انا عن نفسي ارشح المازدا بصراحة سيارة يابانية ممتازة رساوتها حلووة وعزمها مع مكينة skyactive ماشالله ممتاز خاصة فئة الفل اوبشن منها والانوار النهارية حلوة وارشحها علا الازيرا ذات المحرك الضعيف
الماليبو افضل بمراحل والسته سلندر عزمها ممتاز وتسارعها قوي
والعزل والرساوه هي الافضل في فئتها وخاصة الفئة الفاخره قيمتها الان ١٠٥ الف
عيبها : المقعد الخلفي حق اشخاص وزنهم من ٨٠ وتحت يعني ضيق شوي
والسبب انهم كبروا الشنطه والمقدمه شوي
العيب الثاني تشرب بنزين اكثر من المازدا والازيرا بحكم تجربتي
لكن البنزين رخيص عندنا مافي مشكله ..
المازدا تصميم خارجي رائع ،، لكن اداءها والعزل اقل من الماليبو
ارجع الي مديلات تحت 2007
بتلاقي الهوندا وتويوتا. بافضل حاله
لكن اين مازدا ؟؟؟
بشوارعنا. بهذي المديلات مع انه بهذا المديل انتشرت كثيير
بحكم التصميم الرياضي الحلو
ومازالت تتصدر بالتصميم لا اكثر
لكن لا يعني ان المازدا محركها ضعيف، بالعكس محركها من أقوى المحركات في فئتها، عن تجربة غطت على الكامري والأكورد والألتيما اللي بنفس الموديل، بالإضافة إلى الاستهلاك القليل
غير هالاشية أنظمة السلامة والمميزات كثيرة، منها النقطة العمياء المتطور واللي يراقب السيارات من الخلف على بعد يصل إلى 50 متر، نظام مثبت السرعة بالرادار مع ميزة التوقف الاضطراري عند اللزوم حتى وانت مو مشغل الرادار، نظام التنبيه عن الخروج عن المسار، 11 سماعة من نوع Bose مع نظام ملاحة و DVD ، جنوط مقاس 19 إنش تعطي شكل جميل، أنوار امامية متكيفة وتلف مع المقود والزينون عالي وواطي مع ميزة High Beam Control اللي تشغل لك العالي اوتوماتيك في حال ان مافي سيارة قدامك او مقابلة لك، أضواء LED نهارية، نظام تحذير بالإشارات الجانبية في حال ان سيارة مسرعة وراك وانت واقف، ونظام التحذير بالإشارات الجانبية في حال التوقف المفاجئ من سرعة 50 كيلومتر في الساعة فما فوق، الثبات عند المنعطفات مذهل جداً عن تجربة شخصية، والأهم انها يابانية وماتنصنع برى اليابان
ما انصح بالماليبو لانها موب امريكية فعلا اتوقع يجمعونها في الصين او كوريا منب متأكد.المازدا فيها تقنيات رائعة ما تلقاها بفئتها ومختلفة بأشياء كثير عن الباقي.مثال الشاصي اخف واقوى.في نفس الوقت ثابته في السرعات العالية المحرك تقنيته جديده ومختلفه هاديء بالنسبة لباقي المحركات بنفس الفئة القير سلس اكثر في التغيير<<لكن "سمعت"<<<بان (المازدا عموما) حساس للأمانه فما ينفع تدعس وتفرمل بقوة وتدعس وتفرمل بقوة وتلعن شكله،في الاخير السيارة يابانية جودتها ممتازة استخدام خمس سنوات بالراحه قد ما تنتبه لها راح تريحك لا خرابات ولا هم يحزنون،في نفس الوقت الازيرا افضل من باقي سيارات الهونداي من ناحية الرساوة والعزل والتجهيزات ولكن مبالغ في سعرها وجودة الكوري عموما موب مثل الياباني.الاكورد تصنع في امريكا والامريكي عموما ما يصلح لجونا الا ما ندر الفيوجن ما اعجبتني صراحة صغيره وما ادري وين تصنع الخ..وبالتوفيق.
بصراحه انا ما اعرف الماليبو كثيرا ً ولكن مجرد فكرة انها كوريه بنكهه امريكيه
تجعلني لا ارشحها ..ناهيك عن اني اقلق كثيرا ًحيال شركة شيفرولية
و ارى دائما ً ان جودة شفرولية سيئه من حكم تجارب اصدقائي ..
و أن خذيت امريكي لا تـاخذ إلا فـوورد
أما المازدا مابي أزكيها ولكن انا رشحتها ..و ايضا ً ترى انا خلاص شريتها وبعد ثلاث ايام استلمها ان شاء الله
.. والله يوفقـك وييسر لك امرك ويقدم لك ما فيه الخير
أولاً الله يبارك لك مقدماً ولا تنسى الإستخارة قبل كل شيء
ثانياً لو كانت الماليبو أمريكي كان نصحتك بها، ولكن مكينة أمريكي
والباقي شوربة ما أنصحك :)
وأخيراً أقترح عليك المازدا لتجربتي لها 4 سنوات، وكثير من أصحابي وأقاربي جربوها
بحمد الله كلهم يقولوا ممتازة لكن أغلبهم جربوا الجيوب CX-9 و CX-7 ومؤخراً
أخوي الصغير أخذ CX-5
ولا يغرك أنها 4 سلندر فمع تقنية SKYACTIV المحرك يعطيك ما شاء الله تسارع ممتاز وقوة مميزة.
أغلب الناس اللي ما جربوها يرددوا كلام بعض الحاقدين فمرة يقولوا وكيل تعبان ومره مازدا فاسدة :) وكله كلام غير واقعي، لأني جربت عملي وكنت خائف في البداية ولكن
وجدت سيارة ما شاء الله رائعة ووكيل ممتاز.
إذا ما رغبت في المازدا وتبغى سيارة أعلى الأزيرا ستكون خيار أفضل من الماليبو
وأقوى من الكل من ناحية المحرك والمزايا.
والله ماانصحك بالكوري ابدا ابدا خذلك كامري فل كامل ولاتاخذ سياره كوريه لحد الان ماتطورت السيارات الكوريه بس شكل خارجي وداخلي اما جوده وامان وعزل هواء ورساوه مافي وتتهربد بسرعه وحرام عليها 120 الف على كوري حراااام
جربت الماليبو وكانت جدا ضيقة من الخلف
المازدا تهاوشت مع مندوبي المبيعات عشان اشغل السيارة بالمعرض بس ومنعوني اني اخذ المفتاح
قلتلهم ان شاء الله تكون خيرة اني مااشتري سيارة من عندكم
طلعت من عندهم وعلى الوعلان
ركبت الازيرا ومابغيت انزل هههه
موتر بمواصفات ورحابة وسعر ممتاز
نويت على الفل كامل ان شاء الله وبانتظر ٢٠١٤ تنزل عندهم
