السلام عليككم ورحمة الله وبركاته .. كل عام وانتم بخير ، وعساكم من عواده ..
طبعاً بكل اختصار الموضوع باين من عنوانه .. انا شخص ، لي اكثر من شهرين ، وانا في الوكالات ، وكل يوم تدخل سياره في مزاجي .. والله الواحد يحتار في هالوقت ..
لكن بالاخير رسيت على الثلاث سيارات هذي ؛
اكورد 2012 نص فل ( سبشل )
فورد توروس 2012 نص فل
ازيرا 2012 نص فل
طبعاً انا ابغى سياره تكون شبابيه ، و حقت خطوط .. انا تقريباً كل ويكند بمسك خط 500 روحه ، و 500 رجعه .. وبنفس الوقت ابيها مريحه ، وراسيه ، وعزلها حلو ، ومواصفاتها مقبوله ( ما تهمني المواصفات بقدر ماتهمني الجوده ) ، وتكون تخدمني فتره طويله ، ما ابيها سنه او سنتين و تتفكك علي ،
خصوصاً انها بتكون اول سياره شخصيه لي ، ابيها تدوم معي ع الاقل 5-7 سنوات , مع ملاحظة اني مو راعي قومات ، وسواقتي هاديه ورايقه .. وماتهمني قوة المكينه
والاكورد زي ماسمعت انها اصبحت امريكيه ، يعني كيف بتكون جودة السياره ، هل هي نفس 2011 ولا اختلفت بأختلاف مكان التصنيع ..
وبعض الاستفسارات عن الفورد توروس .. هل التوروس فيها مشاكل مثل السيارات الامريكيه الثانيه ، مثلاً مشاكل الحراره ، واعطال الكمبيوتر ، واذا فتحت فمها ما بتصكه ( زي مايقولوا اصحاب الامريكي )
اتمنى اني ماطولت عليكم .. وشاكر لكم مقدماً
