كاديـلاك ( CTS COUPE 2012 ) و الله شئ يحير و بقوة !!!

شكرا يا الغالي و الله يعطيك الف عافية

للمعلومية أنا ذكرت لك كلام أحد ملاك سي تي اس 2012 أن الجي اس أفضل منه

الجي اس اللي قال عنها الشكل القديم , ما بالك الجديد !!

المشكلة الاساسيه بالنسبة للكاديلاك الكوبية هي انها نزلت موديل 2011

و اختها السيدان نازلة من 2008 و بطبيعة الحال كل الثنتين من الداخل نفس التصميم

يعني تصميم له اربع سنوات نازل . و المتوقع ان شكل السيدان بيتغير في 2013 !!

فبتصير الكوبيه قديمه بحكم انهم مترابطتين بالتصميم ...

بعكي اللكزس نازلة بجيل جديد كليا و داخلية روعه و لكن لي تحفظ على الشكل الخارجي

مع استبعاد فئة الـ 250 بحكم ضعف المكينة و الافتقار للمواصفات و سعر مرتفع !!

ردود طيبه من ناس طيبين

الف شكر يا الغالي ...

و الله الـ m من جوى شئ خرافي بصراحة اما الخارجي ما تصلح الا فئة السبورت و للاسف انها غالية فوق الـ 230 :(

أخي الكريم [SIZE=7].,[/SIZE]


أولاً حدد ميولك ..

هل أنت تحب السرعة والمقاومات ؟!

إذا تحب السرعة والمقاومات فكلا السيارتين ماتنفع لك

عندك كذا خيار بديل


كومارو SS أو تشالنجر SRT8 أو موستنج جي تي 5.0


أو لايهمك قوة المكينة والعزم وأهم حاجة عندك الشكل


إذا يهمك الشكل خذ لك لكزس جي اس لأنها أحلى بكثير وأكثر هيبة ورزه

ومراح تمل منها


أما CTS COUPE 2012 كوبيه وفخمة بس راح تمل منها مافيها عزم قوي ولا حتى شكل هيبة


وفي النهاية استخر وفكر ولا تستعجل .’

لو باختار صراحة وانا في موقفك وعازم اشتري باخذ الكدلاك شكل حلو ومكينة ممتازة واقل بالسعر بفارق كبير صراحة الكاديلاك خصوصا الشكل هذا اجمل السيارات الكوبية اللى متوفرة بالسوق حاليا رائع جدا وانا اعتبر بان الكاديلاك هي افضل سيارة جودة وشكل بالامريكي بلا منازع الله الموفق.

والله على ما أقول شهيد

ولد عمي اشترى الانفينتي أكبر سيدان عندهم ( ماني متذكر اسمها ) 2011

المهم, قبل ما ياخذها راح جرب الأودي, وقال ان الفرق بينهم كبير, الأودي شي لا يوصف.

جات الانفينتي وركبنا فيها, اللي لاحظته ان لما يدعس تحس برجة المكينة في أرضية السيارة, يعني عزل الأرضية مش ولابد غير انها مررة قاسية, وما شفت في مشيتها شي مميز, لكن فخمة من الداخل والخارج.

باختصار كل سيارة لها مميزات وعيوب, خذ السيارة اللي تعجبك ولا يهمك كلام الناس ووكيل وغيره.

اخوي صاحب الموضوع,

شكلك مصر تبعد عن الألماني :) , حبيت أعطيك معلومة,, ولد عمي عنده سي تي اس 2012 يقول انه أحسن بكثير من الـ ES أما الـ GS أحسن منه.

:) معليه بس مع الانفعال, ولا هي سيارات لا يستهان بها.

فكر بالإنفينتي m شي راقي و فخم و قوه وسعره مقارب لهم

يمكن ردي متأخر بس حبيت اشارككم بالرأي
الكاديلاك فيه لها فئتين ابيك تتأكد!!! انا قبل ما اشتري سيارتي الحالية قبل عدة شهور لفيت ابو الوكالات و كانت هذي السيارة سي تي اس من احدى المرشحات بس عيبها سعرها الي يتعدى 200 ألف وهذا الفئة العليا و على حسب ما اذكر من كلام الموظف انها 8 سليندر عزمها قريب 400 و الفئة الدنيا سعرها 120 - 130 ألف ستة سلندر 300 حصان تقريبا !!! ياليت تتأكد من هذي النقطة ... لان بغيت قوة مكينة و عزم 300 صار متاح في اغلب السيارات... و داخليا كلا الفئتان تمتلك نفس التصميم و الاعدادات...
بالنسبة للكزس ما عندي عنها اي معلومة بس اشوفها منتشرة بشكل كبير و لا اعرف هل هي منتشرة بسبب سمعتها القديمة او بسبب جودتها.

ملحوظة للشباب "استخدام لقب زبالة للسيارات طريقة غير متحضرة خخخخخخخ"

الكزس افضل

بالتوفيق و الله يكتب لك الخير

و الله الاودي ما اعجبتني اطلاقا الا بداخليتها اما الباقي سئ للاسف
الف شكر لك

^
آمين ويوفق الجميع

الله يوفقك حبيبي

غير قناعتي ومن الممكن اقتناء cts عن قريب ..

جاري اجراءات الشراء والله الموفق والميسر