أيهما أفضل FJ - DURANGO

احس السيارتين ماتتقارن ، الاف جي سيارة رمل وبر ، اما الدورانجو سيارة مدينة . وبصراحة سمعة وكيل الدودج سيئة ، على كلام الي يملكوا سيارات دودج .

أشكر كل من أدلى برأيه هنا


فقد صرفت النظر عن الـ fj

وقررت إنتظار دورانجو 2014



وربنا يكتب لي مافيه الخير

اليوم مريت فرع توكيلات الجزيرة جيزان


الاكسبديشن ستاندرد بدون دبل 115 الف

دبل 132 الف



فرق كبير


ومع ذلك بدبل بون ازرار تحكم في الدركسون

بدون حساسات خلفية


حسيت سعره اهبل شوي



شكلي بنتظر دورانجو 2014 بس اخاف يجي بسعر شااااااااااااطح

كلامك منطقي


بس أنا حسب فلوسي طبعاً وودي بسيارة مريحة وتشيل أكثر من خمسة أشخاص + تتحمل رمال و جبال

^
^
^


دبل

زي ماهو باين

awd >>> دفع رباعي مستمر


والثاني low >>>> دفع رباعي خفيف

اخواني عندي سؤال بعد اذن صاحب الموضوع ..

الفرار اللي تحت القير هذا حق ايش؟

مقارنة غيرعادلة!

إما ثبت الاف جي وقارنها مع ماثيلاتها ( حياة الشقاء) جيب رانجلر ونيسان إكستيرا وهمر 3

أو ثبت الدورانجو وقارنها بمثيلاتها ( عائلية دفع رباعي ) تويوتا برادو وفورد إكسبلورر ونيسان باثفايندر وشفر بليزر

اول شيء الله يكتب لك الي فيه الخير وانا اخوك..
ثاني شيء من الاخيرر اذا انت راعي بر ومكشاات ف انصحك تاخذ الاف جي من دون تفكير لانه تصميمه واستخدامه في البر اكثر من المدينة , واذا انت مايهمك هالامور وتبي سيارة راسية ومريحة ف الدوارنجو افضل لك , الله يكتب لك الي فيه الخير..

معلومة توضيحية للاخوان الي يقولون الوكيل تحسن ومن هالكلام !

احب اقولكم انا شخصيا متعامل معهم طالبين كرايسلر 2013 ومرت اربع ايام ولم توفر السيارة والسبب عدم توفرها بالرياض وتطلبها طلبية وبعدين تجيك ,وهذا عيب الشركة والي للاسف ماتعدل ولا اتوقع راح يتغير نظامهم وواحد من الشباب طالب تشارجر برضو نفس الكلام الي حصل لي صار معه لكن بالتوفيق إن شاء الله ..

الايدج احس انه تورس على شكل كروس اوفر


5 مقاعد وصغير

صحيح ان الاف جي 5 مقاعد لكن ارتفاعه عن الارض وقوته في البر هو خلاني انظر اليه

انصحك بالايدج sel عليه عرض الحين
عملي وكيل ممتاز تكنلوجيا



اما اذا كنت محتار بين الافجي والدوج انصحك بالدورانجو 2014

^
^اكيد بيكون عملي 8 تعشيقات والقير كهربائي من شركة ZF الألمانية ,, اصدر اولا بفئة الـ V6 حتى يتلافوا جميع العيوب
واي شخص لاحظ عليه ملاحظات يراجع الوكيل ويعمل تحديثات للقير من الشركة الأم


اتوقع نجاح للدورانجو واللتشاجر 2014 و الكرايسلر 300 وبفئات الهيمي والهيمي SRT اذا نزل عليهم
القير الحالي 5 تعشيقات وحسب ما قرأت انه نفس قير المرسيدس الموديلات السابقة

على فكرة

الدورانجو 2014 القير بيكون زي الرام


فرار


كما في الصورة




بس ما ادري في كل الفئات او فئة واحدة

وهل هو عملي . ؟؟

والله الوالد طلع سياره من عندهم ولا اشتكى من الوكيل المتحده كانت تشارجر ويقول تعاملهم حلو ووصلوا السياره الين بيتنا وكل فتره وفتره يسالون لو نبغى نجرب سياره جديده من عندهم وواحد ثاني طلع جراند شيروكي ولا قد قال عنه اي مشكله كلها 2012
الكلام عن الوكيل وسوء معاملته كان اول لان واحد طلع كلزلر 2008 ماكمل شهر وباعها ويسب في الوكيل لاكن اللحين مع السيارات الجديده ماقد سمعنا شيء وشوف كيف الدورانقو القديم الشكل مو ذا ولا الي قبله الي قبلهم تقريبا 2000 للحين في الشوارع موجوده

ياليل البعارين



شوفوا على حظ

الـ fj بيتوقف انتاجه 2014


المصدر

http://www.fjc-mag.com/latest-news/is-the-end-in-sight

http://fleet.toyota.com/availability.asp

ليه كذا بس ؟

^^

نفس الكلام سمعته عنها

بسبب كثرت الشكاوي المطروحة لوزارة التجارة

وانا عن نفسي اشتكيتهم .

مشكلة سيارات دوج بصفه عامه بالسعودية اهي وكيلها
ولي يخلينا نتفائل ان اكثر من شخص يقول ان المتحده تغير تعاملها
وتغير ادائها وبدت تفتح فروع وقطع غيارها انخفضت وصارت متوفره

ياليت اصحاب سيارات شركة دوج يأكدوا لنا هالمعلومه

صراحة زادت حيرتي


في مكشات يمدحوا الـ fj


وهنا الدورانجو




وكلامهم هناك مقنع من ناحية fj

وكلامكم برضو مقنع من ناحية الدورانجو


يارب إهدني لما فيه الخير