مكيف السياره و الصيف ( شرح...استفسارات....مشاكل و حلول)

كلام سليم

و عشان كذا تلقى الروتري غالي و اذا خرب غالبا ما يتصلح بسهوله مو زي البستم تقدر توظبه و تستخدمه اكثر من مرة

وهذ الشي معروف في مجال التبريد بصفه عامه ان الروتري كفائته عاليه و لو تلاحظ حتى المكيفات العاديه في البيت (نوع الشباك) في انواع كثيره تسخدم الروتري لان صوته اهدأ بكثير من كمبروسر البستم ...

اما في عالم السيارات و المكانيكه ... فان الحركه الدورانيه(الروتري) اقل حمل و اعلى كفائة و اخفض صوت من الحركة التردديه (البستم)

انا عندي شفر لومينا 95 مكيف بارد بس الهوا الي يطلع خفيف فشو الحل ومشكور

حلو نفترض ان الزيت زايد مايعطيني نفس الاعراض ؟

وبعد بغيت استفسر عن البطل يطلع منه الزيت اذا نفخت البايبات بالمكينة

ولا لازم ابطله واكب اللي فيه ؟

وجزاك الله خير والله يكتب اجرك

يعطيك العافية والله يكثر من امثالك........
وانا اول شي بشيك على التهريب واصلحه.
بس مشكلة الطقة هذه اول مشكلة ظهرت والسيارة تقريبا جديدة وقبل ما آكل المطب وتظهر المشاكل الثانية.
يعني ما كان فيه الا الطقة والثقل في السيارة وخروج هواء حار مع هذه الطقة.
وش ممكن يكون احتمال المشكلة ؟
وللعلم الفريون لا يوجد فيه نقص الى هذه اللحظة.
وشاكر لك اهتمامك وسامحني على تعبك لأني والله محتار فيها لا بالبيد صلحوها ولا الجميح والآن لفيت اغلب الورش عندنا بجدة وكل واحد يقول شي ,غير بلف ,ولف ثرموستات خارجي!
والي يقول ما مرت علينا المشكلة . ::والحمد لله على كل حال::

بعد التحية ايهما احسن كفائة من حيث تبريد السيارة علا السرع الاعتيادية(السلولي) ضاغط الروتري ام البستن حيث سمعت بعض الفنيون يقولون ان البستن افضل علا السرعة الواطئة ووكفائته عالية وان عيبه انه يسبب عند تشغيله حمل علا محرك السيارة اما الروتري فكفائته قليلة علا السرعة الاعتيادية ولكن لايسبب حمل علا محرك السيارة فايهما افضل معا العلم بان اغلب السيارات الحديثة تكون مجهرة بضاغط روتري وان كفائة تبريده جيدة وعند سؤالي الفني اجابني بان الروتري الجديد كبير الحجم ولايتاثر بل سرعة الواطئة للمحرك فما هوا رايكم

العفو


و عليكم السلام
اتوقع عندك مشكلة تانيه بالنسبة لثقل السياره ...احتمال فب تهريب كهرب مع تشغيل المكيف ... او بواجي او اي خلل اخر غير المكيف... الزيت والفريون كويش مابه شي بس شيك على الاشياء الاخرى اللي تسبب ثقل السياره وخاصصه لما تشغل المكيف


انت عندك تهريب من بعد المطب الله اخذته....وتكون الثلج دليل على نقص الفريون

ريحة الاحتراق احتمال من مويه الرديتر تتسرب عندك لداخل الثلاجه عن طريق خط الدفايه واعتقد برضو بسبب المطب....لازم تشيك على التهريب وتتاكد من سلامه الاجزاء اللي تضررت من المطب خاص الاشياء اللي قدام الرديتراات و الثلاجة وكل الوصلات

عمل البلف في دائرة التبريد هو خفض الظغط بطريقه مفاجئه للفريون القادم من رديتر المكيف ويعمل عملية ترذيذ عشان يعطي البرودة للثلاجه و عن طريق المروحه اللي تمرر الهوا عبر مسامات الثلاجه يجيك الهوا بارد

عندي مشكلة في المكيف قبل وبعد الضمان وكتبت مواضيع كثير عنها ولا انحلت...... السيارن aveo2008 والسيارة ثقيلة جدا مع المكيف وصعب امشي فيها.
بداية اول المشكلة كانت اصوات طقة واحدة واذا دعست بنزين زيادة طقة وطول ما دعست او عشقت طقة كأنه المكيف يطفي او يفصل او الكلتش يوقف فجأة ويشتغل لأنه في نتفة قوية في السيارة مع الطقة ويرجع يشتغل فجأة وبالنهار يطلع هواء حار من المكيف في نفس اللحظة الي يفصل فيها, وفي الليل احصل انبوب الفريون عليه طبقات ثلج..........بس بختصر اذا كان أسهل اكتب المشاكل الموجودة حاليا:

