كابرس 2012 او تشارجر 2012

على حسب الاخبار الواردة ان الكابرس سيتم ايقاف تصديرها لسوق الشرق الاوسط نهائيا مثل اختها اللومينا وانزال سيارة جديدة .. حقيقة لا اعلم صحة هذه الاخبار لكن كل شيء وارد جدا .. فورد اوقف كراون فكتوريا من اجل التورس .. شفروليه اوقفت اللومينا من اجل الماليبو
ننتظر ماهي السيارة التي تريد شفروليه ان تصدم العالم بها وتوقف من اجلها سيارة ذات شعبيه جارفة

بالنسبة للي يقول استرالية وفاشلة ... ترى اذا قلت عن استراليا فاشله فهذا يعني ان الصناعات البريطانيه هي فاشله مثل الجاغوار واللاندروفر والاستون مارتن واللاتوس ! لان استراليا مجرد اقليم بريطاني مستقل

مع ااحترامي لكل الي يمدح الكابرس

اول شي السياره استراليه يعني الجودة صفر
ثاني شي المواصفات صفر
مافيه شي يشفع للكابرس الا المكينة فقط لا غير

وصراحه حراااام ادفع 150 الف عشان مكينه ويعتبر قمه الغباء والتخلف

بالنسبه للي يتكلم عن فخامه التشارجر

يا اخي انت ما تعرف المواصفات ليه تتكلم على شي ماتعرف عنه شي وتسوي نفسك فاهم

الشكل الجديد تغيرت الواصفات 180 درجه عن الموديل الي قبله

راح اعطيك مواصفات التشارجر ار تي التوب مثل ما للكابرس فئه اسمها SS

1- مكينة هيمي 370 حصان

2- تبريد وتسخين المقاعد

3- جنط 20 كروم

4- ميزه النقطه العمياء ( تولع لمبه على المرايا الجانبيه تنبهك ان فيه سياره بمنطقه ما تقدر تشوف فيها )

5- الاماكن حقت الاكواب فيها ميزه التبريد والتسخين ( تضغط زر بجنب حامل الاكواب اذا تبيه بارد تولع لمبه زرقا واذا تبيه ساخن تولع لمبه حمرا)

6- شفترز ( تعشق عادي من ورا الدركسون )

7 - تحريك الدركسون كهربائيا

8 - شاشه كبيره جدا باللمس مقاس 8.4 فيها نفقيشين سيستم

9- سبورت مود ( زر تضغطه من الشاشه تخلي السياره على وضعيه السبورت )

10 - كميرا خلفيه

11 - حفظ وضعيات الذاكره

12 - الدخول الذكي

13- تشغيل السياره بضغطه زر موجود داخل السياره بجنب الدركسون

14- تعديل الدواسات كهربائيا

15 - مقاعد رياضيه حاضنه للسائق والراكب مثل مقاعد ال اس ار تي الجديده

16 - رادار

هذا الي يحضرني الان من المواصفات والتقنيه

كيف تقول ان التشارجر مافيها مواصفات

يا اخي انت حرام تكتب بالمنتدى وتظلل بالناس
اتق الله وابعد عنك التعصب وثاني مره اذا جيت تكتب تاكد من كتابتك

الحين انت عطني مواصفات الكابرس SS يا ليت تسردها لي ونقارن المواصفات ونشوف

تبي الشورى

خذ تشارجر ولا تندم

صناعة جيدة .. شكل جديد.. صيانة وقطع متوفرة .. يعيش اطول من الكابرس

الكابرس لو جلس معك خمس سنوات ماله زبون ويهربد بسرعة وتتتعب من تصليحة[

هذه قوية قوية

الكابريس اللي تلاقيها كل شارع و سيارة شعبية ومليانة الدنيا وما لها قطع غيار و تتعب في تصليحه!!!!!!!!
وفوق هذا ما له زبون
خلنا نقول الكلام صحيح طيب التشارجر ايش راح نقول فيها
مش كل الناس تحب اشكال السبعينات!
قطع غيار ووكيل ما يحتاج اتكلم فيه وسوء خدماته

شوف تشارجر 2007 كم تسوى
شوف كابريس 2007 كم تسوى

ومين اكثر زباين

/QUOTE]


ايش الفخامة اللي فيها ؟
ما فيه شي من الفخامة


عادية جدا

مساج؟

رادار؟


لو قلنا ازيرا ماشي

كابريس اكيد

كابريس بدون احتيار

استاجرت دودج 2012 وانواع الاصوات ولسة 2012 حتى لو ايجار
دودج تشارجر= اسواء تصميم صنعته البشرة في التاريخ خاصة من الخلف
من الداخل تحس بخليط من الكآبة و العصر الحجري
اللي يقول فيها فخامة ايش الفخامة اللي فيها؟

جنوط مثلا؟

راديو لمس؟

ما فيها نص شي مميز على سيارة تعتبر نازلة من 2011

اما التشارجر جودة سيئه

ههههههههههههههههه

الكـابريس تحـسنت جــودتــه من بــعد 2007 , وقـيـره تحـسن مـن يـوم نـزلـوه بـ 6 سـرعـات . < مـن كـلام اشـخـاص مـجربــين .

