a6 or a7 or bmw535 .. م خآب من استشآر ..

انا جربت Audi و BMW ولكن الاحجام الصغيره
عندي Audi A4 موديل 2005 بالسعوديه
وكانت عندي BMW 325Ci موديل 2005 يوم كنت بامريكا..

الـ Audi تتميز بجودة الداخليه بصراحه ولكن الراحه ومتعة السواقه هي مع BMW وانا لو باشتري سياره الحين اكيد راح تكون BMW

انا معي الآي 7

بصراحة سيارة خياااال مواصفات شكل ( داخلي وخارجي )

مميزة بالشارع لندرتها

إذا تقدر عليها ... فـ لا تفوتها ابداً ...



تعديل حسب ما فهمت من موضوعك ان سيارات الأودي مستخدمة والبي ام جديدة ..

هنا اغير رأيي واقول الجديد ما مثله حتى لو كانت الفئة تختلف .... لأنك ما تدري عن المستخدم الي قبلك ...

ما بدهاش كلام ،، A7 طبعا

زي ما قال اخوي Cruzing رح وجرب ال 530i
وثق تماما انها نفس ال 535i بس تختلف مواصفات الرفاهيه والمحرك

اما بالنسبه للفيس لفت راح يكون نهايه السنه هذا على كلام موظف الشركه
ورح للاودي وجرب ال a7 يكفيك انها قليله في الشارع وبعدين ملفته للنظر خاصه في الليل مع اضائة ال led
وبالتوفيق ان شاء الله

يعجبني الكلآم الي يهدف لفآيدة صرآحة .. تسلم ي الغآلي تعبنآك معنآ ..
لو السي ال اس سعرها شوي ارخص كان اخترتها بس للآسف .. ومساحتها ضيقة احس ..

على العموم هي خيآري الاول .. رآح تكون سودآء اللون .. لأن سيآرتي السآبقة كانت بيضآء .. ورآح يكون عليها بودي كت اس لآين .. م ابي اكرر خطآي الي فآت ..

ولا يهمك ^^

الناغي (الرياض) عنده تجربة للـ 530i حسب ما وصلني

جربها .. اذا عجبتك .. تأكد أن الـ 535i أفضل وأقوى

بشكل عام .. الـ A7 خيار ممتاز كقوة وداخلية ذوق وشكل كلاسيكي مميز خصوصا من الخلف

أمس شفت بيضاء في الليل كان شكلها ملفت وجميل

انا قريت كثير عنها وآراء مواقع متخصصة .. بحاول في أقرب فرصة ألخصها لك هنا

بشكل عام حسب ما يحضرني الآن .. هم قارنوها بالـ BMW 550i GT وكان تفوق البي إم غالبا في المساحة الداخلية وراحة الركوب خصوصا المقاعد الخلفية

أيضا مجلة Car & Driver قالت :

“The A7 is so good that it has already trumped, in a comparo, the V-8-wielding Mercedes-Benz CLS550.”

يقولك انها تفوقت على مرسيدس بنز CLS550 اللي محركها 8 سلندر في احدى المقارنات

^^^^^

ننتظر إنطباعاتك عن السيارتين يا وحش

الفيدوهآت طويلة جدآ .. اختصرها ب التجربة افضل ^^ . مشكور ..




الكلآم هنآ الوكآلة توفر 535 تجربة ؟ .. القلب ميآل لل7 بشكل كبير والله .. الله يعطيك الف عآفية

اي صح .. ادري الـ 7 مو من فئتهم .. بس اقصد .. رآحتها هل مثل ال6 .. لأنك لما تآخذ
سيآرة لمدى طويل تهمك الرآحة كثيرآ ^^ .. يعطيك الف الف عآفية ..



صرآحة كمية المعلومآت الي استفدتهآ منك بهالرد .. الله يجزآك الف الف خير ..
وانا من النآس الي قليل م يركبون معي ركآب .. كان معي اي فآيف قبل .. وكآنوا الي معي
يعآنون من مشكلة السقف وانحنآئة . .بس ال7 شكلهآ اضخم شوي .. حتى مرآتبها اعرض
واريح ..


ان شآء الله بجرب واحكم


ال

اي هنا الكلآم الفيس لفت متى

كشكل أنا ارشح الأودي .. أحلى

ولكن لا تستعجل استخر وضرووووووووري تجرب السيارتين قبل ما تقرر!!

الواحد اذا جاء يقارن ما يقارن زي كذا
اول شي الطريق يختلف
ثاني شي شوف انظمه المجوده في السياره
زي نظام الدينامك ونظام الكواترو

اخوي اذا تحكم على السياره رح للوكاله واطلب قياده للسياره وجربها من كل النواحي تسارع + راحه + ديناميكه قياده

في تجربه للاستاذ حسن كتبي للامبورجيني أفينتادور راسه شوي ويطق في السقف من قساوه التعليق :a1120(86):
الاستون مارتن انعم منها مع انهم كلهم سيارت رياضيه لكن الافينتدور افضل منها
فانا زي ما قلت من اول الواحد لا يحكم على سياره من مقطع او مقطعين
اخوي Borkan اذا تبغى رايي عشان ما تتحسف
روح لاودي وروح لبي ام وجرب السيارتين
واحكم بنفسك
من رايي انا الاودي ال a7 هي الافضل بينهم كلهم
متعت قياده + شكل عصري + اضاءه ليد شي ما تتخيله


