بدون تعصب هل الكامري دخلت المنافسة مع الكوري ام مازالت تغرد خارج السرب

اقول .. وش تحس فيه ودواسة البنزين معلقة عليك :bigggrin:





الأمن فتح الطريق كي يسير وينفد البنزين لكنه اصطدم بالسياج

نجاة مواطن من الموت بعد عُطْل "دواسة البنزين" على طريق القصيم


عيسى الحربي - سبق - الرياض: كُتبت الحياة من جديد لمسافر قادم من منطقة القصيم إلى الرياض بعد عُطْل "دواسة البنزين"، وهو يسير بسرعة لا تمكنه من التصرف الآمن في المركبة.

وقد ساهمت جهود قوات أمن الطرق - بعد عناية الله - في نجاته من الموت عندما عملت على فتح الطريق أمامه أملاً بنفاد الوقود حتى تتوقف سيارته.

لكن خوف المواطن وارتباكه جعلاه يتجه بسيارته صوب السياج الجانبي للطريق السريع؛ ليقع الاصطدام، ويخرج قائد السيارة بإصابات متوسطة.

وكانت السيارة من نوع "كامري" قد فاجأت قائدها بعدم تجاوب "دواسة البنزين" بعد علة حدثت، لا يعرف نوعها، هل هو التصاق الدواسة في "طرازات" السيارة أم عُطْل أصابها؛ فأجرى قائد السيارة اتصالاته فوراً بجهاز أمن الطرق.

وجاء التجاوب سريعاً عندما تم فسح الطريق أمامه قرب نقطة تفتيش "صلبوخ" بغية نفاد الوقود؛ حتى تقف السيارة، غير أن المواطن لم ينتظر، وقام بتغيير مسارها نحو السياج الحديد؛ وارتطم على الفور به؛ فتوقفت المركبة، وخرج قائدها بأعجوبة متأثراً بإصابات متوسطة وهلع نفسي أحدثه الموقف المرعب.

وكانت بيانات أصدرتها وزارة النقل الأمريكية العام الماضي أظهرت أن عدد الوفيات التي حدثت بسبب مشكلة دواسة البنزين في سيارات تويوتا ارتفع إلى 34 شخصاً.

وتأتى هذه الأرقام في أعقاب إعلان شركة "تويوتا موتور كورب" مشكلة تتعلق بالتصاق دواسة البنزين في بعض طرازات سيارات تويوتا.

وقد استدعت "تويوتا" نحو 8 ملايين سيارة في أنحاء العالم؛ بسبب هذه المشكلة.

وذكرت وكالة "بلومبرج" الإخبارية أن بيانات الإدارة الوطنية لسلامة المرور على الطرق السريعة أظهرت أن هناك 34 حالة وفاة وقعت بسبب المشكلة.

السلام عليكم

بختصر عليك ...لو كانت الكادينزا هي الكامري كان شفتها واصله المريخ من كثر مالعالم قاعده تشتري فيها
والعكس صحيح .... فيه ناس كثار يتمنو مواصفات الكادينزا او السوناتا في الكامري وده يسوي المعجزات بس يضيفو عليها اشياء حلوه .... والاغلب منهم وده ياخذ سوناتا او خصوصا كادينزا فل كامل ... بس متردد ومتفشل يقول كل هافخامه والكشخه ووووو في الاخير علامة كيا ؟؟؟؟

اجل الله لايهينك روح خذ الفقرانه الكامري لازنون ولا انوار led ولا فخامه من الداخل ولا تقنيه جديده ولا اي شي .... ياخي تذكرني بكرسيدا xl فاضيه من كل شي ... وهذا بعد اللي مخلي عبداللطيف مسلك فيكم يجيب لكم اطفس الانواع ويقولكم فل كامل ونتم مع الخيل ياشقري..قهر اشتري سياره مواصفات مسروقه بسعر الفل كامل مثلا .. حرام ياخي .. لكن انتم مغشوشين فيها الكامري ..وماخفي عليكم انه الياباني قوي وهذا الكلام اول ...اما الحين شغل تلفيق استرالي على نعيمي على طلي ..ماصارت سياره هذي صارت قطيه ..