1-صوت طقة وفصل مفاجئ كل دقيقتين وفوق و مع زيادة الدعسة يفصل وخروج هواء حار في نفس اللحظة لمدة 3 ثواني ويرجع بارد.
2- طبقات ثلج على انبوب الفريون والبرودة ما قد اشتكيت منها لا في النهار ولا في الليل من اول ما اشتريت السيارة, لكن برودة زايدة.
3-صوت زنة من مروحة المكيف.
4-صوت صرير مثل الصرير الي يجي احيانا بعد قفل المكيف والسيارة وخاصة عند سرعة المروحة الاولى او الثانية بعد اكل مطب...(السيارة طارت عليا وطاحت على الكفرين قدام):smilie20:
5-وجود ماء كثير اسفل السيارة بعد الوقوف دقائق.
6-اهم شي انه صار المكيف بعد ما يشتغل فترة واحطه على مروحة ضعيفة يطلع ريحة احتراق مثل ريحة الكلتشات وبعدها اطفي الكمبروسير 5 دقائق وارجع اشغله.

وبعدين ايش موضوع البلف الي يركب في المكيف والثرموستات.
كل ما اروح لواحد مرة يقول البلف الي يخليه يفصل وسيارتك ما فيها ثرموستات
والثاني البلف حق ضغط الكومبروسير بس ويبغالك توليف ثرموستات خارجية ؟؟؟؟؟
قريت الموضوع الموضوع المثبت عن التبريد بس ما عرفت وظيفة البلف؟

السلام عليكم

اخوي .. بعد ماعرضت عليك مشكلتي سابقا انحلت بعد عمل التالي

نفخ البايبات بالهوا وتفريغ الهواء وتعبئة الزيت من مكان تعبئة الغاز وتعبئة

غاز امريكي اصلي على ضغط 37

الوضع تمام التمام ولله الحمد ولكن !

بعد فترة من القيادة وخاصة اذا كنت امشي شوي شوي يبدأ الهوا يحتر

واكتشفت ان الكمبرسر بعد القيادة فترة مثل ماذكرت يبدأ يفصل ولمن يشبك

احس السيارة تثقل بشكل كبير ويرجع يفصل وعلى هالمنوال !

طبعا بعد اوصل البيت واطفي السيارة يرجع كل شي لوضعه الطبيعي وعلى هالحالة

احب اذكر نوع الزيت اللي استخدمته يمكن توضح الصورة اكثر :











اتمنى القى حل لاني مليت صراحة ان ركبنا مستعمل قلنا هذا المستعمل مافيه خير

وان ركبنا جديد مانفع شنسوي نبيع السيارة وناخذ موتر من الوكالة لين يخترب الكمبرسر

مشكور

،،،،،،،،،،،،،،،،،،،،،،،،،،،،،،،،،،،،

دام ان التبريد كويس لا تشيل هم

الاصوات تطلع من البركرات او السيور او يكون شي مو مثبت مزبوط و يعمل صوت مع تشغيل المكيف لان معدل الاهتزاز يزداد و المكيف شغال
بس لا توسوس كثير و استمتع بالبراد


لازم تصلح المروحه و بعدين شوف وش المشكله ... وما اعتقد انو في مشكله غير هالمروحه

السلام عليكم
أنا سيارتي سوناتا 99
كانت عندي مشكلة قبل وما قصرة معاي بالمساعدة
الحين طلعت مشكلة جديدة وهي قبل فترة سربة السيارة غاز فسألة الوالد أما كانت السيارة معاه عن المشكلة
قال صارة معاه على الكمبروسر الأصلي (الوكالة) فقال غيره بواحد تجاري
وبعدها أنا أخذت السيارة
فقلت أنا ما لي إلى كشف عن مكان التسريب
فأخذت السيارة على الورش يقولو السيارة ما فيها تسريب
رحت على أكثر من واحد ويقول نفس الكلام
بعدين لقيت واحد قال إن الكمبروسر ضغطه ضعيف
يمكن بسبب إنه تجاري
ملاحظة : أكثر من مرة أفتح الكبوت وأكتشف إنه المروحة الصغيرة ما تشتغل إلى إذا
أنا حركتها , مكانها أمام الكمبروسر بضبط .
فأتمنا تساعدني في حل المشكلة
وشكرا

السلام عليكم
سيارتي انفوي 2006
اسمع صوت رنة خفيفة عندما اصل لسرعة 60 اذا كان المكيف داير
اما اذا المكيف مغلق لا اسمع هذا الصوت
مع العلم ان التبريد في السيارة جيد
لكن هذا الصوت شاغل بالي

عساك ذخر

جزاك الله خير ومشكور على جهودك المميزة

صراحة المنتدى مميز وانت زدته تميز وابداع

والحمدلله الله عطاك علم ونفع فيك المسلمين الله يعطيك الصحة والعافية ويكتب اجرك

و عليكم السلام

خلاص الزيت و انحلت مشكلته

من ناحية مستوى البروده اذا في الليل كويس وفي النهار تحسه خاف البروده شوي عن الليل ...عادي لا تشيل هم

