كنت متوقع ان الفيس لفت وخاصه لخلفية السياره احلى من كذا ويعني على المواصفات التقنيه الجديده
هاي كم بيطلع سعر اخوه ال LX
اهلين اخوي, فعلا الخلفية تصميمها مو بذاك الزود خصوصا الاسطبات
المفروض سعر اخوه نفس سعر اللاند لان كلا السيارتين نفس المواصفات ولو حسبنا زيادة عشان الاسم 40 الف يعني يصير 260 الف ...سعر منطقي ومعقول
لكن في السعودية راح يطق 400 بالراحة ><
وشكرا لمرورك ^^"
مشكور على الموضوع الرائع
موتر ما عليه كلام ومواصفات رائعه وطريقة شرحك للمواصفات الاروع
المفخره تحول لسياره فاخره مثل الباترول
انا من رايي لو خلو هالمواصفات للكزس وخلو الكروزر سيارة طرق وعره افضل
لكن الظاهر شركات صارت مو من اهتماماتها الطرق الوعره مثل قبل
في اليابان ماعندهم جيب لكزس
فقط لاندكروزر...عشان كذا في كل المواصفات والتقنيات حقت اللكزس
وشكرا لمرورك ^^"
فتحت السقف اصبحت اضافة جديده ؟
تقصد على فئه ؟
المواصفات اللي في الموضوع معظمها موجودة من 2008
بس حطيتها كلها عشان المقارنة بين لاندنا ولاند اليابان
والجديد من التقنيات:
تسخين المقود - عدسات - ليد - شاشة المعلومات - VGRS - MTS - OTA - التحكم المنفصل بالمكيف - الكاميرا الداخلية - تحسين مواصفات الستاندرد - زيادة الايرباقات من 9 الى 10 - نظام الامان الجديد الي كان متواجد في الكراون
وشرفني مرورك مشرفنا العزيز ^^"
و عليكم السلام و رحمة الله و بركاته
مشكور ع الموضوع الروعة و انا اخوك ، بس هل أنت متاكد ان الزينون عالي واطي ؟؟ في الصورة اللي فيها الغسالات حقت الأنوار مبين انه نور هالوجين مو زينون
الأسعار مرة روعة و يا ليتها تنزل عندنا زي كذا ولا يهون منافسه الباترول اللي وصل لأسعار فلكية
اتوقع ان نص المواصفات اللي هنا بتكون حصرية على السوق الياباني مو لكل الأسواق ، و هالمواصفات اللي أضيفت له اتوقع انها بسبب الباترول بالدرجة الأولى
قبل ما أنسى ، مو كأن أحد الجنوط مقاسها 20 انش ؟؟
يعطيك العافية يا شقيقي الياباني :bigggrin:
ياهلا ومرحبا بالعالم : )
بالنسبة للزنون صراحة ما ادري ليش في الصورة الانوار هالوجين !
المهم انهم كاتبين في المواصفات الزنون عالي وواطي
اما الجنوط فعلا مقاسها 20 وهي خاصة بالفل كامل
ومعظم هذي المواصفات موجودة من زمان في اليابان عشان ماعندهم LX
بس اللي مستتغربه ان نيسان الى الان مانزلت الباترول في اليابان !!
رغم ان مبيعات الاكستريل طايرة فووووق ومبيعات الجوك جدا ممتازة يعني في امل لنجاح الباترول هناك
ونورت الموضوع ^^"
تقرير رائع واكثر من رائع :xyxthumbs:
[CENTER]الحين صار المفخره مفخره
بس مااظن ولا نص المواصفات هذي بتجي عندنا وخصوص
ان اليابانيين يحتفظون باغلب المواصفات لبلدهم فقط بعكس الاوربيون والامريكان
مواصفات كثيرة وحلوة بس لو بيجي عندنا بنفس هذا المعروض كان ماله لزمه لكزس
واظن مافي امل تخفيض السعر لعل وعسى يخلونه زي ماهو الموديل السابق
وللمره الثانية شغل ياجينيس :xyxthumbs:
OUTBACK
[/CENTER]
المواصفات ممكن تتوفر عندنا في اللكزس
وبالنسبة للسعر...الزيادة اتوقع بتكون حوالي 10 الاف وابوجميل كل سنة يزود الاسعار <<يحق له دام في ناس تشتري ومافي رقابة
وشكرا لمرورك ^^"
الله يستر
يعني نقول الفئة الفل كامل سرها 240 الف
ابو جميل بيبيعك اياها في سنتها بـ 340 الف ريال :)
الحين الفكسر 279 يعني ممكن يوصل 290 الف
بس احيانا احس باستخفاف بالمشترين من قِبل ابوجميل
يعني تلاقي زيادات مبالغ فيها كأنها جيل جديد مو فيس لفت
والله يستر من شخلعاته في المواصفات
وشكرا لمرورك ^^"
ما شاء الله يعطيك العافية ولا هنت .،
شكرا لمرورك ^^"