على العموم عندي هيونداي اكسنت موديل 97 طبعا كوريه مشيت فيها تقريبا 80 كيلو بدون مراوح حق التبريد احسبها شغاله موديها الفحص والحراره كانت ع الربع ...... واول ماوصلت الفحص وطفيتها ورديت اشغلها عشان ادخل المسار ارتفعت علي للنص .. قلت ماعليه .. خلصت من الفحص ومسكتها خط راجع للبيت انزلت حراراتها هههههههههه الهوي يصفق فيها ههههههههه يالبيه يالكوري ... صامله هالاكسنت ... وقبل 4 سنوات مشيت فيها 50 كيلو بدون تبديله 2 ولا رابع ولا ريوس يعني بس اول وثالث وخامس وابد امورها طيبه
وصلحت تروسها الي انا مكسرها من التفحيط وتقولون الكوري مايتحمل

اجل خلوكم على سيارة القطيه

تحياتي

أشكرك أخوي على الموضوع الحلو و الذي لن يخلو من بعض المتعصبين فأعانك الله
بالنسبة للتويوتا سيارة القذافي و الصحاف فانتهى زمانها و مابقى لها إلا كم كرت و ينتهي و الكارت طايح طايع الله لا يعقب بشر
الكوري عامة و السوسو بشكل خاص اكتسحت السوق بشكل كبير جدا و سياره شكل و رساوة و بالراحه راحتها تتفوق على الكامري بأشواط أنا ماسقتهم و لا احد بقاربي معه الموترين لكن ركبتهم ليموزين و حكمت عليهم ثاني شيء نجي للداخليه داخلية السوسو أفضل و فيه تناسق مع الصانع مو سيارة يقول لك الوكيل ماجابها كذا او الأمريكيه شكلها كذا ترونا ملينا من هالاسطوانه
و ثالثا يكفيك ان الفل بزينون و الكامري الا يومك اصحابها عايشين على كشافات الضباب خخخخخخخخخخخ
نسيت أقول إن التجاعيد الللي ماهي عاجبه البعض معطيه الشكل فن و انسيابية و ان كان عن الأمان الحمدلله التشاليح الحين تصيح من كثر الكامريهات فيها

هذه شوية صور لتصحي النايم بس






قسم فضيحه لا أنوار ليد و لاهم يحزنون:smilie20:



زين انهم حصلوا مكان للعلامة بس


أتمنى اللي عنده مقاطع باليوتيوب يتحفنا بعزم السيارتين حتى بعض العقول تفهم

وسلامتكم

الكامري شكلها الجديد مقبول والداخلية جداً فخمة
والمواصفات روعة
اما عن السوناتا فشكلها الخارجي ما دخل مزاجي ابد ... احسها عجوزة بكثرة الخطوط الي فيها ( تجاعيد :bigggrin: )
وصراحة من ناحية الامان ماعندي ثقة بالكوري ... بغض النظر عن عدد الايرباك او انضمة الامان ... يبقى مدى فاعليه هذه الانظمة وقت الحوادث له دور حاسم... شنو فائدة الايرباك اذا ما انفتح بالوقت الصح مثلا .... يعني تويوتا لها فترة اطول بالسوق وعندي ثقة بفاعلية الانظمة الموجودة فيها >>> كلامي عن تجربة في حادث مع الكامري :smilie16:
ممكن يكون الكوري حلو بس ما راح اغامر واشتريه

يحليلهم راعين الكوري طالع لهم صوت
اجل الكامري بتاريخها وعراقتها تقارن بالسناتا ام اكسسوارات ابو ريالين

صاحين انتم ولا تستهبلون اجل كامري ولا موتر كوري
انا عن نفسي اباخذ الكامري وبالي مرتاح
ولا اباخذ فويجن ولا ماليبو
كلها شركات لها تاريخ وتعرف شلون تحمي المستهلك

مو سيارات الموت حقتكم
اجل سوناتا ب 92!!!! صاحين

يازين الكامري بس

الكامري الجديده وبدون تعصب
من ناحية التحمل
الكوري دخل معها في المنافسه<<<<<<لاحظ انه الكوري
ومن ناحية المواصفات
دخلت مع الكوري في المنافسه<<<<<<لاحظ انها دخلت
ومن ناحية السمعه
لاتزال افضل سياره بالاضافه الا الاكورد<<<<<<طبعا الكوري على سمعته القديمه انه مايتحمل بس الجديد كلها حقت كرف

