نقاش بخصوص الجاكوار ، لماذا اسعار المستعمل متدنية وهل صيانتها مكلفة ؟

VIP 111 @user_111992 · 10-02-2012

بسم الله الرحمن الرحيم
وبه نستعيــــــــــــــــــــــــن
السلام عليكم ورحمة الله وبركاته

اخواني يوجد استفسار بخصوص سيارات جاكوار ( XJ ) موديلات 2005

سواء كانت سوبرتشارج او الفئة العادية

لماذا اسعارها حاليا متدنية ( مايقارب 60 الف ريال ) واغلبها قطعت مشافة 100 الف كم الى 120 الف كم

هل يرجع السبب الى كثرة الاعطال ؟ وماهي هذه الاعطال ان وجدت ؟

وكم اسعار الصيانة واسعار القطع للجاكوار xj 2005

اتمنى من الاخوان اصحاب الخبرة افادتنا بمايتعلق بهذه السيارة وماهي سلبياتها

ولكم خالص الشكر والتقدير
اخوكم محمد الحربي
VIP 111

سيارات2011 @user_247163 · 14-02-2012

الجاغوار حلو بس المشكله في أسعار قطع الغيار مبالغ فيها ولاأحد في المملكه يظبط الأسعار ويوقف الوكيل عند حده

sultan-0 @user_260000 · 13-02-2012

للمعلوميه
جكور تغيرت مرررررره
بعد ما اصدرت ال اكس اف
سارت افضل
واللحين شوف عندك ال اكس جي عليها عرض صيانة مجانية لي مدة سنتين
شي حلووو
ولول السياره مي قدها كان ما سواه الناغي اصلن

iTzZ Enough @user_242910 · 13-02-2012

أتوقع بسبب سمعتها السيئة وأعتماديتها والمقصود يعني بعد 3 أو اربع سنوات تبدء الخرابات تطلع

بس سيارة جديدة ومامشى فيها الا أقل من 100 الف فشي طبيعي مافيها خرابات حتى لو كانت

تشيري

موفق أخوي

ishadi @user_210146 · 13-02-2012

حياك الله اخوي

انا معاي جاكوار اكس اف 2010 بصراحه سيارة في قمة الروعه وماظن السيارات اللي في فئتها تنافسها مو عشان املكها ولكن السيارة بصراحه من ناحية الشكل والمواصفات والسعر جدااا ممتازة . عيبها الوحيد الناس ماخذه فكرة ان صيانتها غالية وخرابتها كثيرة ولكن بعد التجربة ماوجهت هذي المشاكل .

بالنسبة لصيانة الجاكوار بصراحه وكيلها الجديد الناغي جالس يكمل مسيرة الوكلاء اللي قبله يعني ماضاف شي الصيانه سيئة وفترة الصيانة جدا طويلة يعني اذا وديت سيارتك للصيانة انساها اسبوع ويمكن اكثر لو ماتنشبلهم وبصراحه ماهي حلوة معاك جاكوار وكل شوي وانت رايح جاي عالشركة وبالنسبة لاسعار الصيانة السيارة صيانتها كل 8000 كيلو او كل سته اشهر وتدفع بين 1000 و 3000 ريال في كل صيانة يعني مرة فوق ومرة تحت واللي لاحظتو من الفواتير ان القطع رخيصة ولكن شغل اليد ياخذو عليه مبالغ خيالية من وجهة نظري. عندك مثال أقمشة الفرامل سعرها 400 ريال مع التركيب يطلع عليك ب 800 ريال .عندك الهوبات سعرها 900 ريال يعني القطع سعرها معقول بس التركيب غالي . بس للامانة اذا وديت السيارة للصيانة وماعندك اي ملاحظة عالسيارة تستلمها في ثاني يوم يعني بالعربي اذا كانت الصيانة تقتصر عالزيت والفلاتر تاخذ يوم واحد بس لو عندك اي ملاحظة الله يعينك .

وجهة نظري بعد ماسألت واستفسرت من كثير من الاشخاص أغلب الوكالات عندنا شغلهم بالطريقة هذي وهذا لان ماعندنا نظام يحكم الوكلاء ويجبرهم انهم يقدمولك خدمة ممتازة يعني الوكيل حر يسوي اللي يبيه ولا احد يحاسبه

عندي عمي معاه بي ام الفئة الخامسة 2011 طلع له ملاحظة في الشاشة وراح ودى السيارة للشركة وجلست عندهم اسبوع يعني الحال من بعضه مافيش حد احسن من حد .

وعندك شركة ساماكو مافي احد يمدحها وعندك الجفالي يمكن احسن الموجودين ووكلاء السيارات الامريكية اسوء منهم مافي . بصراحة يمكن مافي غير عبداللطيف جميل والحمراني هم الوحيدين اللي ممتازين غيرهم مافيش .

عموما الجاكوار تستاهل انك تجربها لانها سيارات مميزة

SUPERCHARGED @user_215095 · 11-02-2012

اهلن محمد

السبب الرئيسي هو الوكلا السابقين العليان - السيف دمرو الجاكوار تماما
وكذالك اكثر الناس مايحبون الكلاسيكيه مايحبها الا الشياب ولو تنظر لسكان المملكه الاغلبيه شباب عكس دول العالم المتقدم شيابهم واجد

السياره حسب مااعرف انها خرباتها مب واجد ولو تشوفها بالكويت والبحرين مليانه والسبب وكلائهم ممتازين

وبعدين حنا شعب متناقض يسبون الجاكوار ويروح يشتري رينج روفر وهم شركه وحده اللهم هذا فورويل وهذا سيدان فاخر !!!

اسعار 2005 بـ60 الف مثل ماتقول تقريبا عادي مثلها مثل المرسيدس الفياقر والبي ام الحوت 2005 كلها تدور حول هالاسعار !!

واسعار القطع ارخص من البي ام دبليو والمرسيدس ومتاكد من هالكلام

لاتقول جاكوار 2005 لا قل جاكوار من 2009

صحوة جاكوار بـ2009 بعد طرح الاكس اف والان الاكس جي والاكس كي

كثير يمدحون الاكس اف وانها تستحق اسم جاكوار فعلا .. وانا بالنسبه لي لو بشتري سيدان متوسط بحتار بين الاكس اف وبين الفايف سيريس ومع اني ارجح الجاكوار لتميزها

ولو بشتري سيدان كبير الاكس جي بدون تردد

+KoRn @user_19776 · 11-02-2012

أه يامخي ضرب من ذا السعر المجنون لستاره لو تقولي لي سعر صدام ممكن تنبلع يس سعر سياره 60الف يعني ممكن خلال كم شهر شوية صيانه وقطع غيار اطلع قيمتها واكثر

دكتور / مجنون @user_18878 · 11-02-2012

انا احب اقولك ان ستاره خلفيه سعرها بـ 8000 ريال سعودي لو اللي بالسياره انكسرت!!