واركبها بيدي خصوصا اللي عند الابواب ( القطع اللي مكتوب عليها دينالي)

هذي اشياء تخليني افكر بتغيير السيارة حاليا لكن محتار وش البديل اللي يعوضني عنها
خصوصا اني اسافر عليها كثير ومرتاح في السفر بها والعائلة مرتاحين كثير.

أنا مشكلتي مع اليوكن 2011 ومن أول ماشريته وهو جديد ماشي إلى الآن فقط 19000 عندي مشكلتين تجعلني أشعر بالندم في بعض الأحيان أنني أشتريت اليوكن وهما كالتالي:

1. إذا كنت ماشي داخل الأحياء وفي الزحام وعلى سرعة تقريباً ما بين 20 و40 كلم ولما أرفع قدمي وأنتو بكرامة عن الدعسة وأرجع أدعس مرة ثانية أسمع صوت طقة في الأسفل كأنها في القير أو الدفرنش (الصليبات) والله أعلم ويقال والله أعلم أنها طبيعة وإذا كان كذلك فأنا أعتبره صفة جداً سيئة في هذا النوع من السيارات.

2. أحياناً فيه كتمة وعدم إستجابة للدعسة وخوصاً ما بين السرعات المذكورة آنفاً ما بين 20 و 40 إلا إذا دعست بقوة يرد نمرة غصب عنه ويفز فزة قوية وهذه حركة غبية جداً وإذا كان هذا طبيعي في هذه الموديلات فهذا عيب تصنيعي أنا شخصياً أعتبره.

عموماً هل أحد من ملاك هذه السيارات لاحظ هذا الشي؟

وشكراً لكم جميعاً.

انا ندمان اني مااخذت كاديلاك اسكاليد ولكن لاستخدامي العنيف نوعا ما قلت حرام اخذه واخذت تاهو ولله الحمد

انا اشوف التاهو افضل شكل من اليوكن الوجهيه كانها تخزك
عكس اليوكن تحس انه مفهي والنوار شوي تصميمه موب حلوة

انا معي تاهو 2011 الي موجود في التوقيع و مرتاح بس صرفية البنزين ذبحتني بس للامانة تراني ادعس له :bigggrin:

في الحقيقة انا عندي الوحش الناعم الامريكي جي أم سي يوكن 2009 من السيارات المريحة ، في الخط وماتقدر تقول عليه شئ رحت فيه الرياض مرتين من احلى ما يمكن
وسلامتكم

ندمت اني ما اخذت بدون دبل لكن للاسف كان المبلغ موصل للحد الاعلى والحمد لله على كل حال ،، صحيح اني ماني راعي بر وكذا لكن اقلها لا بغيت اطلع اقدر

اخوي اكيد انك ما غيرت زيت القير .. ومن الممكن تحصل سيارتك من 1000 سياره تعطل قيره



اخوي انا ما اشوف فيه فرق بالثقل الي بدبل وبدون
لاني كم مرره قاومت مع بدون دبل امشي معه ولا اطلع عليه :bigggrin:

هذا دليل ما فيه فرق بالوزن

ونصيحتي تاخذ دبل ولا بتندم وللمعلوميه الدبل يمسك سعره :xyxthumbs:...بعكس الي بدون دبل

ومن ناحية الصوت اتوقع شي طبيعي سياره مرتفعه وتضرب الهواء اقوى من سيارات السيدان وفكر فيها :c0214:

واذا ما تبي صوت هواء ما فيه غير الكزس :bigggrin:

نعم انا ندمان ندمان اني ما اخذته من اول ما نزل :bigggrin:

فعلا السياره جباره جدا ورائعه واكثر من رائعه

وافضلها عن الكرايسلر بحكم امتلاكي لسيارتين

والموديل الي استخدمته تاهو : 2010- 2012 امتلاك مو تجربه ال تي نص فل دبل

ولد اختي عنده تاهو 2010 دبل قصير ...... راضي عنه تماااااااااااام الرضا ..

يقول لي عيبه الوحيد تجي فيه خرابات احياناً مثل الرجه ولا يعرف لها الا الوكيل ...

بل انه اضطر لا دخالها اكثر من مره ... لانهم ما عرفوا وش المشكله .. وفي النهايه جاء خبير امريكي وحل المشكله ....
والي حريص يبي يعرف المشكله بالضبط ووش التشخيص لها .. يعطيني خبر هنا عشان استفسر وارد لكم

تاهو LTZ-2010

تعرف متى تحس بالنقص من سيارتك ؟

اذا شفت سياره تسوي شي انت ما تقدر تسويه بـ سيارتك ..

اذا بغيت التاهو خط روعه واذا بغيته بر ولا اروع واذا بغيته كشخه نظفه واتدلع فيه ، بإختصار سياره لكل الطقوس ولكل الاوقات .. ما شاء الله

وعندي كلمه حاب اقولها ، مو لاني امتلك تاهو والله ..

وجهية التاهو وخلفيته احلى بمراحل عن اليوكن

صراحه التاهو مره مره خقق ياااااي :bigggrin:

تاهو 2007 للوالد ، العداد 250 الف والحمدلله راضي عنه تمام الرضى

السيارة راسية بالخط
واسألني عن رساوته
انا اسبوعيا ما سك خط الدمام الرياض وما ينزل عن 150 في العج او غيره
والسيارة ممتازة ولاني نادم ابد عليها
السيارة يوكن اكس ال 2011

انا بطلع تاهو بس هل الدبل يثقل عليه
وهل هو اسي ومريح وسمعت انه اذا اسرعت فيه فوق 140 يطلع صوت مع الشباك هواء
وشرايكم اخذ بشاشة نفيقيشن او بدون واركب جارمن من عندي

الوالد عنده تـآهو 2009 :smile:

مآ شآء الله موتر بمعنى الكلمه قوة ورساوه وهيبه وراحه

الحمدلله الوالد محافظ عليه والصيانه اول بأول

تحيـآتي ..

كان عندنا تاهو (اخو اليوكن) 2007 بصراحه احلى موتر سقته في حياتي ابداااع
لما تسوووقه تحس انك في طياااره وصوت مكينته ابدااااع ومريح بالسفر :smilie16:


بس ندمنا على شرائه لما مشى 120.000 وبدون سبب طااح القير :c0038:

حتى اذكر كتبت موضوع في المنتدى ابي فيه مساعده من الشباب علشان يدلوني على ورشه حق توظيب القير ... وهذا رابط الموضوع كان سنه 2009

http://www.assayyarat.com/forums/thread184925.html

ومع ذلك اقووول انه من احلى المواتر اللي سقتها في حياااتي ابداع