||||+|||||سؤال بخصوص تغيير زيت جيربوكس كابريس2008 والله يوفق كل الي يدخل ||||+|||||

أصحح معلومة قلتها فوق:
قير الشفروليه من 2007 و فوق يستخدم له زيت:
Dexron 4

أسالك بالله تروح الوكاله
400 ريال ماهي خساره في سيارتك ماشاء الله
انا غيرت في رمضان في الوكاله
رغم اني طفران لكن في اولويات وفي كماليات في الحياه

برا تلاقيها ب 10 او 11 الأصلي :)

مشكور اخووي ويعطيك العافية

الميكانيكي قال لي 6 علب للإحتياط لن هي 5 علب بالتمام :)

على كل حال انا بكرا ان شاء الله بغيره وباخذ 6 علب

ويعطيك العافية ماقصرت

الزيت موجود عند بالبيد العلبة بـ 20 ريال

acdelco dixron-vi

انا سيارتي نفس سيارتك المكنيكي قلي 6 علب

والله حفظ الكتالوج حقه :)

بس ماهم كاتبين كم علبة زيت

بس كاتبين النوع وهو dexron vi وواحد حاط موضوع وعنده كابريس زي الي عندي 6 سلندر

اخذ منه 5 علب بالتمام
انا بشتري 5 سواء كانت اقل او اكثر

بحط زيت لين مايزبط المقدار
طبعا بوقف على ميكانيكي الورشة بنفسي

ويعطيك العافية على الرد وماقصرت

مع التحية ’’

اخوي - نصيحه اذا ما تستطيع انك تغيره بالشركه - إقراء الكتالوج اللي بالدرج علشان تعرف تفاصيل تغير زيت القير و خصوصا الكميه و بالتوفيق

يعطيك الف عافية اخوي وبدور موتر كرافت dexron 4 واذا لقيته اخذته

وبفيد الأعضاء بالتجربة ان شاء الله بعد التغيير

مع التحية ’’

يعطيك العافية اخووي على رد وماقصرت

وانا فتحت دليل المالك وفعلا كاتبين dexron vi يعني dexron 4
بدور على نفس النوعية من ac delco او موتر كرفت وذا حصلته بشتري 5 علب مع الفلتر ووجه كارتير واغيره وان شاء الله بيكون كل شي تمام
والشغلة مايحتاج لها وكالة ان شاء الله وبفيد الأعضاء بعد ماغيره ان شاء الله

وجزااكم الله خير وماخاب من استشاركم والله استفد كثير سواء بأسعار الوكالة او من نصايحكم بخصوص الزيت

مع التحية ’’

موتركرافت لقيرات فورد. و حتى الفورد فيما بنهم يختلفون , الـ 2003 تقريبًا و تحت عياره TypeM و الجديد MerconV
فالأصل الالتزام بنوع الزيت.

أما سيارات GM (سواءً المجمس أو الكابرس ...إلخ ) زيت القير:
لموديلات 2006 و تحت هو Dexron III و يتغير كل 40 ألف كم.
و موديلات 2007 و فوق هو Dexron 4 و يتغير كل 60 ألف كم. و سمعت من واحد أنه كل 80 ألف و الله أعلم لكن الأحوط 60 ألف , و هذ بظني هو الصحيح.



هذا الكلام الصح :xyxthumbs: لا نكون جهال و نسلم بالوكلا ء و الباقي حط عليه: X . طبعًا مع الحذر من المكيناكيين الي يفتون بغير علم! هذول موجودين لا محالة. لكن كما تفضلت الشغلة تحتاج فهم و تعلم.



المفروض كل 60 ألف كم لكن تقدر تغير الآن بدون مخاطر إن شاء الله. ما بعدت كثير. لكن لو فوق 100 ألف أقول لك لا تغير. فكن مطمئن.

يقولون لك في الوكالة علشان تضمن استخدام الزيت المناسب لأن الزيت أنواع. لا أقصد المسمى التجاري و إنما أقصد بالنوع: اللزوجة. أتوقع للكابرس: ATF 3 .

