بخصوص الـNavigation في الطوارق الجديد ..

انشالله ألف مبروك على السياره انا نفسي فيها انشالله بس بعد 6 شهور نقدر نجمع شوي كاش :smile: انا عندي VW و ما شفت من الوكاله الا كل خير موديل سيارتي 2008 و ماشي 66000 و بحالة الوكالة وعلى طول انشالله ناوي على الطوارق ، اذكر مريت الوكالة و شفت الفل 228000 ريال ، انا بدي الفل كامل ما عدا الهدروليك موجود في الوكالة ؟ و كم سعره في تعرف السعر

تتهنى في السياره

سؤال لصاحب الموضوع..

هل فكرت تراسل دبي بخصوص النفاقيشن؟؟

أتذكر واحد من أصدقائي كان عنده جيب انفنتي و كان يبغى يسوي أبديت للخريطة بس الشركة رفضت أو قالوله ما عندهم الأبديت، قام راسل الشركة في دبي. بعد كم يوم اتصلوا عليه الحمراني و قالوله جيب السيارة و تعال و سووله الأبديت بللش.

يعطيك العافيه اخوي ع تجاوبك معي ,, ان بغيت الصدق قمت اترردد للاني واحد يكرف السياره وكل من يقولي موب حقت كرف .... خصوصا طريق الدمام جبيل رايح جاي عليه ,,
بس حبيت استفسر منك السياره كم صار لها معك وكيفها معك . ودايما تستخدمها ولا عندك سياره ثانيه ,,

خصوصا اني لو بشتريها ببيع الهمر H3 اللي عندي واشتري الطوارق .

واعذرني ع هالاسئله ,,
شاكر للك ,:wink:

ما يوفرون سيارة بديلة " مجاناً " .. بس عندهم خدمة المساعدة على الطريق طوال فترة الضمان ( خمس سنوات ) ..

أنا أشوف الأبيض أحلى لون .. لأنه يبيّن جمال السيارة أكثر من الألون الغامقة ..

وبالنسبة للجنوط .. ما أدري بالضبط صراحة .. بس أكيد ان جنوط الـ20 متوفرة في الوكالة .. بس مدري عن نظام الاستبدال

والله يحييك في أي وقت .. ويوفقك :)

ماقصرت معاي ياخووي .. بس معقوله بحاله عطال السياره لا سمح الله مايوفرون السياره البديله ؟
وحبيت استفسر :xyxthumbs: افضل اللوان الطوارق اشوف الابيض والاسود هم الافضل شفت التوفي للك عليه اللون ..

واذا عندك فكره اني اقدر اطلب تغير جنوط ال19 بجنوط 20 اللي موجوده ع الفل ؟
للاني كلمت المندوب قال خذ الفل اللي بدون هيدروللليك احسن للك والصراحه سعره ب228 بعيد عن ميزانيتي ..

شاكر للك تجاوبك ..:xyxthumbs:

لا أبد أخوي محمد خذ راحتك ..

بالنسبة للقطع الاستهلاكية ..
أذكر الطوارق الأول اللي كان معي .. كان صيانة الستين تكلف حول الثلاثة آلاف ريال ..
والسبب لأنهم يغيرون أشياء كثيرة مثل الفحمات والفلاتر وغيرها ..

بالنسبة للسيارة البديلة .. ما عندهم لكن يؤجرونك سيارات بأسعار مخفضة ،،
أذكر عندهم باسات وجيتا وطوارق وتيغوان

والسيارة حقت كرف .. من تجربة سابقة مع الفولكس واغن
لكن في نفس الوقت تتطلب محافظة وانتظام في الصيانة

يعني حافظ عليها وبتخدمك بعيونها إن شاء الله :)

يعطيك اللف عافيه ع افادتك لي وتجاوبك بس بثقل عليك بكم سوال  ممكن اذا فكره عن القطع الاستهلاكيه مثل تشيكات ال60الف وتشيكات ال80 الف العاده كم تكلفك وخدمات السيارات البديله في حال عطال السياره بحكم اصلاحها ع الضمان الوكاله

ومدري هو حق كرف وخطوط خصوصا طريق الدمام الجبيل رايح جاي عليه بحكم االدوام

هلا أخوي محمد حياك ..

بالنسبة لي .. هذا ثاني طوارق لي ..
كان معي الجيل السابق ( موديل 2007 ) والحين بحمدالله شريت الجديد

أول شي .. اللي قالك كثير الأعطال مع احترامي له ما عرف السيارة ولا جرّبها ...
السيارة ماشاء الله اعتمادية لأبعد الحدود .. وأي أحد جربها بيأكدلك هالمعلومة ..

