السلام عليكم
ابي اسئل اصحاب اليوكن عن تكييف اليوكن
ملاحظ عليه في الطريق الظهر يبرد ممتاز لكن كل تقريبا ثلاث دقايق احس يفصل يطلع هوا كأنه صحراوي بعدين يرجع بارد ثم يقعد كم نفس الوقت تقريبا ثلاث دقايق ثم يفصل ويستمر مع العلم لو احطه على درجة 18 او 16 نفس الشي ما يتغير هل هذا طبيعي؟
وفي الليل ما لاحظة الشي هذا!!؟
اخوي GM_TAHOE حياك الله ومنور الله يعطيك العافيه ... هو الله يسلمك ماشاء الله تبريده جيد
الملاحظ انه يفصل وانا ماسك خط وحاط درجة الحراره على 16 واذا حطيت على 18 ما يفرق المقصد انه يفصل فصله خفيفه ويطلع ريحة مثل ريحة المكيف الصحراوي يعني فصلت كمبروسر ما يطول ثم يشبك ويبرد ويستمر كذا كل ثلاث دقايق تقريبا هل لاحظة الشي هذا عندك تحس وانت ماسك خط والبروده على اقل شي يفصل الكمبروسر؟..
ان شاء الله ان الامور طبيعيه
السلام عليكم
اخي انا كان عندي تاهو 2010 وفيه نفس المشكله
ولما وديته للشركة
قالوا هذه المشكله ان كمبيوتر المكيف يحتاج برمجه وتحديث
لأنه يعطي الكمبريسر معلومات غلط عن درجة الحراره فيفصل الكمبريسر
وبعد ما برمجوه صار ماشاء الله ثلاجه
وده للشركة وخلهم يضبطون لك البرمجه
طبعا بعد التأكد من ان الغاز مليان
وتقبل تحياتي