واتمنى ماحد يقول اني متعصب او يزعل من كلامي

مع اني عارف ان السونات اجمل واحلى واكمل بالمواصفات من الكامري الا اني اتخوف من شراء السوناتا واشعر بثقه اكبر عند شراء الكامري
وهذا اغلب الناس تشعر نفس شعوري تجاه الهيونداي والتويوتا
مع اني لاامتلك لاهذا ولا ذاك

انا اتوقع الكامري افظل من جميع سيارات الكيا الا الكادينزا بالنسبه لهيونداي الازيرا بعيده عن الكامري ولا فيه مقارنه الازيرا افظل السوناتا اعتقد تحت الكامري

تربعت هونداي في القمه واحتلت بكل جداره مكانت التويوتا بسبب ارتفع اسعار الاخير
وننتضر من هونداي الونيت
عشان ما يبقى لتويوتا اثر

هههههههههههههههههههههههههههههههههه
استغفر الله , والله انك تحفه

بس عجبني ردك لانه واقعي

الحمد لله الكوري صار منافس قوي جدا خاصة لتويوتا وصار عند العقول اللي تعرف تقارن انه افضل من تويوتا ,
ولاكن تبقى شركة تويوتا فيها سيارات محترمه مثل الكزس وبعض الجيوب

اي موصفات امان تتكلم عنه ازيره نص فل ارباقين وقيمته 90000

اها قلنا بدون تعصب ووجهة نظر ...ههههههه
طيب ولايهمك وانا احترم رايك وكلاً وذوقه

والله يعطيك علي قد نيتك ..وللاسف مازالت 4 سلندر فقط زادو اعتقد عدد الاحصنه

تحياتي

^^
حرآم عليك شكل 2011 احسن من الجديد !!

انا معاي 2009 كامري .. أحس أنها قطعة حديدة وفيها مراتب ودركسون بس ,

عموماً ياعزيزي لو تنزل الكامري هذي بنفس المواصفات وبـ 6 سلندر ..

صدقني بتهمش السيارات الثانية .. إلا التي من فئة أكبر منهآ ..

وأستحالة على المواضيع اللي قريتها يوم يدشنون الكامري حاطين محرك لـ gl يفرق اربعة احصنة عن الرياضية se

بس لو تنزل بنفس المواصفات ,, أنا اول واحد بيغيررر كمورته :$ .. للجديدة

السلام عليكم

انت قلت بدون تعصب واتمني ماحد يزعل لانها وجهات نظر

شوف بختصر بكلامي ..الكامري 2011 عندي احلي شكل داخليا وخارجيا ولو انها فقرانه من كل شي

الشكل الجديد 2012 كامري اسمحلي لاتقارنها بالكادينزا او الازيرا قارنها بالسوناتا وممكن بعد السوناتا افضل بوجود السقف البانورامي والانوار الزينون وغيره من مواصفات

الكامري للاسف فاشله بوجهة نظري

تحياتي

الكامري الجديد من ناحية الشكل الخارجي ماهو افضل من السوناتا او الاوبتيما او جميع المنافسين في هذي الفئة

والشكل الداخلي صراحة اشوفها من احلى المنافسين لانها انيقة وفخمة وعملية ومافيها تلفيق زي الجيل اللي راح

وكمضمون ومميزات ....افضل بكثير جدا من السوناتا من جميع النواحي

افضل عزل ورساوة وجودة داخلية وامان وصرفية ورحابة

وبالنسبة للمواصفات في السعودية...تنافس السوناتا وبشدة

ميزة السوناتا رفاهية اكثر مثل البانوراما

وميزة الكامري ان المواصفات اللي فيه بعضها مو موجودة في السوناتا وكمان معظم مواصفات الكامري مهمة وعملية وليست لزيادة الترفيه مثل السوناتا

يعني كل سيارة لها مميزاتها الخاصة من ناحية المواصفات

اما الامان...تتفوق الكامري بفرق وااااضح حتى في السعودية

والاسعار ماراح تكون مرة غالية...الفل كامل حوالي 95 الف يعني ارخص من السوناتا الفل

وبالنسبة لبعض المميزات اللي ماتجينا زي العداد وبعض المواصفات الاخرى فهذا شي طبيعي وظاهر في الكامري السعودية والاسترالي من 2007

والسبب هو وجود الاوريون...لو نزلت الكامري بكل مواصفاتها الامريكية ايش حيبقى للاوريون !!

