اسعار التاهو ارتفعت مع الاسف

اترك الذكاء لك :bigggrin:
طيب ياغالي الان احنا بعد رمضان وش معنى حصلت بالمعارض اصفار بـ 127 الف ريال؟؟
ولا تقول لي شارينها هم وقت العروض الرمضانيه :bigggrin:

ماشاء الله عليك شكلك ذكي مره

كيف تبي الاسعار بعد رمضان ارخص من اسعار عروض رمضان؟؟؟

فاتتك صح

^

بالعكس الحين المعارض يرفعون الاسعار

لانه بالصعوبه تحصل تاهو 2011

خصوصا اللون اللي تبيه

انا استغرب من الي يشتري سياره دارجه مع الناس مثل التاهو من نفس الوكيل:confused1: الله لا يهينك ولا يامر عليك عدو خذ لفه بالمعارض وان شاءالله تحصل مطلوبك بارخص من الوكاله بحدود 10 الاف لبعض السيارات
بعضهم يعتقد ان الضمان يروح عليه اذا اخذها من برا الوكاله
ومبروك عليك السياره الله يطعمك خيرها ويكفيك شرها

قبل شهر رمضان حصلت يوكن و تاهو 2011 أصفااااار بدبل وكاميرا

كانت الألوان المتوفرة ... فضي ’ ذهبي ’ رمادي

بسعر 147 ألف في أحد معارض السيارات بحي الشفاء بالرياض

واليوكن الطويل أللوان متوفرة .. ذهبي ورمادي .. بـ 150 ألف ريال بدبل

الآن اليوكن استاندر وصل سعره 162 ألف ريال !!!!!!

عسى ما شر

أخذ يوكن أو تاهو استخدام أمريكي نظيف ولا أترك مجال للأشكال هذى تستغلني

صحيح انا اول تاهو ال تي دبل محصله بـ 120 الف وال التي زد محصله بـ176 او 167 ناسي الصراحه بس مغري العرض هذه الكلام للاسف السننه الي فاتت

تدرون وش سبب الارتفاع
اول شي تاخر الموديل 2012 واعتقد انه شي مقصود عشان 11 يمشي وفعلا مابقي شي
ثاني شي التاهو او اليوكون عليهم سحب مو طبيعي
السبب رخص اسعارهم مقارنه باليابااني لان الاند ارتفعت اسعاره بشكل خيالي
اجل بالله عليكم 6 سلندر جكسار 183 الف
اذا وصل 130 سمعت صوت الكفرات بالازفلت وضيق ومافيه اي مواصفات
يعني العالم مالهم الا الله ثم الامريكي وشوف الشوارع الان كلها تاهو او يوكون او فورد
وقضيه مقاطعه ومدري ايش اعتقد مالها اي فايده يمكن تسبب تماسك للسعر لكن تخفيض مااعتقد لان كل سنه يزيد الموديل عن اللي قبله اقل شي 15 الف بالذات الاند والتاهو

السلام عليكم

في امريكا التسعيرة تزيد كل سنة بسبب تغييرات في الموديل

هنا عندنا التسعيرة تزيد كل كم شهر بسبب المزاج ومدى سهولة اصطياد المستهلكين

اليوم مريت من الوكيل واسعار اليوكون استندر اقل نوع وصل بـ162 الف ريال

انا عارف ان السيارة عليها طلب بس مهو لهذي الدرجة تستغفل الناس بهل الاسعار

اساسا الشركة الام تقدر توفر السيارة وما تحتاج تدفع اكثر من حقها , بس اذا الوكيل ماله رقابة من الجهات العليا راح يزيد كما يبي ومافي فايدة انك تسترجع حقك حتى لو تم كشف التلاعب الواضح الي بدر منهم ..

نفس الشئ للتوكيلات الجزيرة وكيل فورد الي اسعاره مرتفعة دون مبرر ..

فرصه لايدرون ان الوكاله رفعت السعر ثم يرفعون هم

هههههههه حسيت أنك ندمت يوم أنك ما شريته برمضان
ماشاء الله تبارك الله...الله يطعمك من خيره ويكفيك من شره
مشكلة الاستغلال..يوم شاف أن على اليوكن والتاهو سحب
قال برفع السعر اصلا الزبون بيشري لانه سياره عليها طلب كبير

والله هالتجار يبي لهم تأديب

لكن العيب مو فيهم .. العيب فينا اللي نشتري وكأن مافي هالبلد إلا هالولد

بالله ياللي تشترون التاهو واليوكن بهذه الأسعار ما شفتوا الإرمادا ؟؟!

بالله ما شفتوا السكويا ؟؟

ما شفتوا الإكسبدشن اللي جودته ومتانته أفضل مليون مرة من سيارات جي أم مجتمعه ؟!

لكن هي ثقافة شعب لا يمكن تعديلها

اسعار المعارض دائما ارخص من الوكالة لأن فيها اسم المعرض بينما الوكالة اسم المشتري يكون أول واحد ، طبعا السيارات كلها جديدة يعني ماتفرق فيها اسم او لا !

الفارق يصل احيانا 10 آلاف ريال ! اشتري من المعرض أفضل والضمان ما يختلف ابدا ابدا !

ولد خالي اشترى تاهو 2010 ال تي دبل بمبلغ 127 ألف ريال
نفس المواصفات 2011 بمبلغ 143 ألف يعني زيادة 15 ألف على الموديل السابق !

ولا زال هناك طلب غير طبيعي على التاهو واليوكن ، سحب عجيب جدا على هالسيارتين !

البديل الأمريكي هو الاكسبديشن ، والياباني الارمادا ، والسيكويا وان كان سعره قريب من التاهو واليوكن .

