مقبل على الشراء ولاكن محتار خبراء الجمس لاهنتم

هو اليوكن فئتين

عادي sle
فل كامل slt

والعادي مواصفاته أفضل من التاهو lt

وبالنسبة لي أفضل وكيل هو الأرخص بالسعر , لأن الصيانة تقدر تسويها عند أي واحد من الوكلاء الأربعه , ولو تشيك على المعارض يمكن تحصل سعر كويس إذا كانوا نفس العام الماضي ينزل لك بحدود 7-10 الأف ريال , وفيه موضوع بالمنتدى إن العيسى بيسحبون منه الوكالة وبيقتصرونها على الجميح والتوكيلات

بس أنصحك إذا ما أنت مستعجل تأجل الشراء شوي لأن الأسعار زايده خلاف الأعوام السابقة , يعني كم شهر حتى تستقر الأسعار وتعرف توجهها لأن العادي بدبل على كلام الشباب وصل 164 , يعني إذا كان سعر الفل قريب تشتري فل أفضل لك

والتغيير إذا كنت ماني غلطان : فسبق وقريت مشاركة لعضو مجلس الإدارة (سامي ميرزا) وفيه إنه حضر حفل لجنرال موترزوأفادوه إن التغيير في 2014

وأنا بأراسله إذا ما نسيت عشان أتأكد

أول شي مشكور على الإطراء

الشي الثاني علمتني الحياة ألا أثق بالشريطية , فكل المخالفات الشرعية تلقاها عندهم
(الكذب , التدليس , الغش , تلقي الباعه خارج السوق ,..... الخ )

الشي الثاني الجيل الجديد أأكد لك إنه على كثر ما أقرأ لم أسمع إنه أحد شكى منه بتاتاً إلا واحد هنا بالمنتدى يقول فيه حنه ,

والدبل إذا جت حاجته يسوى قيمة السيارة كاملة , وإذا كنت تفكر فقط تدخل بر فلازم تشتري دبل , بس بعض الناس ما يعرف من البر إلا إسمه فحرام يجفع زيادة وهو ما راح يستخدمه
وبعدين الدبل مو لازم بس بالبر , أنا مره عند الحرم المكي ما لقيت موقف وشفت كم سيارة موقفين فوق الرصيف , شغلت الدبل وصفطت وراه , بالمدبنه إنحشرت عند الحرم وبعد دبل ولا يردك إلا أقرب رصيف , ومره أنا جاي من الشرقية وقفت جنب الطريق وغرزت وعلى الدبل وسلام سلام , يعني بالله تخيل مسافر وتغرز جنب الطريق من بالله بيقلصك

وبالنسبة للتحمل فالحمد لله السيارة معي لها ثلاث سنوات وطعوس وسفريات وما نقدت عليها بشيء إلا إن الأمريكي عموماً تحس إنه مو متماسك بالمطبات , يعني المطب تحس يرجف السيارة كلها .


وأنا أكرر نصحي لك بالتاهو لأنه ينفع شبابي وعائلي
والإنسيابية أفضل (حصل على جائزة الأفضل بالإنسيابية في فئته)
والأهم من ذلك إن نوره أفضل من اليوكن , نور اليوكن العلي من جد فاشل ولا ينفع أبد بالسفريات بعكس التاهو النور العالي قوي جداً ويكشف الطريق بالكامل


والأهم والأهم إنك بتوفر بجيبك حدود 15 ألف ريال بالقليل

بس اليوكن فيه ضفط مرايا جانبية , وتقدر تضيف شاشة علوية بالسهولة بعكس التاهو لوجود المكيف بالأعلى
بس مكيف التاهو عملي أكثر , والأشخاص بالخلف يقدرون يتحكمون بالمكيف عكس اليوكن

طبعاً كلامي عن أقل فئه

أول شي عسى الله يكتب لك السيارة اللي ترتاح عليها

أول شي بخصوص الدبل فكثير من الشباب معهم يوكون أو تاهو من زملاي وأقاربي ما أحد منهم شكى من الدبل
والجيل الحديث تقريباً إنتهت معه مشاكل الدبل , صحيح الجيل السابق كان حساس الدبل يخرب وبعد الأزره تخرب , لكن الجيل الجديد ما سمعت أحد إشتكى منه .

الشي الثاني الدبل ما أحس له تأثير على السيارة أبد من ناحية السفريات وأنت إذا كنت ما تحتاج الدبل إطللاقاً فلا تشتريه زيادة فلوس على الفاضي ويثقل على السيارة بحدود 200 كلجم حسب ما قرأت .

والسفريات السيارة ممتازة , مع إني بالبداية ما تعودت عليها لأنه كان معي ماركيز وأول ما شريت السيارة ما إرتحت لها لا من ناحية المراتب ولا من ناحية صوت الهواء , لأن السيارات المرتفعه تسمع صوت للهواء , مو شر ط تنسيم لكن ضرب الهواء بالزجاج الأمامي , ويمكن زاد علي سيارتي إنها جنط 20 .

وأنا أشير عليك إذا بتشتري تبدل على التاهو سعر أرخص ونفس السيارة , وإنسيابية الهواء أفضل من اليوكن .

وسيارتي ولله الحمد على السفريات ولا أروع ,من حدود المملكة الجنوبية لحدودها الشمالية ومن الخليج للبحر الأحمر إضافة لدول الخليج (ما شاء الله )

ولله الحمد السيارة ماشية 160 ألف
غيرت البواجي على 130 ألف
غير الفحمات على 100 ألف
غيرت كراسي المكينة على 140 ألف (بسبب التطعيس)
والحين السيارة تحتاج لطرمبة زيت


^^^^^^^
قصة حياتي:bigggrin: