سوال عن التاهو 2012

شـــاكر لكم ويعطيــكم العــافيه على ردودكم اخواني

النايــف
مرور الكـرام
الصدر المغبون
MR. BOOD

س1/ هل المعارض تفرق في السعر شي يستاهل وهل السياره من المعرض راح احصل منها

مشاكل لانها ارخص سواء خدش او شيل اكسسورات او في التشييك او غيره ؟

الفرق من 4000 إلى 8000 تقريبا , لكن المشاكل الله اعلم انت ونصيبك
بس اذا بتاخذ من المعارض احسن لك يكون معه ضمان الوكيل

س 2 / هل العيسى افضل وكيل في السعوديه وخصوصا بعد البيع وهل العيسي يفرق سعره من فرع لفرع اخر ؟
العيسى ماعرف عنه شي لاني خارج الرياض لكن الوكلاء الباقين تحترمهم يعاملونك بسوء واذا انت مشكلجي وحق مخاصمات يعاملونك تمام
وانا سيارتي من بالبيد ومعاملتهم معي باحترام

س3/ هل الدبل افضل وهل منه مشاكل على المدى البعيد وهذا السوال اتمنى يجاوبني عليه من جرب الدبل على التاهو او اليوكون كم سنه وراعي خطوط وسفر؟

انا معي تاهو من الاسبوع الماضي على طول مسكت فيه خط من جدة للخبر وبسم الله زي الحلاوة معي ,وللحين تمام والدبل شغال معي ولم تصادفني اي مشاكل ولله الحمد

والله يكتب لك الي فيه الخير

خذ لك يوكون ماشالله موتر مركب ورزه

الله يوفقك للشراء

أخي الكريم ..

كان لي تجربة مع تاهو 2009 دبل

أشتريته من العيسى على وقته ..

كان الفرق بين الوكالة والمعرض تقريباً 8000 ريال

أنت أولى فيهم ..

لكن أنا اضطريت لأني كنت أبي اللون الأبيض وما يتوفر إلا بالوكالة !!

الشي الثاني : الدبل ..

نصيحة أخوية ... إذا ما تحتااج الدبل حاجة ملحة لا تاخذ دبل !

الفرق 10000 ريال وبرضو أنت أولى فيهم ..

والدبل إذا ما شغلته من فترة إلى فترة ممكن يجيم عليك ..

والكلام هذا مكتوب بدليل المالك الي مع السيارة ..

بصراحة اشتريت الدبل وما أستخدمته ..!

حسب المنطقة الي أنت فيها ... يعني فرضاً لو أنت بالرياض ..

متى راح تستخدم الدبل ؟؟

أيام الجو الزين وطلعات البر ؟؟؟ طيب كم مره بتطلع البر ؟؟

وتقريباً عندنا أكثر من 8 شهور الجو صيف !!!


وإذا كنت بالأساس راعي بر وتطعيس خذلك جيب أحسن لك .

لأن الموتر وجهه نازل ولازم تفك اللحية الأمامية إذا بتدخل رمل ..

والكلام هذا برضو مكتوب بالدليل !!

أنا عطيتك المعلومات من تجربتي ...

وأكيد الشباب لهم آراء أخرى .. أنت فكر وقرر وأستخير ثم استشير .. وتوكل على الله ,,

السلام عليكم أنا ابغى مساعدتكم انا ابغى اشتري تاهو 2012 وما اعرف مميزاته وقطع غياره وسعره وماهو الفرق بينه وبين فورد ايدج وماهو الافضل ........... ارجو مساعدتي تحياتي لكم