السلام عليكم ورحمة الله وبركاته
عندي استفسار لأصحاب الجموس الحوض او من يعرف عنه شي اتمنى تساعدوني وتنصحوني
وبيني وبينكم ترا ما اعرف شي بالجمس الحوض
( سجلت بالمنتدى المختص بالجمس الحوض بس الى الان ما تفعلت العضويه عشان كذا حطيت الموضوع هنا )
______________________________________
وانا قاعد ادور بالمعارض
لقيت
شفر سيلفرادو موديل 2010 غماره وحده 6 سلندر مقاس ( 1500 ) حوض قصير بدون بدل
زي هالصوره ( بس جنوطه تختلف )
(العذر والسموحه من راعي الموتر )
ماشي 41 الف
يبي فيه 65 الف ويقول غير قابل للتفاوض
ويقول مفحوص وكل شي سليم ( ماشاء الله تبارك الله ) واذا تبي تفحصه ماعندي مانع
انا شكيت بسعره لاني لي اسبوع ادور بالمنتديات والقى نفسه والممشى متقارب وسعره ما ينزل عن ال70 الف
وتكفون يا اخوان لا يجي احد يقولي مافيه عزم و ... و ....
ويا اخوان انا ابيه للمشي طبيعي جدا
يعني ماني راعي تطعيس ولا مطارحات ولا سحب اشياء
اللحين عندي أسئله : اتمنى تساعدوني وتنصحوني
1/ هل السعر زين والا غالي
2/ هل 6 سلندر مقاس 1500 فيه مشاكل بالقير ؟؟
3/ هل تنصحوني فيه وإلا لا ( اذا ما انصحك فيه _ اذكر السبب ) .
وشكرا لكم ....
