زر لوك موجود في السورينتو وحسب ماهو مذكور في الكتالوج عند التشغيل يكون توزيع القوة 50/50 من 0 الى 30 كيو وبعدها يصبح توزيع القوى اوتو ايش فايدته بالضبط
أخوي حسب ما هو موضح عندك بالكتلوج
سيارات الكروس أوفر ذات الدفع الرباعي المستمر ليست قوة الدفع بالأمام والخلف متساوية طوال الوقت بعض السيارات تكون بالخلف أعلى من الأمام وبعضها العكس لازم تقرى كتلوج موترك علشان تعرف
وبالعادة سيارات الكروس أوفر يكون بالأمام أعلى من الخلف لكن مو دايم
نرجع لموضوع زر LOCK
هو قفل وسطي وليس دفلوك
أختصار لكلمة lock center differential
أما الدفولك أسمه difflock أخصار لكلمة differential lock
بحيث يجبر الدفع أنه يكون متساوي مابين الأمام والخلف 50% امام و50% خلف وهذا فايدته أنه بالطرق الزلقة الي فيها ماء أو أوقات أمطار يكون فيه تماسك أكثر لكن مايصلح تمشي عليه على طول لأنه يتعب الموتر بالاخص باليوتيرن فهو يستخدم وقت الحاجة فقط ووقت دخول الطرق الوعرة الخفيفة لكن مو معناه أنه بيطلعك من التغريزات وغيره لأن هذي المواتر مافيها دبل ثقيل بالاساس
وبالعادة القفل الوسطي يمشي حدة سرعة معينة حسب طريقة تصميم نظام الدفع للسيارات يعني هو يكون بالكثير مابين 80-100 كيلومتر/ساعة (أتكلم عن سيارات الدفع الرباعي المستمر الي فيها دبل زي اللاند والباترول وغيرهم ألخ)وهنا لازم تقرى كتلوج موترك تشوف أقصى سرعة كم يقدر يمشي عليها
وأذا كان يمشي بالزر LOCK إلى سرعة 30 كيلومتر/ساعة فهذا شوي مرة تأكد مرة ثانية بالكتلوج
زر لوك موجود في السورينتو وحسب ماهو مذكور في الكتالوج عند التشغيل يكون توزيع القوة 50/50 من 0 الى 30 كيو وبعدها يصبح توزيع القوى اوتو ايش فايدته بالضبط
