اخواني السلام عليكم ورحمة الله وبركاته // مساااااااااكم ورد ياخوان
اخواني ادري ان قصتي طويلة لكن عشان تتضح الصورة للإخوان
ادخل بالموضوع / عندي كابرس موديل 2005 ss , المهم قبل ثلاثة اسابيع شغلت السيارة وشغلت المكيف (طبعا كان ذاك اليوم حر) وطبعا كما هو معروف المراوح تشتغل مع المكيف , المهم شوي وحسيت ان المراوح بدت تزيد سرعتها عن المعقول يعني سرعتها علية مرة , وكذلك طفت عندي العدادات كلها ( بس ماني متأكد هل المروحتين اسرعت كلها مع بعض او مروحة وحدة بس , بس احس وانا جالس بالسيارة كأن السرعة في المروحة اليسرى الصغيرة اذا ماخاب ظني المهم شوي وطفيت المكيف ورجعت المروحة الى حالتها الطبيعية واشتغلت العدادات طبيعي وشغلت المكيف مرة ثانية وجات المشكلة مرة ثانية وطفيته ورجع كل شي طبيعي وطلعت لي رسالة بالطبلون بالنص هذا (check oil) المهم طفيت المكيف وبعدها كل شي طبيعي لكن الرسالة تجي كل 10 دقيق تقريبا , المهم كلمت واحد اعرفه وشرحت له المشكله , قال لي هذا من جهاز الـ abs دايم يسبب مشكله , وقال لي افصل الفيش حقه وتروح المشكله , انا مافصلته ومشيت وتجاهلت الموضوع المهم كل شي طبيعي الحين لمدة خمسة ايام تقريبا والرسالة (CHECK OIL) الحين ماصارت تجي على الشاشة وبعدها بثلاثة ايام رجهت لي المشكلة لكن بدون مااشغل المكيف ورحت شيكت عند واحد اعرفه وقال احتما كبير من (الدينمو) وشيك بالجهاز وقال الحين التعبئة حقت الدينمو كويسة عندك ولا اقدر احكم على الدينمو الحين الا اذا استمرت عندك المشكلة بشكل دايم يعني تجي ثلاث اربع مرات باليوم , وقتها يمكن اقول لك ان المشكلة من الدينمو بنسبة 90% , المهم وانا عنده ماحصلت المشكلة كل شي طبيعي ورحت من عنده وكل شي تمام وبعد اسبوع , صارت المشكلة تصير معي ثلاث او اربع مرات باليوم سؤاء بالمكيف او بدونه , وبعدها قلت خلني اجرب وافصل فيش الـ abs اللي نصحني فيه المهندس الأول وفصلته وبعدها جلست خمسة ايام ولا فيه اي مشكلة قلت يمكن صحيح تكون من ال abs وبشوف له حل يااغيره اواشوف اذا فيه التماس او شي , المهم امس رجعت لي المشكله من مرة ثانية , وفيش ال abs مفصول طبعا , والبارح بالليل حصلت معي المشكلة واشوف الأنوار تزيد قوتها والمروحة تزيد سرعتها وللعلم ترى احترقت عندي الأنوار العالي حق الشمعتين , واليوم شغلت السيارة الظهر ورحت عليها مشوار واشتغلت المراوح بس ماشغلت المكيف والوضع طبيعي بس ماطولت عليها رجعت على طول, الحين رجعت افكر من جديد وش المشكلة ,
ملاحظات قد تساهم في حل المشكلة :
1- طبعا البطارية اللي عندي مكتوب عليها 50 امبير, طبعا تم تركيبها بالغلط ولا اعلم عنها الا بعد فيترة ولاكن ماغيرتها
2- بالنسبة للمروحة الصغيرة اللي اتكلم عنها ترى توني شاريها قبل شهرين من التشليح وركبتها لكن من ركبتها مافيها اي مشكلة وكويسة حقت ss 2006
3- للعلم اذا حصلت المشكلة معي ترى اسمع صفير وانا متأكد اني سمعت الصفير مرتين والباقي ماني متأكد منها هل حصل فيها صفير او لا
ــــــــــــ
الآن ماادري من ايش تكون المشكلة ,1_ هل هي من الدينمو ( مع العلم ان لمبة البطارية ماهي مولعة يعني طافيه >> ذكي هههههههه
او2- هل المشكلة من المروحة اللي ركبتها يمكن يجيها كهرب زيادة , واذا كان يجيها كهرب زيادة يعني الدينمو يعبي زيادة وإذا كان الدينمو يعبي زيادة يعني فيه مشكلة واذا كان في الدينمو مشكلة ليش ماتولع لمبة البطارية ؟!
او 3- هل المشكلة يمكن تكون من البطارية عشانها 50 امبير , واذا كان المشكلة من البطارية طيب ليش ماصارت من بداية تركيب البطارية قبل 6 شهور , مع العلم ترى قد ركبت بطارية قبل سنتين 50 امبير برضه بالخطأء ولا صارت نفس المشكلة معي لكن البطارية خربت بعد 6 شهور وغيرتها 80 امبير وكل شي تمام
او 4- هل هناك احتمال يكون فيه التماس في السيارة , واذا كان فيه التماس ليش ماتكون المشكلة بشكل دايم ؟!
او 5- هل المشكلة ممكن تكون من ال ABSكما ذكر المهندس واذا كان من ال ABS ليش ماتروح المشكلة مادام الفيش مفصول حق ال ABS ?!
صراحة ماادري وش المشكلة واتمنى من الإخوان المشاركة في حل المشكلة , وآسف ع الإطالة ياشباب لكن حبيت اني اذكر مشكلتي بالتفصيل حتى تصل المعلومة بشكل دقيق لكي يفهمها الإخوان ليسهل الحصول على الحل , وبارك الله في الجميع واتمنى الرد قبل مااحوس بالسيارة ويمكن ابدل شي واتكون المشكلة منه , ولكم الشكر ..... :smile:
