استفسار عن الـ (((سيكويا))) والـ(((الاكسبديشن))) ياليت تفيدوني

bo3mad @user_273590 Banned · 28-12-2011

السلام عليكم ورحمه الله وبركاته !

اما بعد ...

اخواني انا سبق وطرحت موضوع عن التاهو والاكسبديشن والاند كروزر جي اكس !! والاعضاء شارو علي ومدحو لي المواتر لاكن صراحه بعد زيارتي للتوكيلات العالميه صدمني السعر + تقسيط التاهو ستاندرد 3700 !!!

فـ رسيت بـ الأخير على الاكسبديشن والسيكويا ..

علمآ بأني ماجربت سواقه اي وحده لاكن مديح الناس وشوفتهم بالشارع كثير حمستني للموضوع !!

طبعا لي عائله متكونه من 8 اشخاص وما أبغا الا سياره تعيش معي وتكون مريحه وصيانتها سهله وتكون دبل !!

فـ ياليت تعطوني سعر السيكويا والأكسبديشن والمواصفات والعيوب الشائعه لهم !!

بوعماد ~

كومبو11 @user_221939 RiYaDh 4X4 GrOuP · 30-12-2011

s

samaction

في الامان الاكسبدشين تقريبا من اامن السيارات بالعالم
بوديها جدا قوي و بذات السقف ما شاء الله

الأمان ليس بقوة البدي فقط بل هو منظومة متكاملة فعندك مثلًا السوبارو بديها ألمنيوم وهي آمن سيارة بالعالم

صديق اليوم @user_270109 · 30-12-2011

معليش كمبو11 وش تقصد الحنة لصالح السكويا على 140 وشكرا

samaction @user_22068 · 29-12-2011

ك

كومبو11

القوة لصالح السكويا بفارق 70 حصان تقريبًا
الإتساع الداخلي السكويا أوسع السيارات داخليًا من فئتها (أقصد للركاب)
الراحة والرساوة جميعهم تعليق مستقل (فليور) + جنط 18
الأمان قد تتفوق السكويا بوسائد هوائية للركبة
السعر جديد لصالح الفورد
السعر عند البيع لصالح السكويا
الحنة في الخط لصالح السكويا يعني 140 كلم والضغط على 2
إعتمادية قد تتفوق السكويا باعتبار قير ومكينة اللكزس
توفر قطع الغيار لصالح السكويا باعتبار ماسبق من كثرة سيارات لكزس تويوتا سواء الجديد أو بالتشليح

عمومًا أنا كنت في نفس الحيرة من قبل فاخترت السكويا لاعتبار قير ومكينة اللكزس والسعر عند البيع

* ملاحظة سقف السكويا لا يتحمل التحميل يعني لا تفكر إنك تحمل على السقف ركب لك سلة أو اشتر قلص للسفريات

في الامان الاكسبدشين تقريبا من اامن السيارات بالعالم
بوديها جدا قوي و بذات السقف ما شاء الله

هيبة شفر @user_268138 · 29-12-2011

b

bo3mad

السلام عليكم ورحمه الله وبركاته !

اما بعد ...

اخواني انا سبق وطرحت موضوع عن التاهو والاكسبديشن والاند كروزر جي اكس !! والاعضاء شارو علي ومدحو لي المواتر لاكن صراحه بعد زيارتي للتوكيلات العالميه صدمني السعر + تقسيط التاهو ستاندرد 3700 !!!

فـ رسيت بـ الأخير على الاكسبديشن والسيكويا ..

علمآ بأني ماجربت سواقه اي وحده لاكن مديح الناس وشوفتهم بالشارع كثير حمستني للموضوع !!

طبعا لي عائله متكونه من 8 اشخاص وما أبغا الا سياره تعيش معي وتكون مريحه وصيانتها سهله وتكون دبل !!

فـ ياليت تعطوني سعر السيكويا والأكسبديشن والمواصفات والعيوب الشائعه لهم !!

