بخصوص الافلون استفسارين

فداكـ العين @user_279300 · 27-02-2012

السلام عليكم
مساكم الله بالخير

مابي اطول عليكم عندي استفسارين الله لا يهينكم

شكل الافلون الحالي 2011 - 2012
هذا فيس فلفت ولا تغير كلي ولا كيف
الشكل الجديد متى بينزل اخاف اشري الموتر واتحسف بعدين
السؤال الثاني
قبل امس درت على الوكلا والمعارض ماحصلت لون اسود للافلون فل
تخبرون معرض عنده فل جديده باللون اللي ابيه اسود
تكونو وفرتو علي عناء التدوير والمشاوير
وشكرا

نــــاصر 333 @user_261981 · 29-02-2012

والله يالغالي اعتقد سياسة تويوتا بالأفالون كل ست سنوات تتغير بشكل كامل

وكل ثلاث سنوات تتغير ( فيس لفت فقط )

يعني عندك الجيل من 2005 إلى 2010 بشكل خارجي واحد ...

2008 تغيرت فيس لفت وشملت تغيير لون الشبك الأمامي .. شكل الشمعات مقابظ الأبواب .....

واتوقع بـ 2013 فيس لفت وفي 2015 إن الله احيانا بتتغير بشكل كامل ...

محمد الوقدان @user_238352 · 29-02-2012

الشكل الجديد من موديل 2011

والاختلافات كمايلي
1- الواي فاي موجود في افالون 2012 ولا يوجد بالموديل السابق

2- الحساسا للصدام الخلفي 2012 اربعه حساسات اما 2011 فهي اثنين فقط ولا يوجداختلافات غير ذلك
وانصحك خذ 2012 لان شكلها اتوقع يتغير ب2014 او 2015

سوناتا V6 @user_230258 · 27-02-2012

وعليكم السلام ورحمة الله وبركاته

اسأل في فروع تويوتا بالوسطى والمنطقة الغربية والشرقية والجنوبية

مؤكد أنك بتحصل لكن المسألة يبي لها شوي تعب

أبحث عن أرقام جميع فروع تويوتا بالنت وراح تحصلها بإذن الله

بالتوفيق ،،،

عاشقها بجنون @user_269194 · 27-02-2012

بما اني من ملاكها فاتوقع انها شكل جديد لها

وبالنسبه للاون الاسود انا لقيت لون اسود بس موديل 2011 مو 12 وتقريبا ب 130 في شركه اليحيى لسيارات في خميس مشيط

استلطفك @user_281081 · 27-02-2012

ان شاء الله اقدر اخدمُك !

اولاً الافالون اتوقع شكلها الجديد من 2011 !
يعني يبي لها سنتين او ثلاث سنوات ع بال مايتغير

ثانياً : مادري اذا انت من الرياض ولا لا بس اذا انت من الرياض فيه معرض نجد بـ معارض النسيم هو تقريباً معرض لـ سيارات تويوتاً وله فروع كثيره اسئل عنها هناك وشوف !

اتمنى اني قدرت افيدك ، ويفيدونك الاخوان اكثـر :xyxwave: