أهم شي تحدد ايش الشكوى بالضبط. يعني اذا هم يستقبلون السيارة ويصلحونها, ان اشتكيت بيقولون لك ان المشكلة في نوعية السيارة وان الوكيل استقبل السيارة وأصلح الخلل وسوى اللي عليه.
والتخوف من مشاكل مستقبلية في السيارة ليس أساس ممكن لأي شكوى على الوكيل. ولا كان الناس اشتكت على وكيل كاديلك وسيارات شبيهة معروفة اصلا بخراباتها المتعلقة بجودة السيارة من الأساس وليس خدمات الوكيل.
ما اعرف طبيعة مشاكل الجير لكن اذا تبي طريقة مناسبة لصياغة الشكوى, قل (مثلا) ان المشكلة لا زالت وبالتالي السيارة ما صلحوها. اطلب يا اما تغيير الجير (مثلا) او السيارة حتى (اذا كانت السيارة فعلا جديدة) اذا ما عندهم استعداد لاصلاح الخلل.
واذا صعدت الموضوع ممكن تفيد غيرك حتى لأن الكثير يشتكي في المجالس لكن ما يقدم شكاوى رسمية مصاغة بعناية. واللي يشتكي ما يكون يعرف يصيغ الشكوى بطريقة صعب احد يعترض عليها. وبعدها شف اذا ما فيه بوادر حل, حاول تتخلص منها.
عموما انت تبي تضبط الموضوع حتى ما تكون بنظر غيرك مثل شخص اشترى كادلك وبعد سنة يقول ليش سيارتي تخرب ويلوم الوكيل على ذلك. ونجاح الشكوى يعتمد على نوعية الخراب ومدى تكراره وسرعة عودة الخراب وباستقبالهم للسيارة من عدمه الخ. العبرة دائما بالتفاصيل.
أهم شيء انك ما تركز على شكاويك من السيارة نفسها وتخليها مركزة على أي تقصير من الوكيل نفسه في الوفاء بأي وعد او ضمان.
قريب لنا كان معه كدلك جديدة وكل شوي خرابات وكل يومين يرجع الخراب ويروح للوكيل. آخرتها طفش حس ان السيارة مشكلتها اكبر من ان تصلح جذريها وتخلص منها وتاب يشتري كاديلك مرة ثانية.
أتمنى لك التوفيق