ثاني شي .. بالنسبة للقطع .. يعتمد مع اي شزكة تقارن الأسعار ؟
اذا قارنتها بالشركات الألمانية الثانية بتشوف الأسعار مقبولة .. وبالذات لأنها هي وأودي نفس القطع تقريباً ..
الأسعار مرتفعة نوعاً ما لكنّها تخدمك فترة طويلة ..

ثالث شي الوكيل ..
أنا مع ساماكو فوق العشر سنوات الحين .. والحق ينقال اني ما شفت منهم الا كل احترام في التعامل

والله يوفقك في السيارة اللي بتشتريها .. سواء كان طوارق والا غيره :)

السلام عليكم ,,
اخوي حبيت استفسر عن الطوارق 2012 للاني سويت الtest drive وعجبني و محتار كل من يقولي بتندم اذا اخذته عطالات و قطع غاليه و ووكيل لا يقدر العميل والفئه اللي راح تناسب ميزاينتي قيمتها 196 الف تكون جلد +شاشه +بانوراما +جنط19 طبعا من دون نفيقيشين ..

فحبيت تفيدني بحكم من انك من ملاك الطوارق والله يعطيك خيره ويكفيك شره

خياراتي : اودي Q5 ضمانهم مغري + انفينتي fx35
نقدر افادتكم لنا:xyxthumbs:

volcano_ksa

سيارتي طوارق ..

AleXndar

المشكلة الوكالة ماعندهم واللي فهمته أنهم ما يدرون بيجيهم والا لا !
إلى الآن ما في حل للأسف ..

نوع سياره مكتوب في العنوان
انا عندي نفس المشكله في سيارتي من باسات سي سي
حتى كلام العربي يطلع مقطع احد عنده حل

طيب شنو نوع السيارة الا عندك

أخوي منصور ..
بالنسبة لموضوع الدبل ..
موجود فيها خيار الـoff road .. لكنّي للأمانة ما جربتها أبد في الرمل ولا عندي نية حاليا :D
السيارة وسط المدينة مريحة جداً وفرقت كثير عن الجيل السابق ..

بالتوفيق

أخوي عبدالعزيز ..
آسف على التأخير في الرد ومشكور على المعلومة ..
مالي الا أنتظر التحديث من الوكالة والشكوى لله ..

بالنسبة لأسئلتك ..
النافيقيشن في الطوارق ثري دي .. وتطلع فيه المباني الرئيسية مثل المملكة والفيصلية ( في الرياض ) ..
الطوارق بشكل عام سيارة ممتازة ماشاء الله وما عليها كلام ..
فيها كل المواصفات اللي أحتاجها ..
الوكالة ( ساماكو ) أتعامل معهم من زمان ومرتاح معهم كثير ..
الطوارق الجديد عليه ضمان خمس سنوات ..
مع صيانة مجانية لمدة ثلاث سنوات أو 45 ألف كيلو ..

وبالتوفيق إن شاء الله :)

الف مبروك اخوي Toureq على السياره ... والله يعطيك خيرها ويكفيك شرها ...

السياره من ضمن خياراتي حاليا .. لكن مشغلني موضوع الدبل .. هل هي قويه كسياره دفع رباعي ..
او انها سياره عائلية اكثر من انها سياره دفع رباعي ..

السلام عليكم.......

للأسف لا أملك الجواب الشافي لسؤالك
واللي أعرفه أنه ما لك إلا الوكالة تنزل تحديث جديد وتنزله انت لسيارتك
وأتوقع راح يطول لأن مثلها مثل سيارات GM تحديثها للخرائط من سنة جدي وشوارع كثيره ما هي موجوده

ومن بعد إذنك انا جاتني فتره كنت افكر جديا بشراء طوارق ولكن اللي مرددني مسألة الصيانة وتكاليفها بعدين
سؤال الخرائط بالطوارق 3D ؟ وهل تظهر عندك صور المباني الرئيسية بالرياض ؟؟ ولا هذي بس للدول الأجنبية ؟؟
وكيف الطوارق بشكل عام ؟؟

الله يعطيك خيرها ويكفيك شرها

الله يعطيك ألف عافية أخوي حازم .. وما قصرت
المشكلة سألت الوكالة وقالولي ان التحديث ماهو متوفر عندهم ..

وبانتظار مساعدة باقي الأعضاء :)

^^^^^^^^
على البركه اخوي ,,, لو عندي وكاله في المنطقه اللي انا فيها كان عبيت الصفحه اسئله لكن الموضوع شبه مستحيل اني اشتريها لان ماعندنا وكاله بالمدينه


يفيدونك باذن الله ملاك الطوارق ولا تنسى تمر الوكاله تسالهم بخصوص التحديث


تحياتي