ولو رفعو مواصفات الاوريون ايش حيبقى للافالون !

ولو رفعو مواصفات الافالون ايش يبقى للكزس ES !

يعني كل سيارة حتطيح سوق سيارة اخرى من نفس الشركة في حال نزولها بكامل المواصفات

وطبعا هذا ما اعتبره عذر ابدا

لانو كان المفروض ينزل الكامري بكامل المواصفات وبمحركين 4 سلندر و6 سلندر ويلغو الاوريون

ويصير مثل نيسان...الالتيما 4 سلندر و6 سلندر والماكسيما لمنافسة الافالون

لكن سياسة الشركة غريبة وتضيّع عليهم مجهود على الفاضي

وشكرا ..

اشوف شكلها معقول وكأنها من سيارات المستقبل :wink: والحمدلله انها ماتهورت تويوتا وحطت سقف بانورامي .

وكيف مافيها شيء مميز !؟أقرأ هذه بعض المواصفات اللي في الكامري : (عمان)
6 ايرباقات اعتقد
VSC المساعدة في ثبات السيارة (ماني متأكد من الترجمة)
TRC تراكشن كونترول
ABS مانع انغلاق المكابح
EBD
BAتوزيع قوة الفرملة على الكفرات (ماني متأكد من الترجمة)
parking guid meter
شاشة ملاحة عرض 7 بوصة
كاميرا خلفية
تشغيل بدون مفتاح
الداخلية تطريز ماهي مثل الموديل السابق ...الخ.
وأتحدى اذا السوناتا او الاوبتيما مجمعة هذه المواصفات في سيارة وحدة.

الكادينزا والازيرا فئة اعلى من الكامري والمقارنة بينهم غير متساوية.

اخوي من ناحية المواصفات لا من ناحية الشكل لا طبعا اتكلم عن الابتيما يمكن في الشكل يتناسف مع السوناتا لكن الابتيما الفل كامل لايحلم الكامري ينافسها في المواصفات او الشكل لكن من ناحية البيع ههههههه اكيد راح يكون انتشاره باسرع من الضوء وراح تشوف بنفسك انو اول ماتنزل في الوكالة راح تشوف في كل شارع وحدة عالاقل انت ماتعرف شنو يعني كلمة كامري عند الشعب كامري يعني مافي اعطال يعني سيارة 10 سنوات قدام مايهمهم الماصفات الشكل اهم شي الاستخدام مايهمهم راحة الممشى والعزل والامان اهم شي انو في راسة قناعة انو هالسيارة ماتخترب حتى لختربت يعطيها اعذار انا من وجهة نظري الكوري يبغالة 5 سنوات قدام ويمكن يمكن الناس تؤمن انه تغير واصبح حق كرف

من خلقت تويوتا وهي قبيحة الشكل ولا تعتمد على الرفاهية والديكور الداخلي بشكل كبير الا بالسيارات الفخمة مثل لكزس لكن وانا واثق من كلاااااامي وتذكروة راح تشفونها بكل شارع وحتي لو مالها بالسوق الا شهر والا شهرين انا اشوف بانها بتكون افضل من الموديلات اللى قبلها من الكامري وعدلو كثير من العيوب في الكامري الشكل الحالي

راح تنتشر كإنتشار النار بالهشيم

الأن الهايلكس والإينوفا والفورتشنر بالفيس لفت منتشرة بالشارع

فما بالك بالسيارة المقدسة المبجله نادرة الأعطال ... الكامري ؟؟؟

لا احد يقول تغيرت الناس .... صدقوني فيه ناس عندها مرادف لكلمة سيارة ... تويوتا