احترت بين ثلاث سيارات دفع رباعي ومحتاج اسمع شوركم

ماشاء الله .. الله يطعمك من خيره ويكفيك شره

بالنسبه للتضليل .. انصحك تشوف شركه اخرى

سعرهم غالي .. شف ثري ام

شف وأن أخوك شراء الفكسار موب خسارة حتى بتبيعة بعد سنة سعره فيه

[SIZE=5]الله يبارك في عمرك ويجزاك خير ويرزقك بالحلال الطيب اللي في بالك اخوي صالح ...

بخصوص التضليله انا مابعد رحت الا لفي كوول اللي عندنا في الدمام شارع الملك سعود ... بس مع البحث لقيت ان بعض الناس يحذر من التضليله يقول انها تؤثر على نظام الملاحه في السياره لأن التضليله تسوي عزل لداخل السياره ولاني داري الكلام هذا صحيح والا لا ... مع اني اشك انه يكون كلام صحيح ...على كل حال اتمنى اذا كان فيه احد يقدر يدلني على محل تضليل وحمايه للسياره في المنطقه الشرقيه (الدمام/الخبر/الجبيل) يتفضل بذكر اسم وموقع المحل مشكورا ... وهل السعر تشوفون انه مرتفع مقارنة بالخدمه المقدمّه من مركز في كوول ...؟[/SIZE]

مبروك السياره والله يعطيك خيرها ويكفيك شرها
وخيار موفق ان شاء الله
الفي كول سعر الشفاف مرتفع عندهم اقترح عليك تشوف اكثر من محل قبل التضليل
بالتوفيق

أبشّركم استقرّ الراي عاليوكون الطويل دبل وخلصنا مع الجميح ... ادعولنا بالبركه يا اخوان الله يرزقنا واياكم من واسع فضله ..

والان شرايكم يا اخوان ... انا ناوي اضلل زجاج السياره ... لقيت عرض عند v kool يكلفني 6700 ريال تقريبا .. يشمل :

1- تضليل شفاف كامل زجاج السياره .
2- حماية المقاعد والارضيات والابواب والطبلون وربلات الابواب.
3- رشة حمايه من الصداء اسفل السياره .
4- فيلم حمايه لمقدمة السياره .

اخوي عن تجربة عندنا جكسار فل 2012

سيارة كتجهيزات ترفيهية من شاشات و غيرها فهي من النوع الرديئ و سبق و تطرقت لها بموضوعي هنا

لأنها تركيب عبداللطيف جميل

لذا دامك محتار و اساسا استغرب كيف تحتار ما بين الجكسار و الفكسار اكييد فكسار طبعا

و للعلم الفكسار ما يميزه انه شد بلد سواء بالشاشات او الكشافات و غيرها :xyxthumbs:

لذا في كل الاحوال كنسل الجكسار



تقصد الاولى جي اكس :bigggrin:

السلام عليكم
الاخوان ماقصرو والجي اكس محركها يفرق عن الجي اكس
الفي اكس ٤.٦ ثمان اسطوانات يولد ٣١٠ حصان والفي اكس ٥.٧ يولد ٣٧٥ حصان
ونصيحة اذا منت مستعجل لا تشتريالان لسببين
١ - الين نزل اكثر من ٢٥٪ خلال الاربع اشهر الاخيره ومن المفترض ان تنزل اسعار اليابانيه بنسبه لاتقل عم ١٥٪ من اسعارها الحاليه خاصه المصنعة باليابان مثل اللاند
٢- اليوكن والتاهو راح يتغير شكلهم خلال هذا العام كموديل ٢٠١٤
حسن جميل موزع لعبداللطيف جميل ولا توجد بينهم اي صله قرابه سوى تشابه الاسم
في الختام انصحك بالاستخاره
بالتوفيق

اليوكن لو خذيته كلها كم شهر ويتغير انصحك في اكس ار او تنتظر الين ماينزل اليوكن 2014

وللمعلومية :

مكينة الدينالي

بنفس قوة مكينة الرابتور

الفرق 8 أحصنة فقط يعني مافيه فرق كبير .

يعني لو قابلت واحد معه رابتور يمديك تسبقه .

وهذي صورة للرابتور

عليكم السلام

تقصد الدينالي ؟؟

انا انصحك تأخذ دينالي XL محرك قوي جدا

V8 , 6.2 بقوة 403 حصان

أقوى من الفكسار والجكسار

والموتر فخم جدا

ماراح تندم عليه ان شاء الله

الله يعطيكم العافيه ويجمّل حالكم ... مشكورين وما قصّرتوا كلامكم طيّب واطيب من الطيب ... [COLOR=Blue]لكن ودّي احد ينورني بالفرق اللي بين وكالة عبداللطيف جميل وبين حسن جميل ... هل فيه فرق بين الوكالتين .. من ناحية جودة المواصفات والصيانه ...؟[/COLOR]

رحت لعبداللطيف انشده عن الجي اكس ار وعن الفي اكس ار قال لي الجي اكس 8 سلندر يطلع عليك ب [COLOR=Blue]220 وعليها كسور شامل الاستماره واللوحات والفي اكس ار ب 289 الف تقريبا ...[/COLOR]

حسن جميل لقيت الفي اكس ار عنده [COLOR=Green]276 الف شامل الاستماره واللوحات ولقيت الجي اكس ار عنده 215 الف ....[/COLOR]

قلت لايكون عيال عبداللطيف واحد يرفع والثاني يكبس .... يا ولد خلني انشد هل الخبره وجيتكم على اولي (يعني على طول) ...

انا على فكره ماني راعي طلعات برّ واجد ... واذا طلعت للبرّ مابعد عن الزفلت لان سيارتي اللي معي سوبربان 2003 عادي ...

اليوكون الطويل الفلّ شفته عند التوكيلات صراحه السياره رائعه جدا سعر الدبل ب 214 الف شامل اللوحات والاستماره ومن دون دبل تقريبا ب 204 ...

صراحه انا صرت مثل اللي عين هنا وعين هناك والعقل والقلب بينهم مختلفين ... العقل
يقول لا تحيد عن الفي اكس [SIZE=4]ار والقلب يقول من فات قديمه تاه يا راعي الجمس الله لايضيّق علينا ....


[/SIZE]

والله ياطويل العمر ماعندي ابد اي خلفية عن سيارات تويوتا سوا الاف جي

ولكن بالنسبة لليوكن الطويل فهي سيارة ممتازة ولكن في البر مو بذاك الاداء و كلامي عن اليوكن او التاهو الطويل

عدا ذلك الموتر يطيب خاطرك راسي بالخطوط وفيه راحه منت بلاقيها في اي موتر


ولكن في خيار افضل منه

وهو التاهو Z71 وهو مخصص للطرق الوعرة وبعتقادي انه اقوى من جميع الي ذكرته طال عمرك

والخيار يرجع لك

هذا والله اعلم , موفق بإذن الله

اوافقك

بالإضافة فرق السعر ما بين الفكس ار واليوكن قريب من النصف

من وجهت نظري يوكن LTZ

اكثر من رائع

اذا انت راعي بر خذ جيب ..

اذا انت استخدامك ديره + تدخل البر اوقات الشتاء طلعات خفيفه + سفر

خذ يوكن دبل وباقي الفلوس وفرها .. وافضل لك من الجيب بالديره واريح لك ..

لايوجد بها مشاكل .. كلها ممتازه .. والعيوب لابد منها مافيه شي مافيه عيب