كابريس أو توريس أو أفالون

يسلم الجميع على آراؤهم

طيب وارد الخليج فيه فرق عن السعودي بالمواصفات والسعر

السلام عليكم , انا ارشح لك الخيار بين اثنين اما التورس او الافالون لكن عشان تكون مرتاح اكثر رح الى الورش واسال عن السيارتين لكن لو كنت مكانك اتصور بيكون التورس خياري الاول وبفارق بسيط بينة وبين الافالون والفارق فقط بالشكل عندي شكل التورس اجمل من الافالون واشوف بان اسعار التورس مناسبة علية اكثر من سعر الافالون وبعض المواصفات بالتورس افضل من الافالون ولكن نصيحة لك اذا بتاخذ اي سيارة فكر بكل شي وفكر باسعار القطع وتوفرها قبل اي شئ حتي بحجم ومقاس الكفرات واسعارها وادخل على الوكالة بقسم القطع واسال عن سعر الاشياء الاساسية بكل سيارة واسال اهل الورش عن صيانتها واركب السيارة وجربها مرة مرتين وحاول انك تكون ملم بكل شئ قبل لا تشتري السيارة لان اسعارها غالية الان وحرام اخذ سيارة وبعد فترة على سعرها والا اقساطها اكتشف بانها سيارة ما تستاهل ريال وماعليك من كلام مندوب المبيعات بالصالة لانة بالاخير يحاول انة يصرف السلعة اللى عندة انت فكر ولا تستعجل بقرار الشراء الى بعد قناعة تامة وشف جودة السيارة من دخل شوف جودة الديكور اللى فيها وراحة الركوب وسعة السيارة من الداخل . انا استبعد الكابريس لانة بكل امانة غير مقنع لى ولا يستاهل سعرة لان جودة الكابرس اقل من متوسط .والله الموفق

تورس تقريباً نفس شي بالكابريس من ناحية الراحه بس اذا بتاخذ فل كامل فالتورس فيه مواصفات وتقنيات افضل تميزها عن كابريس وافالون ..
ارشح تورس لك .. ميزه الوحيده اللي في كابريس وغير موجوده في تورس انها اوسع ..
ع العموم تقدر تروح وكالات وتركبهم وتشوف شنو الافضل لك

والله زادت حيرتي أكثر

الفورد تورس .. فخامه + جوده


انصصصحك فيها .

عندي كابريس وافالون كلهم 11

ناحية الاكسسورات والراحــة : أفالون مره مريحة وتسافر فيها وتوصل وانت مرتاح والاكسسورات كمواصفات كويسه افضل من الكابريس والسماعات فيها رهيبه مره

من الناحية الميكانيكة : محرك استجابة قير رساوه .. الكابريس بفرق
شعور السحب الأمامي في الافالون مره ما دخل مزاجي
واستجابتها بالمنعطفات والطلوع لك عليها واذا تحملت السيارة اغراض يطيح عزمها وتطيح من ورا بعد هههههه بعكس الكابريس عزم عزم ما يوصف

بما انه عندك عايله وهادي بالسواقه وتبغ الراحه :: ارشح لك افالون

بسم الله الرحمن الرحيم

اول شيء انصحك فيه هي افالون لانها معروفه في السوق ووسائل الراحه فيها روعه واسال مجرب وقيمتها ماتطيح متى ماتبي تبيع بيع ..


الكااابرس ماانصحك ابد فيهاا لانها معي واعرفها لو تبغبي اقولك العيووووب مااراح اخلص الا الصبح .

والتورس طراز جديد ولا احد يعرف عنها حاجه ..


الله يكتب اللي فيه الخير انشاءالله ..........

الفورد افضل لك من الكابرس !
الكابرس فقط مكينه + المواصفات الداخليه ضعيفه جداً مقارنه بسعرها _ ماعندك الا شاشه بسس !

اما التورس + فخامه الداخليه + امان (وزنها 2 طن )+ مكنتها حلوه وهاديه
مواصفات جدا قويه
انت رح للوكاله وشوفها وسو لها تيست

عشان تكون في الصوره

الفخامه
تورس
كابرس
افالون

العزل
كابرس
تورس
افالون

اقل قساوه في الخط
افالون
كابرس
تورس

قطع الغيار حسب الارخص
افالون
كابرس
تورس

السعر عند اعادة البيع
افالون
تورس
كابرس

قوة التحمل وكرف السياره
افالون
تورس سياره جديده لكن ماضيها القديم اسود
كابرس

الامور الاستهلاكيه من كفرات وزيت وفحمات حسب الارخص
افالون
كابرس
تورس

العزم والسرعه
كابرس
تورس
افالون

شف اللي يناسب متطلباتك وميزانيتك واختار

إذا تبي راحة ارشح لك الكابريس بصراااااحة وبما ان سواقتك عاقلة ومش راعي سرعة

فـ صوتي بيكوووون له

والأسعار
هل تفرق عندنا عن دول الخليج

طيب
كأني أشوفكم ترجحون التورس

ومن ناحية عزل الصوت أيهم أفضل

انا اشوف ان الكابرس هي الافضل قويه متوسطة الفخامه ( مافيها خرابيط ) راسيه بالخط بس الشكل الجديد مره قريب يبي يتغير ( تبي تتغير 2013 بالكثير 2014 )

والله يكتب لك الي به الخير

انت بتشتري سياره وتبيها معاك اقل شيء خمس سنوات اوك

اول شيء انصحك فيه هي افالون لانها معروفه في السوق ووسائل الراحه فيها روعه واسال مجرب وقيمتها ماتطيح متى ماتبي تبيع بيع

ثاني اختيار الكابريس لانه معروف بسمعته لاكن هو الولد العاق مهما تعطيه يعصيك
لاكن الفخامه والراحه في الخطوط فيه

ثالث اختيار التورس لانها فورد وقطع غيارها شوي غاليه بنسبه للسيارتين الباقي
اما من ناحيه الشكل والتطورات فيها والشكل جديد يمشي معاك سنوات ومايتغير


بالتوفيق

الفورد تورس راحه وفخامه وجوده
وانشاء الله تعجبك ومكينتها جيده كقوه
لكن في الراحه لايعلى عليها حتى المواصفات اللي فيها
وبالتوفيق

اذا تهمك التقنيه والفخامه التوريس فيها كل اللي تبيه

تورس
فخمة ومريحة وملفتة للنظر

انصحك بها

تسلم وما قصرت
أنا عندي عائلة
يعني القيادة عاااااقله
يهمني الفخامة والتقنية والراحة
لأن مشاويري اليومية 200 - 250 كم