بوعماد ~

السلام عليكم ورحمة الله وبركاته
اخوي لااطيل عليك بالكلام
انا معاي سوبربان 2008 والله مايوقف الا قليل واستعمال سئ ويارب لك الحمد ماعمري لاحضت فيه شي ولاعيوب كل يوم يكبر في عيني من الشغل الي ياتيه وانا كنت من الناس الي محتار
بين الاكسبدشن و الجمس وراح الاختيار للجمس مع اني احب كلتا السياراتين لكن النصيب وجهني للجمس والاكسبدشن سياره روعه وداخليه كانك في جمس كلهم سوى نصيحة لك وتراك بترتاح معاه من القطع الغيار والرساوة وراحة العائلة اهم من كل شي وانا ماريد لك الا كل الخير ورخيس والوكيل مثل العسل بترتاح معاه وتشوف كلامي هذا كله والله ييسر لما فيه خير وبركة
واهم شي الاستخارة ومبروك مقدما

تول القيادة @user_276634 · 29-12-2011

http://www.alrajhibank.com.sa/ar/personal/car-finance/car-deals/pages/toyota.aspx

التيويوتا

تول القيادة @user_276634 · 29-12-2011

هذي سعر الاكسبدشن موجود في الرابط التالي:

http://www.alrajhibank.com.sa/ar/personal/car-finance/car-deals/pages/ford-aljazirah.aspx

تول القيادة @user_276634 · 29-12-2011

اخوي احنا معنا اكسبيدشن 2010 ماشا ءالله تبارك الله من اروع مايكون سيارة راسية وثابتة وصرفية البنزين مررررررررررررررة حلوة ومواصصفاته مرررة حلوة بالرغم اللي عندنا ستاندر وسعر ارخص اما بالنسبة للمساحة فاعتقد ان الصورة هذي تشرح كل شي

كومبو11 @user_221939 RiYaDh 4X4 GrOuP · 29-12-2011

القوة لصالح السكويا بفارق 70 حصان تقريبًا
الإتساع الداخلي السكويا أوسع السيارات داخليًا من فئتها (أقصد للركاب)
الراحة والرساوة جميعهم تعليق مستقل (فليور) + جنط 18
الأمان قد تتفوق السكويا بوسائد هوائية للركبة
السعر جديد لصالح الفورد
السعر عند البيع لصالح السكويا
الحنة في الخط لصالح السكويا يعني 140 كلم والضغط على 2
إعتمادية قد تتفوق السكويا باعتبار قير ومكينة اللكزس
توفر قطع الغيار لصالح السكويا باعتبار ماسبق من كثرة سيارات لكزس تويوتا سواء الجديد أو بالتشليح

عمومًا أنا كنت في نفس الحيرة من قبل فاخترت السكويا لاعتبار قير ومكينة اللكزس والسعر عند البيع

* ملاحظة سقف السكويا لا يتحمل التحميل يعني لا تفكر إنك تحمل على السقف ركب لك سلة أو اشتر قلص للسفريات

هيبة شفر @user_268138 · 29-12-2011

اقولك خذ نصيحة ولا تندم اهرب من السيكويا تراك بتندم لو شريتاه
الاكسبدشن المكينه وانا مجرب 5.4 واقوى من السيكويا
وبعدين السيكويا عند سرعة 160 الكبوت يهز اما الاكسبدشن سيارة واسعه
وعائليه واوسع من السيكويا وارخص انصحك بالاكسبدشن وتوكل على الله
قطع رخيصة وجودة ممتازة مجرب 2010 والله كلام المكينه قويه ماشاء الله
واهم من ذلك صلاة الاستخارة ومبروك مقدما

Al-Ajmah @user_256912 · 29-12-2011

السلام عليكم
انا بصراحة ما جربت السوكويا ...لكن شفتها عند احد الزملاء ....
بس الاكسبدشن ...جربت 2008 و2011 بصراحة رووعة السيارة ...من جميع النواحي ...وارخص ...+ اهم شي بالنسبة لي تعامل الوكالة ...
السيارة اللي عندنا نص فل بدبل بحدود 130 الف تقريبا .... السيارة بصراحة ممتازة جدا للخطوط مريحة وصرفيتها قليلة على الخطوط وايضا رساوة ...
حبيت افيدك ولاتنسى الاستخارة والله يكتب لك الخير اخوي ....ويرزقك بالسيارة الزينة

المزدان بك @user_247952 · 29-12-2011

أرى أن الإكسبيديشن الطويل أنسب لك ,إلا إذا كانت تعنيك قوة المحرك فالسكيويا خيار أفضل.

