السلام عليكم ورحمة الله وبركاته ,و
كيف حال الاخوان والمشرفين .؟
ان شاءا لله بخير وصحة
المهم ياخوان قبل فترة حطيت موضوع بخصوص انه الجير يفلت علي كابرس 6 سلندر ,,ومايقوم على d
والاخوان ماقصرو مشكورين افادوني بالكلتشات انه عندي مضرووبه
وكلمت الأخ علي (مركز جوانا )وافادني جزاه الله خير
الي صار اني وضبت الجيربوكس عند ورشة بصناعية جدة الشمالية ب 3500
و90% من الورش وكلهم نفس السعر 3500-3800 عدا اثنين,,
ورشة صاحبها واحد امريكي مهندس طالب 6500 على الرغم اني جيته قبل شهرين قال 3500 الآن خلاها 6500 سحبت عليه وحسيته طماااع
والمحل الثاني ديكسوول صراحة ماعجبوني وحسيتهم يلفون ويدورون
في البداية قال لي بنخدمك بما يرضي لله (مادري وش يقصدون فيها لأنهم للأسف مسحيين )
وديتها عندهم فحصوها كمبيوتر على الرغم انه الشغلة واضحة توضيب
وقال بتكلف 5 الاف وضمان 6 شهور او 12 الف كيلومتر .!!
جدا قليل وحسيته يلعب ويدور ويقول بنحط لك كلتشات رياضية hi performenc قلت لو يعني احسن من الوكالة .؟! قال لا طبعا ,,, يعني مافرقت كلها قطع درجة ثانية
وايضا قال لي ديكسول علامة تجارية ووكيل وليست مصنع شركة تراي ستار هي مصنع
المهم خذيت السيارة ورحت لورشة الدولية في نفس الشارع الرجال طيب وفاهم لكن للأسف من برا هالله ومن الداخل يعلم الله ,,
اتفقت معاه على 3500 وجلست السيارة عندهم 5 ايام
اليوم اخذت السيارة مازالت فيه مشاكل في التبديل
يعني تقوم على الd تمام بس اوصل ل 70-80 ادعس الدعسة فل (دبل ,, يعني قدم للآخير ) الجير يفلت .!!!
امشي لي 130 ادعس فلل الجير يبدل تمام
الي اكتشفته ومتاكد منهم الجير يغير سليم من 2 الى 1
من 3 الى 1 من 3 الى 2 (سليم)
من من 4 الى 3 (سليم)
من 4 الى 2 (يفلت )
المقصود بالتغيير ليس اليدوي ,,المقصود يوم السيارة ترجع للترس الي قبله عشان توفر طاقة وعزم (يوم ادعس الدعسة كاملة )
للتوضيح :
يعني الجير عندي 4 تروس الترس الأول ينتهي عند 70 ,, يعني كنت ماشي 30 ودعست فل الكمبيوتر بيغير للترس الأول عشانه اقوى ترس على سرعة 30 ,,
يوم تكون ماشي 80-90 السيارة بتكون على الترس الرابع (لتوفير البنزين وعشان المحرك يرتاح)وتدعس دعسة فلل وكامل الكمبيوتر بيغير للترس الثاني عشان يعطيك اقوى عزم وسرعة
اتمنى تكون وصلت المعلومة
جلست ساعة وانا في الجوال في نقاش معه .!!
يقول لي المشكلة ليست من الجيربوكس .!!
قلت له كم علبة زيت حاط .؟ قال لي 11 علبة زيت .!؟
قلت له انا غيرت الزيت والفلتر قبل كذا 5 علب .؟
قال لي البطيخة (طرمبة الزيت ) فضيناها ودايم نحط 12 علبة لكل السيارات .!
ياخوان هل صحيح 12 علبة عند توضيب الجير .؟! وكل الجيور نفس مقدار الزيت .؟
علما انه الجير عندي 4 غيارات (6 سلندر ) واعتقد 12-11 علبة جداا كثير
يليت الي فاهم في الشغلة يفيدني وبمسكها عليهم وبخليهم يفكون الجير كااامل ويصلحونه غصب !!
لأني مامشيت بالسيارة 10 كيلو وهي عليها ضمان 6 شهور
يليت تفيدوني