امـا بـالنـسبـة للـدودج , وخـصوصـا التـشارجـر .. فـلا يـشق لـه غـبار فـي اعتـمـاديـته و جـودتـه . و هـذا مـا عـشته و جـربـته فـي سيـارتـي تشـارجـر 2006 هـيمي .
وسـبق لـي ان جـربت الـ 6 سـلندر ايـضا .

2011 تحـسن عــن الـشكل القــديـم مـن نـاحـية الجـودة الـداخلـية بحـيث ان الـشكل القـدم القـديم فـيه اصـوات فـي مــناطـق معـينة قـليلة فــقط
( لا يـعني ان الديكور سـيء لـكن نتـيجة اهمـال وعـمر اكـثر مـن 5 سـنين )
و الـمحـرك 6 سـلندر مـن دودج المـسمى بـ بـنتسـتار .. مـن افـضل 10 محـركـات فـي عـام 2011 .

القـير اذا كـان بـ 5 سـرعات فهـو قـير مـرسيـدس "الفـياقـرا" ذو الجـودة العـالية , امـا اذا كـان القـير الجـديد فـهو قـير مـستخدم فـي اودي A8 .. وهـو قـير 8 سـرعـات يحـقق لـك سـلاسـة فـي التعشـيق و تسـارع رائع و هـدوء اكـثر و اسـتهـلاك بـنزين اقـل , حـيث اذا كـنت على سرعه 120 كـيلو مـتر يـكون دورات المـكينة اقل 1500 RPM

امـا بـالنسـبة للـدفـرنـس , فهـو ممـيز بـ كـرونة "كرونة النــوم" و نـسبتها 2.65 .
ومـيزتهـا تحـافظ عـلى عدد RPM مـنخفض لـهدوء و اقتـصاد للـبنزين اكثر و انـها جـيده ايضا فـي الـسفر حـيث مـيزة هـذي الكـارونة تحـافظ علـى تـسارع جـيد في الـسرعـات العـالية اذا قـارنهـا بـكرونة اخـرى ذا نـسبة اعـلى .

امـا بـالنـسبة للـمـوصـفات .. فـهـي تتفـوق علــى الكـابريــس اذا كـان التـشاجـر بمـوصـفات الـفـل الكـامل. و لـعل خـبرتي فـي مـواصفـات الـكابريس متـواضعه فـلا اسـتطيـع و ان "اسـتطرد" فـي مـقارنـة المـوصفات بـينهم .

نصيحة اذا بتشتري كابريس جودة وراحة وواسع
ووكيل ممتاز وقطع غيار ببلاش
واذا يتكلمون على الفخامة
بعدين الكابريس اخر موديل له هو 2011 والى دحين يبيعون بسمع 2012
اما في الاصل والحقيقه ردوه مصنعه امريكا هناك
واذا تبي سيارة جدا روعه وفخامة عندك الماليبو الجديد 2013 اذا بتصبر
اما التشارجر جودة سيئه بتلاحظها مع مرور الوقت ابعد منه ترى قدامك وكيل بيرفع لك السكر
بعكس الكابريس راحة في الطرقات الطويلة واهم من ذلك قطع الغيار بلاش اجيبلك اقرب شي
الاقمشة الاماميه حقت اس اس 200 الطقم امامي بلاااش

يعطيكم العافيه اخواني ما قصرتوا الله يجزاكم خير

^
هههههههههه الله يهديك انا اعرف السيارتين معرفه قويه بحكم اقاربي معهم منها .
مادريت انك متعصب على تشارجر بس جرب السيارتين ويبين معاك الفرق .
:ch19:

اخي العزيز يا ليت تجاوب على سؤالي

اش مفهوم الفخامه عندك ؟؟؟؟

على ايش فخامه مافيها الا مكينه وقير ودركسون بالله هذي فخامه
والله تسمع بالفخامه شكلك

الكابرس حق مقاومات بس
يعني الكابرس = مكينة
غير كذا لا تفكر فيه
+
انا من رايي ان التشارجر احلى
شكلها جديد وتوه متغير
ومواصفات ارقى وتقنيات اكثر
واريح سواءً في السواقة او الجلوس على مراتبها
واجمل شكلاً

واستخر وتوكل على الله :)

ممكن الوحيد اللي يرد عليك ويقول كابريس انا اشوف سيارة اقوى واثبت ومعروف با امانه وصارت الجودة احسن من اول .
والدودج ممكن تكون رياضيه ولكن بصراحه شفتها مو زي الكابريس بفخامته .
قبل كل شيء استخير الله .

تبي الشورى

خذ تشارجر ولا تندم

صناعة جيدة .. شكل جديد.. صيانة وقطع متوفرة .. يعيش اطول من الكابرس

الكابرس لو جلس معك خمس سنوات ماله زبون ويهربد بسرعة وتتتعب من تصليحة

خذ تشارجر شكل جديد و ملفت ,,, و الكابريس يمكن شكله يتغير قريب !

انا معي رالي 6 سلندر فل ..2012 .. ما شاء الله وحش

اسبوعيا اسافر 220 رايح و 220 جاي و الدوام يوميا ذهابا و ايابا 70 كيلو ..

الكابرس ما تغير شكله

والدوج تغيرت وكل الانظار عليها


وكلها سيارات خطوط

انت استخر وتوكل ع الله