واللي يرتفع سعره مستحيل ينزل ، يعني في الموديلات الجاية انتظر ارتفاع ولا تنتظر انخفاض !

الله لايربّح كل تاجر جشع !

والله التاهو و اليوكن عليها طلب كثير

و منتشرة إنتشار كبير بس هذا غير مبرر و لا له تفسير منطقي

يعني إذا سعرها من أمريكا ارتفع أو زادت الجمارك ما عليه زودوا شوي

أما إذا ما زاد تروح انت ترفع من عندك و تكسب زيادة

هو أصلا إذا بعته بسعره القديم كسبان كسبان كمان ترفع السعر ؟؟؟ وش الجشع ؟؟؟

أحسن شي اللي معاه كاش يشتري من الصالات أرخص بحدود 7000 عن الشركة و نفسها أصفار

طيب السوبربان الطويل LT كم سعره في الشركة ؟؟؟

يا شباب أنا يوميا أمر من عند بالبيد مليانة جمسات و تاهو موقفة في الحوش و بأكياسها

يعني اللي يقولوا مخلصة يمر على بالبيد يمكن يحصل

انا نفس الحكاية ياخوي والله بهذلونا حسبي الله عليهم الله لايسامحهم ضيقوا صدورنا

برمضان كان سعره بالتوكيلات 126000 ويقول كلها محجوزة وجابلي تاهو ذهبي

قلت ذا اللون مايعجبني قال انتظر بعد العيد اجل جيتهم اليوم يقول الذهبي وغيره سعره

134000 بذمتكم مو حرام اللي قاعد يصير حسبي الله ونعم الوكيل بس رحت للمعارض

واخذت واحد ذهبي بـ 125500 يعني مافيه غير هذا اللون انحدينا عليه حد

ومثل ماقال اخونا مافي حل الا المقاطعة بس مستحيلة هنا شعب دفيع ومايستانس الا اذا دفع

نسأل الله السلامة بس الله يعين اللي يدور تاهو هاليومين

للمعلومية الشركات صرفت 2011 وبعد 15 يوم تنزل 2012 وشوف بكم لانه رفض يقولي

يقول اذا نزلت بالميناء يتحدد السعر وسلامتكم ..

فعلا انا رحت للجميح في شهر رمضان و شفت التاهو سعره 131000 LT
و اللون الجديد كمان الي هو ع كلام الموضف موكا
و كنت خايف ترتفع و اترفعت :c0038: :a120(115):

اولا الله يطعمك خيره ويكفيك شره

ثانيا انا لست من مستخدمي لا تاهو ولا ياهو :smile: بعد تجربتي للجراند شروكي اوفرلاند 2011 التي لم تستمر الا 3 اشهر وتخلصنا منها بحمد الله انما افضل الياباني بشكل عام

المهم ليس هذا موضوعنا الامر واضح رفع السعر حول 10 الاف ريال تمهيدا لتخفيض قادم قبل حلول موديل 2012 فينزلون 10 او 11 الف من موديل 2011 ويقولك نزلنا عرض

لعبه قديمه ساذجه

فعلا
العيسى اليوم ارتفع من 140 الى 143500
ارتفاع غير مبرر .. السعر حتى قبل رمضان 140 .. و الموديل في نهايته .. فكيف يرتفع السعر؟؟
التوكيلات يقول 138 .. لكن للأسف كلها محجوزة .. و الله تعبت من شهرين فلوسي جاهزة و ادور موتر كل ما اجيهم ما فيه . و الحين يرفعونه؟؟

اذا التاهو وصل ها سعر البرادو احسن بكثير

يا أخي العزيز:
تحية لك معطرة
السبب في الارتفاع هو نحن
يعني شدة الطلبية على السيارة هو ما ادى الى الارتفاع الكبير في السعر
فصار التاهو قيمته اكثر عن الارمادا وسيارات كثيرة وكان بالماضي سعره
بسعر الباجيرز 3.0 وماحد يرغب له فشوف اليوم
يكاد باليومية تشوف التاهو فحص
وهذا هو السبب
فلا تستغرب اذا سمعت فيوم انه التاهو بقيمة لاندكروزر v8
فالان تصدق انه للون اللؤلؤي والعنابي قيمة خاصة؟؟؟
يعني فعمان نحن هذا اللونين يوصل21 الف ريال عماني مايعادل معكم 204,537.98
نحن معنا بهذا السعر تاخذ لاندكروزر ستة سلندر
ولو سويت المقاطعة 50بيكون مقاطع و50الاخير يشتري
نحن سوينا بالرمضان قاطعنا الوكلاء والنصف مقاطع والنصف غير مقاطع

فالله يعين
بس تصدق سعركم كثيييييير رخيص يعني معنا يطلع 14,332.79نحن هذا سعر الباجيرو رقم واحد
وعلى فكرة اذا كان انت تقصد الرقم2التاهو نحن قيمته معنا 16 الف وفي السابق14

كله هذا بسبب شدة الطلبية
موفق
وهناك خيارات اخرى
مثل الارمادا

مرحبا اخوي وشاكر لك مداخلتك
بالنسبه للمعارض ياغالي فالسيارات يشترونها من اشخاص شارينها بالاساس تقسيط ومحتاجين كاش اتمنى الصورة وصلت
بخصوص الشراء من الخليج والله اتمنى اني موظف مدني عشان اقدر اطلع برا السعوديه واشتري من اي دوله خليجيه
وبعدين من قال لك اني شاري سياره من هنا؟؟
كلمافي الموضوع انه واحد عارض سيارته مستعمله واعرف اصدقاء يبحثون عن هالنوع من السيارات وطلبت التواصل معه

اتمنى الصورة طلعت اوضح الان
واكرر شكري لك