شكرا على الرد اخوي ملوكي.. اكيد قطع الاشاره مخالفه خطيره ولازم عقوباتها تكون مشدده
انا بس كنت اسال عن توقيف قائد المركبه في المخالفات المروريه..لاني لما شفت قائمة عقوبات المخالفه المروريه ما شفت الا عقوبتين الي هي غرامه وحجز المركبه وطبعا عقوبة النقاط الي اذا وصلت حد معين يتم سحب الرخصه
وكنت اسال عشان قائد المركبه يعرف حقوقه و واجباته..لان انا قبل فتره وقفت في مكان امام المستشفى ممنوع الوقوف فيه مع انه مكان عادي قدام جدار المستشفى ما وقفت في الشارع مثلا او قدام الباب وجاء المرور سحب سيارتي وكل السيارات الي كانت واقفه و وداها حجز برا مدينة الرياض..فبعد ما طلعت من المشفى دقيتها مشوار بلموزين برا الرياض عشان اخذ سيارتي من الحجز
ولما شفت عقوبة هذه المخالفه وجدتها فقط غرامه ماليه 150 ريال وما فيها حجز ابدا
المشكله المرور سووا معي العكس حجزوا السياره وما اعطوني اي مخالفه ههههههههههههه
يمكن الـ 100 ريال حقت السطحه الي نقلت السياره الل الحجز الي لازم يدفعها صاحب السياره اعتبروها بديل عن المخالفه
فواضح ان المرور مو دايما يطبق النظام فالواحد يخاف يوقف غلط ولا يسوي اي مخالفه بسيطه ويجي عسكري المرور يقوله لازم نوقفك 24 ساعه
