ابي مشورتكم يااخوان ياهل الانفنتي والخبرة

اخوي تقدر تلقى موضعه في خانة البيانات
http://www.assayyarat.com/forums/thread245753.html

نورت موضوعنا يالغالي إنفينيتيQ45وبس ياليت رابط موضوعك

مبروووك مقدماً واحسنت الاختيار، لأن سيارات لكزس اغلبها راح تتغير 2012 وحتى لو تغيرت ماراح تكون مثل انفينتي في المواصفات بالذات فمالك إلا M يكفي انها ياباني وتتحمل اجواءنا وانا الحمد لله السيارة لها سنة معاي M45 ومااشتكيت منها وادخل على موضوعي وارح تستفيد .

مع احترامي لك ولكن خلني اقلك

السياره نازله صار لها سنه ونص وفوق هذا السياره مب جايه بشي اساسي جديد جديد حتى تطلع فيها مشاكل
الام37 الشاصي والمكينه والقير وكل القطع الميكانيكية وغيرها موجوده على سيارات انفنتي من سنة 2008 وشاصي الاف اكس والام والجي كوبيه وسيدان وكشف والاي اكس والاف اكس كلها شاصي واحد والمكينه في جي كوبيه وجي سيدان والكشف والام مكينة وحده القير في كل سيارات انفنيتي قير واحد، وكل القطع الميكانيكية الاساسية متشابهين فيها تماماً

والاف اكس مستحيل يكون افخم من الام وحتى المصمم للسيارتين قال ان الام افخم سيارات انفنيتي

وقولك ان الاف اكس اعلى مواصفات هذي بعد مش معاك حق فيها ومعروف ان الام اكثر مواصفات واحدث وفيها اخر تقنيات انفنيتي

واقوى هذي مايبي لها كلام وخلي الارقام تحكم
السته سلندر الام 3.7 لتر و330 حصان والاف اكس 3.5 لتر و 303 حصان
الثمانية سلندر الام 5.6 لتر و420 حصان والاف اكس 5.0 لتر و 390 حصان
والتسارع 6.1 للاف اكس السته سلندر والام السته 5.6
والتسارع 5.0 للاف اكس الثمانية والام الثمانية 4.6 ثانية

واذا تقصد الكبر حجمها من برى معاك حق ولكن من جوى مستحيل تكون الاف اكس اكبر

ارشح الام37 بقوة

ع قولتك اخوي الحمراني افضل باذن الله راح اخذ الام 37 بس بعد كم شهر

>
>
>
نعم اخوي شتان بين الاثنين

الحمراني سياراته منتشرة مع الناس اكثر من ساماكو لذلك فروع الصيانة عنده منتشرة اكثر وقطع الغيار متوفر اكثر

اشكركم اخوي d7d7_G37 ووضح النقاء ع مروركم
وبالنسبة للحمراني ع قولتكم الله يعين عليه اصلا انا بغيت في الاول اودي بس الناس كرهوني في ساماكو واعجبت بالانفنتي الام وربنا يعين يقولوا الحمراني احسن من ساماكو

الله يعينك على قلة الحياء

الغش صار موضة الوكلاء
بي ام الناغي
- الحمراني نيسان انفنتي
- ابو جميل تويوتا
- مرسيدس الجفالي
- اودي ساماكو
- هونداي الوعلان
- والجبر كيا

والقائمة تستمر لان الكل مالقى من يحاسبه

خالي خبط معه فكسار 2009 قبل لايكمل 2000 كيلو ، وصرفه ابو جميل كم شهر بدون سيارة بديلة واخر شيء تصليح وتعطيل لمصالحه

تخيل يصير لك موقف من وكيل يعتبر في قمة الوكلاء في التعامل مع الزبون وبهذه الصورة

اتوقع ان المثل ينطبق على كل الوكلاء "ما اخس من قديد الا عسفان"

وقبل استلام السياره

حطو السياره باسمهم وانا شاريها كاش
وعطلوني ثلاث اسابيع عشان السياره تطلع وغير مرمطتهم لي في الصيانه وعدم مصداقيتهم

.
.
.
القصة التي تعرض لها الاخ d7d7_G37 هي في استلام السيارة حيث انهم مرمطوه ثم غشوه بعد ذلك

لكن انت خلك حذر يعني لاتوقع على استلام السيارة الا بعد ما تشوفها راي العين وفي الصباح افضل لان السيارة اذا وقعت عليها ستسجل باسمك ويكون من الصعب ارجاعها لهم فيما لوكان فيها شيء،

استلم ثم وقع على غطاء المحرك افضل

وان شاء الله ما تشوف شر ولا مكرووه ان شاء الله

ياخي ادخل موضوعي واقرا قصتي معهم وبتعرف من اي ناحيه انا اتكلم

اخوي d7d7_G37 الله يعيني ع الحمراني من اي ناحية ؟

انا اشتريت انفنتي وماندمت سياره حلوه ومتماسكه وفخمه وقوه جباره

ونادره تشوفها بالشارع مو مثل باقي السيارات

انصحك في انفنتي لكن الله يعينك على الحمراني

شاكر اخوي d7d7_G37 ع مرورك انا في الاساس كنت ابي اودي a6 ولكن من كثر ماسمعت عن وكيلها خفت منها وقلت مالي غير الانفنتي بصراحة مو عارف وش اخذ الحيرة ذبحتني

اخوي انا انصحك انفنتي سبورت m 37

لكن الوكيل من الحين اقولك تراه اسواء من السيء

والدليل اقرا موضوعي وراح تعرف ايش سوو فيني

اشكركم اخواني ع تفاعلكم جميعا ولكن سؤالي ماهي عيوب الام وعيوب الاف اكس

.
.
.
اخوي اسمح لي على هذه الاضافة
رايك هو مشابه لرايي في تفضيل اف اكس على فئة الام الجديدة
لكن اذا جئنا لهذه النقاط التي ذكرتها هنا

فان الواقع مغاير لها تماما
حيث ان الام افخم و يكفي ان مقصورتها اخذت اجمل مقصورة فاخرة في 2010 في امريكا
وتحظى بمواصفات نوعية مثل القير ذو الوضعيات الاربعة " اقتصادي = رياضي = عادي = ثلجي"
انظمة متقدمة مثل النقطة العمياء ، ومكيف نسيم الغابات او الفصول الاربعة
السيارة حظيت باخر ابداعات انفنتي في كل شيء فلهذا هي اعلى من الجيب اف اكس
طبعا لكل قدره فالجيب لديه اربع كاميرات لانه مرتفع بينما الام كاميرا وحدة بسبب ان السيارة منخفضة وواضحة الرؤيه فيها

تحياتي

لا تعليق على اخر ردين