الحمدلله+ @user_209225 · 29-12-2011

وش جاب السيكويا للاكسبديشن

من باب الإنصاف

فرق شاسع جدا في المساحه الداخلية
السيكويا أوسع بكثيييييير من كل المنافسين

مكينة السيكويا ماتتقارن اقوى بمراحل
5،7 / 381 حصان

فروع اكثر بالنسبة للصيانه
وصيانه اسرع

لاكن لو علي أخذت الاكسبديشن الا اذا فعلا احتاج
مساحة السيكويا ( افراد العائلة طوال جدا) على سبيل المثال*
غير كذا انصحك تاخذ الاكسبديشن لانه اوفر لك بكثير
والفرق مايستاهل هذا السعر ، بالاضافة الى صرفية
البنزين العالية في السيكويا

واهم شيء الاستخاره ، ولو تطيع شوري أقولك
التستري الا وانت مجرب الموترين ، والله يوفقك

bo3mad @user_273590 Banned صاحب الموضوع · 29-12-2011

طيب الاكسبديشن هذا دبل ؟!

samaction @user_22068 · 29-12-2011

الاكسبدشين حلو و السيكويا حلو
الوكالتين ماشي حالها كويسه
120 تجيب لك اكسبدشين ستاندر
130 تجيب لك ستاندر جلد
150 تجيب لك فل لميتد (احنا اخذنها 149 الف )

السكويا تبدا من 132 الف
شوي اعلى بالموصفات 142 الف
و فل دفع غير رباعي 177 الف

لحن المشاعر @user_126547 · 29-12-2011

الاكسبديشن مايبي لها كلام

حتى السكويا مو مرغوب بالسوق !! للمعلوميه فقط وهالكلام اكثر من شريطي

احمد 999 @user_57330 · 29-12-2011

اخوي monaya

الاكسبديشن قليل خرباته وعملي ومريح وقطع غياره متوفره ورخيصه والوكيل الاغبار عليه

:: ابو العز :: @user_260719 · 29-12-2011

اكسبديشن للعائلة ممتاز وعملي وسعره مناسب

bo3mad @user_273590 Banned صاحب الموضوع · 29-12-2011

طيب الاسعار ياجماعه

sabic12 @user_143735 · 29-12-2011

m

monaya

الاثنين ما جربتهم
لكن من خلال كلام الناس

الاكس بدشن نفس السيكويا كحجم تقيريبا احجامهم وحده اثنينهم 8 سلندر

سعر السيكويا 150 الف
سعر الاكسبدشن 121000 وفيه ارخص بعد

عيوب الاكسبدشن انه غير فخم من الداخل يعني تشوفه من بره تقول مشاء الله فخم لكن من داخل عادي جدا

كذلك خراباته اكثر بالنسبه للسيكويا
ما يمسك سعره نفس السيكويا عند البيع
احلى شي فيه سعره الرخيص مقارنه بمثيلاته
وكذلك يتميز عن السيكويا انه اريح في الخط وراسي اكثر

اما السيكويا تتميز من الداخل انا اشوفها افخم من الاكسبدشن
كذلك خراباته محدوده جدا
سعره ماسك في السوق
لكن عيبه انه يابس في الخط يعني ما تحس انه مريح زي السيارات الامريكيه
كذلك سعره مقارنه بالاكسبدشن يعتبر اغلى لكن انا من وجه نظري اشوف سعره مناسب جدا

لو انا مكانك
اخذ سيكويا وانا مغمض

انا مع كلام الاخ بس ودي اصحح له معلومة ان الاكسبيدشن قليل خرابات خاصة الشكل الجديد وفيه مميزات عن عن السكويا
1.قطع غياره ارخص واسهل بالصيانة
2.وكيل فورد افضل وارقى تعامل من عبد اللطيف جميل
3.قطع الغيار الامريكية البديلة للاصلي عالية الجودة وعملية عكس التويوتا البديل سيء وهذي عن تجربة شخصية
4.الاكسبيدشن حاصل على اعلى درجات الامان في فئته من معهد السلامه الامريكي
والاستخارة قبل كل شي