صوت بالفرامل...ممكن نصائح؟

Honda11 @user_95855 · 15-01-2012

السلام عليكم

1- وانا راجع بالسيارة للخلف وهي على R اما اوقف وأحطها على D الفرامل يطلع صوت غريب ومرات قوي والعكس طبعا من Dإلى R

2- لما أكون واقف عند الاشارة وضاغط على الفرامل لما اشيل رجلي من الفرامل فيه نفس الصوت بس أخف

الصوت طبعا مثل لما توك مغسل السيارة واستخدمت الفرامل

وين الاماكن اللي تنصحوني اروح لها غير الوكالة؟

فني سيارات @user_8460 · 17-01-2012

هذا الصوت تقريبا عادي خاصة اذا لم يكن صرصرة قد تحتاج الى عمل سنفره للفحمات سنفره بسيطه ولو تركت الموضوع فهو عادي في اغتقادي او جرب تنظف الفرامل بالهواء المضغوط

والله اعلم

LTZ V6 @user_278657 · 15-01-2012

آخوي اذا تبي ترتاح فك الفحمات وشفها اذا متاكله لوحتى مو منتهيه بادر

بتبديلهاا افضل لك والهوب يمدحون خرطه والله اعلم ..

ابو الخل8 @user_4237 · 15-01-2012

عندي صوووووت مثلك يجي وقت ماشغل السيارة يوم اددعس فرامل اسمع صوت عالي اوووووووووو مثل اللي بالشااحنات حسيت اني راكب تريلا

سالت قالو لي عادي علشان البرد لانها بعد المشي تروح ولا اسمع شي

بس انت الصوت اللي عندك يمكن الاقمشة او الديسك تاكد منهم احسن لك

لان كل شي يخرب يخرب وراه شي

formula one @user_278648 · 15-01-2012

اخوي الغالي , حتى نقطع الشك باليقين , اعمل التالي : افتح الكفر وشيك على الفحمات ولاحظ هل هي متآكلة ولم يبقى منها الا الحديد , الفحص يكون للكفر الامامي والخلفي , وما فيها اي صعوبة وهذه اشياء ممكن ان تفعلها بنفسك ولا تحتاج الى فني متخصص , ووافيني بنتيجة الفحص وانا في خدمتك في اي استفسار ومعك خطوة بخطوة .

Honda11 @user_95855 صاحب الموضوع · 15-01-2012

تقريبا كأنها احتكاك حديد مع حديد

طبعا والسيارة واقفة فقط ورجلي على الفرامل

بس لما السيارة تمشي الفرامل مافيه اي صوت

formula one @user_278648 · 15-01-2012

اخي عندي سؤال وهو : عندما تدعس على الفرامل هل تسمع صوت مثل صوت احتكاك قطعة حديد مسطحة بحائط اسمنتي , اعذرني فطريقة الوصف صعبة شوي , المقصود بالدسك هو الفحمة و الفلنجة تعني الهوب ,

Honda11 @user_95855 صاحب الموضوع · 15-01-2012

مشكوووور يالغالي على الجواب

سؤالي لك ايش هو الدسك؟

انا صياناتي كلها عند الوكالة لانها مجانية وعلى كلامهم هم يفحصون كل شي والصوت له فترة أكثر من 4 شهور

الظاهر الوكالة لا يعتمد عليها

وفيه نقطة ان السيارة لما تمشي مافي صوت للفرامل ومسكة الفرامل جدا ممتازة

formula one @user_278648 · 15-01-2012

وعليكم السلام ورحمة الله وبركاته , اخي افحص دسك الفرامل فربما انتهت صلاحيتها ولم يبقى من الدسك سوى قطعة الحديد وحين تضغط على الفرامل يصدر هذا الصوت وهو صوت احتكاك الحديد بالحديد وعليك الاسراع بتبديل الدسكات لانه سوف يضر بفلنجة الكفر والله اعلم .