وبالتوفيق ان شاء الله

شوف المقطعين ذولي وقول لي وش رايك

http://www.youtube.com/watch?v=W1OJOi9Y9TI

كانت بي ام الفئة الخامسة 535


http://www.youtube.com/watch?v=JtxZOv7KwQo

كانت للاودي ايه 6


نفس الشخص جرب السيارتين اتمنى تعطي لنفسك الوقت وتحلل المقطع بثوانيه وتخبرني ايش لاحظت

ابيك تنتبه لحركة يد الرجال ومسكته وايضا العدادات وصوت المحرك عند التسارع الاقصى

البي إم ياشيخ ولا تفكر

535 توين تيربو
سعرها وكالة 285 ألف

انتظر الفيس لفت يابطل

ما شاء الله تبارك الله معجب جداً بلأودي ورغم كذا ما أمتلكتوها هل من سبب منعكم من أختيارها تفيدنا فيه

أم أنها أيضاً متعة القيادة أكثر في البي أم دبليو


ممكن 520 لأنها أقل فئة لم تشعر بفخامتها أكثر لكن أفضل شخصياً الفئة الخامسة في جمال الداخلية والجودة أيضاً

الملاحظ بشكل كبير بينهم أن داخلية الأودي ناعم وحتى الجلد ناعم ولكن البي أم تحس بقساوة الجلد أكثر والأحساس الرياضي ينبض داخل السيارة

من خلال تجربتك تشوف أن البي أم دبليو أمتع في القيادة

محرك الـ 535i للمعلومية سعته 3.0 لتر وليس 3.5 وقوته 306 أحصنة

والمحرك الجديد رمزه التصنيعي N55 ليس توين توربو .. هو توربو واحد فقط لكن بتقنية Twin Scroll

والهدف من التعديل تقليل تأخر تفاعل التوربو (يسمى Turbo Lag)

التوين توربو هو المحرك القديم ورمزه التصنيعي N54

طبعا هذا المحرك يعتبر رياضي بامتياز وصارخ جدا وله صوت عجيب ممتع ويوفر قدر مدهش من العزم

وبالنسبة للدركسون والتحكم فنحن نتحدث عن سيارة BMW مع ان الدركسون الآن صار كهربائي لكنه لا زال يعطيك احساس ممتاز بالطريق كما هو معروف تاريخيا عن سيارات BMW وهي نقطة تتفوق فيها على الآودي

والـ 535i مميزة عن الفئات الأقل لآن لها شكمانين واحد يمين وواحد يسار (معطيه شكل رياضي من الخلف)

آودي A6 بما أنك بتاخذ 6 سلندر سوبر تشارج فهي بالتأكيد كواترو (دفع رباعي) وهي سيارة مميزة لا شك في ذلك .. لكن شخصيا جربت آودي A6 بمحرك 4 سلندر توربو 177 حصان ولاحظت وجود صوت من تحت (اعتقد احتكاك الكفرات مادري ايش بالضبط) وهذي ملاحظتي عليها .. يمكن الشي هذا غير موجود في الـ6 سلندر مع الكواترو .. بحكم اني جربت أقل نوع وكان دفع أمامي !

والكواترو في الآودي عالم ثاني ويعتبر من أفضل أنظمة الدفع الرباعي في العالم (بالاضافة الى نظام سوبارو للدفع الرباعي)

هل جربت تركبهم كلهم ؟ أعتقد ركوب الـ A7 مختلف عن الـ 535i والـ A6 (راحة الركوب وانخفاض السيارة)

مثلاً A5 Sportback منخفضة بحكم ان فكرتها (كوبيه 4 أبواب) ويلاحظ ذلك عند الدخول والخروج من السيارة

والركاب اللي وراء اذا كانوا طوال بتحك رؤوسهم في السقف ! فتأكد من هذي النقطة في الـ A7 .. انا ما دققت في الـ A7 يوم اشوفها في الوكالة لكن أعتقد ركوبها يختلف عن بقية الفئات

بالنسبة للقيمة عند البيع .. الـ 535i والـ A6 أعتقد والله أعلم أنها مرغوبة أكثر ! بحكم أنها مناسبة لكافة الفئات (شباب - عوائل - ... الخ)

بالنسبة للداخلية .. الآودي مشهورة بروعة داخلياتها والذوق الرفيع فيها .. وهذا شيء واضح في الـ A6 .. وجودة المواد الداخلية ممتازة بشهادة كثير من خبراء السيارات

البي إم دبليو في رأيي أقل شوي .. عندنا في البيت BMW 520i موديل 2013 .. انا اشوف الـ A6 أجمل داخليا

على فكرة .. الثلاث سيارات المذكورة لها نفس التسارع تقريبا من 0 الى 100 ..

535i في 5.7 ثانية (وممكن أسرع من كذا)
A6 سوبر تشارج 6 سلندر في 5.5 ثانية
A7 سوبر تشارج 6 سلندر في 5.6 ثانية

نصيحه الاودي ال a7 افضل شكل من a6 و bmw
اصلا الاودي a7 تتقارن ب 640 جران كوبيه
موب الفئه الخامسه
وعلى فكره البي ام 535i محركها قوته 3.0 توين توربو 300 حصان
الاودي ال a6 محركها 3.0 قوته 310 حصان توين توربو

والدليل

http://www.assayyarat.com/forums/thread262587.html