فالمطلوب منك أن تتأكد من الوكالة عن نوعية الزيت ثم غيِّر الزيت خارج الوكالة. أهم شيء أن تعرف نوع الزيت ؛ لأن هذه المسألة حساسة.
يتم تغيير الزيت كل 40 ألف كم.
الفلتر ما أعرف في الكابرس إذا هو داخلي أم خارجي. لكن لو خارجي غيره بدون تردد.

انا عندي لومينا 2007 ماشي 87 وماغيرت زيت الغير بس مادري هل الوكاله غيروه او لا وهو متى وقت تغير زيت الغير

افضل شئ موتر كرافت احسن من اس ديلكو عندي كابرس 2006 و 2009

والستة سلندر قيرة m30 نفس قيور القديمة وتبي تتائكد افتح الكبوت واقراء المربع الحديد مكتوب نوع القير m30 لانة ستة سلندر
والايقلون عنة حق 8سلندر 2007 وفوق الاهو جي ام سعر الحبة 42 ريال

تبي ادق وافضل التفاصيل ... عليك بدليل المالك فيه نوع الزيت المناسب للسياره ..!!

فعلا الوكالة راحة

بس صراحة انا اكره انه ينضحك علي يعني الشغلة يحتاج لها شوية فهم وخلاص

انا ماودي السيارة وكالة الا اذا كان خراب قوي مثلا لمبة مكينة او رجة مكينة على طووول وكالة لأنه شغلهم ولو غاليين

بس تغيير زيت وفحمات والأشياء البسيطة دايم انا اسويها عند الورش مع شوية فهم :smilie16:

بس شكلي بوديه الوكالة ولو زيادة 300 ريال بس على الضمان وراحة :)

ومشكور على ردك ويعطيك العافية

وشاكر لكل الي ردو علي ويعطيهم العافية

ويليت اذا احد عنده كابريس 6 او 8 سلندر وغير زيت يعطيني تجربته بالكامل واكون شاكر له

مع التحية ’’

والله ياخوي انا افضل انك تغيره عند الوكاله ... مايبيلها تفكير .. الوكاله ادرى بالشيء هذا
وفوق هذا مضمون شغلهم بنسبة 95%
لكن ابو هنوده شغله مهو مضمون ولا 1%

على فكره انا ماني راعي خطوط ولا مقاومات بتاتا ...

لكن لما اقيس عيار زيت القير ... اشوف الزيت لونه زهري فاتح .. بالحسره تشوفه على العيار ما يبين ... ويكون ناقص بشكل ملحوظ ....

لكن ان شاءالله ابي اغيره وافتك من هالهم ...

لكن ياليت تفيدنا يا صاحب الموضوع .. بعد ما تغير الزيت تعطينا الاسعار ..وكم كلفك تغييير الزيت ...

بالتوفيق ..

والله يا الغالي ودها للوكاله احسن لك عشان ترتاح يا الغالي وهم ابخص
بس غالين حبتين ...

شكله مالي غير الوكالة

والسيارة ماشية 80 الف وكانت حقت خطوط كل اسبوع 400 كيلو رايح جاي يعني لازم اغيره في اقرب وقت

ومشكور ويعطيك العافية اخوي

اخوي اسأل. مجرب وخذ نصيحتي. غيرة عند الوكالة وذا تبي نصيحتي غيرة عند الصيانة السريعة اي سي ديلكو. يكلفك تقريبا 400 أنا موتري 8 سلندر والستة أكيد ارخص. واللي يقول اشتر زيت من بالبيد ولا من برا. زيت القير لكابرس من 2007 وطالع يختلف عن القديم ويمكن يخبط بالقير اخبر واحد شاري زيت من بالبيد وجاي يغيرالزيت قالوا له ما نركب لك هالزيت وذا بتركبة ما نتحمل المسولية لو ركبته برا عند ابو هنود والا اي ورشة برا نصيحتي لك عط الخبزخبازة وترا احب اطمنك الشغلة ترا سهلة كلها نص ساعة ونت خالص شغل مرتب ونضيف والزيت يتغير بعد اربعين الف.