الاحظ انك جايب سيارات من فئات مختلفه مثل الفيوجن والتورس والكابرس والماليبو
المهم انا راح احاول اتكلم عن كل سياره وانت اختار الي يعجبك
اولا الكابرس حاول تبعد عنه
نصيحة مجرب
الكابرس حلو اذا شريته مستخدم تلقاه طايح من سعره واجد
لكن لو طلعته جديد اتحداك بعد ثلاث سنوات فقط
اذا ما طاح اكثر من نص سعره
عندك الرويال مثلا تطلعه من الوكاله 150 او 160 الف ريال
الحين مديلات 2007 نفس حقي و 2008 ما توصل 70 الف الا اذا كان مخزن اونظيف مره
يعني في ثلاث سنوات طاح من سعره حدود 90 الف <<سعر سياره ثانيه:mad1:
الماليبو ممتازه جداً وصناعه امريكيه
لكن لا تنسى ان شكلها بيتغيير وترا فئتها اقل من التورس والكابرس
المالبيو من فئة الكورلا والفيوجن .... الخ
الكراون فكتوريا موتر حق كرف ومريح واقتصادي وقطعه رخيصه وخراباته قليله يعني موتر لك ولزمن
لكن شكله قديم ومواصفاته قليله
ما انصحك في الفكتوريا اذا كنت من محبي التقنيه والشكل
التورس اشوفها الخيار الافضل
لكن مشلتها شكلها راح يتغيير تغيير بسيط مثل الاسطبات وغيرها
عموما كل السيارات الي ذكرتها راح تتغير بعد فتره
واذا كنت تبي سياره سعرها في حدود 100 الف
ومواصفاتها كثيره برغم من سعرها
عندك الازيرا لكن مشكلتها كوري
اهم شي لا تاخذ سياره الا اذا كنت راغبها ومقتنع فيها
بالتوفيق
بصراحة السيارات الي جايبها فئات مختلفة لأنها تشرح ميزانيتي الحزينة هههههههههه "100 ألف بالميت"
الحق ينقال انني اصلا محتار آخذ سيدان وسط ولا كبير وبصراحة اشوف تقارب في السعر بينهم و بين بعض لأنهم كلهم في بحر الثمانين و الميه واستخداماتي لها بتكون مشاوير و احيانا خطوط و اسافر بها وما ودي اختار قرار واندم عليه
اغلب اللي بالقسم الامريكي يمدحون الكابرس وشكل موديلها الجديد حلو فحطيتها في بالي ونصيحتك حطيتها في بالي و ألف شكر