اما اذا في الليل و النهار سيئ...روح و زود الفريون... رغم اني اشوف 50 كثير بس يمكن ديزاين البليزر كذا

و احتمال برضو البلف يكون له تاثير لانه يفضل تغيره مع الكمبروسر

السلام عليكم

شوف يامحفوظ السلامة عقب ما سألتك عن زيت الكمبرسر وعن الضغط والغاز الانجليزي

صراحة مارتحت من شغل الورشة اللي اشتغلي بالموتر فرحت افتر اليوم على الورش وكان

سؤالي عن الكمبرسر الجديد يجي فيه دهن من المصنع ولا احط فيه دهن وصراحة كل واحد

يعطيك معلومة حسب مزاجة اللي يقول جيك اذا فيه دهن لااتحط فيه واللي يقول لا مايجي فيه

دهن واللي يقول فيه دهن بس لو تضيفله يكون احسن قلت ماكو الا امر الوكالة ( الخدمة السريعة )

وسألتهم قالي الكمبرسر الجديد فيه دهن من المصنع علشان لا يجيم ومو للاستعمال هذا لازم

تطلعه كله من الكمبرسر وتحط دهن اصلي وراني علبة الدهن لونه سماوي تقريبا

فيوم رجعت البيت بالدوانية خذتنا السوالف وواحد من الشباب سمع السالفة قال انا عندي حل

بدون ماتفك الكمبرسر رحتله البيت وجاب جهاز نفخ هوا وبطل البايب اللي يم البطل ونفخ فيه

لين طلع الزيت قالي كمبرسرك يحتاج 220 مل زيت ولكن حط فيه 205 قال لان البايبات فيهم

شوية زيت فراح احسب حسابي ب 15 مل المهم بعد ماسحب الهواء 30 تحت الصفر وحط الدهن

وحط فيه غاز امريكي وصل الضغط 40 وكل شي تمام التمام ولكن ماهو بارد نفس ما كان قبل يوم

كان الضغط 50 فشرايك باللي سواه من ناحية الزيت ومن ناحية الغاز والضغط واذا عندك نصيحة

ما استغني بارك الله فيك واسف على الاطالة

تنظيف بـ 300 و فلتر بـ300 !!ليش؟؟لا يكون مفهمك انو راح يطلع الفريون

لا يقص عليك ذا تنظيف بـ 50 ريال اذا مو اقل

كل اللي بيسويه يفك الدرج و يطلعه برا وباقي الاشياء تنفك اما كلبسات او مسامير

المهم علمنا وش يصير معك

شكراَ على اهتمامك يالغالي

عندك بخاخ لتنظيف مروحه المكيف

فلما سألتهم قالوا لي المروح اللي تكون بجنب السائق في الدرج

فكانت السياره امام محل قطع الغيار

فذهبت وفتحت الصندوق اللي عند السائق وفتحت كذلك العلبه الغطاء اللي امام السائق

كما ما قد علمتني من قبل الله يحفظك

وناديت صاحب قطع الغيار فلما شافها

قال لي انت سيارتك يبغالها فني يفتحه هذه الاشياء وينظف المروحه

فلما ذهبت بها عن الورش

قالوا لي المروحه داخل الثلاجه او بالقرب من الثلاجه

فقالوا لازم نفتح الثلاجه كلها

وشكراَ لك مره اخرى

وعلى كذا سوف ان شاءالله انظف الثلاجه --

وعلى فكره يالغالي

من ضمن الكهربائيين قال لي واحد

بنظفها ب300 وفلتر 300

فقلت له لاه وانا قد عبيت فلتري 170 واصلي امريكي

قال لي سيارتك يحتاجها = ونطق شيء بالانجليزي

حسسني انها يبغالها مثلاَ فلترين او يبغالها مساحه فلترين

ممكن يكون كذا ؟؟؟

لأني بصراحه ما اهتميت ما دام عرفت انها شغله طويله عريضه

ولم يكن لدي خلفية انه ممكن الثلاجه تساعد على التنظيف او ممكن انها تتنظف

الا بعد ما اخبرتني يالغالي

شكراَ شكراَ لك

اكيد المكيف مع الفلتر افضل انت مو متخيل حجم والغبار و الاوساخ اللي تتراكم ع الثلاجه في جونا هذا ....

تنظيف الثلاجه افضل شي ينغسل بالمويه بس هذا صعب تسويه في السياره لان المكان ضيق فيتنظف بالهوا المظغوط

طيب وكيل متسوبيشي وش قصده بالمروحة ... هل يقصد ان فيه مروحتين و حدة تنظف و الثانية تعطي هوا لداخل السياره؟؟؟؟ اذا كذا اوكي


اما اذا كان قصدهم انها نفس المروححة فهذي جديدة مو داخلة مزاجي و ياليت تخليهم يشرحون لنا كيف ؟؟؟

باجيرو.

شكرا لك