الموضوع واضح من العنوان ,, تجربتي للفورد فوكس 2012
إشتريت السياره مع عروض العام الماضي لفورد فوكس 2012 كان سعر الستاندرد 53 ألف قير أوتو .. العادي ب 50 ألف
شدني في السياره رخص السعر مع متانة التصنيع وجودة الداخليه والخارجيه .. يعني لما تمسك الباب فيه ثقل خلاف منافسيها بمرااااحل تحس الباب مصبوب سمنت :bigggrin: ما شاء الله تبارك الله ,, ولا ننسى إنها تقنية ومواصفات ألمانيه !!
المنافسين : تويوتا كورولا (لا يكثر !!:a1120(82):) , كيا سيراتو , هونداي إلانترا , هوندا سيتي أو سيفيك , شفروليه كروز, نيسان صني , فولكس فاقن جيتا, وسيارات أخرى
سبب إختيار الفوكس هو السعر التنافسي والجودة مع توفر مواصفات أمان لا تقارن مع منافسيها (أمريكي وكوري وياباني فقط .. الأوروبي معروف من ناحية مواصفات الأمان)
طبعا شريت الاستاندر لعدم حاجتي لجميع المواصفات بسبب وجود سياره أخرى عائلية .. وهذي أخذتها للمشاوير والكرف
السيارة من الخارج :
من أروع السيارات (من وجهة نظري) من ناحية الشكل الخارجي بالذات الهاتش باك ,, قد يكون الهونداي إلانترا والكيا سيراتو 2014 متقاربه من ناحية الشكل الخارجي فقط
السيارة من الداخل:
رائعة .. مريحة .. متينه .. الخامات ممتازه .. أكثر شي عجبني هو مسجلها ,, صراحه لو مافي السياره غير مسجلها أنا بكون راضي لأنه سريع الإستجابه, الصوت عااالي جدا , وواااضح , وسهل التعامل والتشغيل مع وجود فتحة usb
لكن عيبه مافيه زر mute لازم تقفل المسجل أو تخفض الصوت بيدك
العيب الثاني هو زر قفل الباب .. اذا قفلت الابواب بالزر اول ما تفك الباب من الداخل ينفتح .. يعني بالله وش فايدته ؟؟!! لا قدر الله فتح الطفل الباب من الداخل ما راح يفيده انك مقفل الابواو بالزر .. راح ينفتح معه ,, راح تقولي في زر عند الباب يمنع فتح الباب من الداخل .. اقولك ايوه بس ترا بتنحرج اذا ركب خويك ولا رجال او شخص كبير يعني .. وجربتها, موقف جدا بايخ تنزل وتفتح له الباب :rolleyes1:
العيب الثالث هو ضيق الكراسي الخلفيه جدا .. لكن الأمامية بحررر ما شاء الله
العيب الرابع مافي مكان للنظارات !! (فئة الاستاندر)
المكينة:
المكينة ممتازه حقيقه .. سريعة الإستجابه ونشيطه جدا
الجيربوكس:
هنا الكلام بيطوووول ويطوووول ويطوووووول :a1120(121):
السياره مزوده بقير ثنائي الكلتش يعني فيها كلتشين (dualcluch)
النوع هذا من الجيربوكسات موجود فقط في السيارات الأداء العالي والغاليه بورشات وفراري ولامبرقيني .. الخ
فكرته باختصار شديييد الكلتش الأول يتحكم في القير 1,3,5 ... والكلتش الثاني يتحكم في القير 2,4,6 (السياره سته نمر)
الكلتش الأول يعشق القير1 .. في نفس الوقت الكلتش الثاني يكون عشق القير2 وجاهز للتبديل .. بحيث أول ماينتهي القير1 يكون التبديل في اقل من الجزء من الثانيه للقير الثاني ... وهكذا
النتيجه سرعه عالية في التغيير وأداء رياضي أفضل .. طبعا عمر اطول للقير باذن الله مع قطع أقل وبالتالي وزن أقل وأرخص في التصنيع
صراحه من وجهة نظري مدري ليه حاطينه في الفوكس,, يعني السياره مكينتها عاديه جدا لا اداء رياضي ولا يحزنون .. يعني هياااط فقط من فورد !!
القير من هذا النوع في السواقه مختلف عن القير التقليدي يحتاج إلى تعود وومارسه .. لأن بالطريقه الخاطئة بتنتع مع السياره وشكلك يصير بايخ خخخخ
أشبهها كثيير بالشخص اللي ماتعود يسوق عادي ... نفس الاحساس ,, لكن بالتعود بيضبط معك
الكثير يحسبه عيب مصنعي ولا عطل في القير .. لا يا جماعة الخير الأصوات والتنتيع والخضخضه .. الخ ,, كلها طبيعية جدا مع النوع ذا من الجيربوكسات
عيوبه : يتعب شويه في السواقه داخل المدن (في البدايه طبعا) تحس السياره تبغا تهج ماتبغى الوقوف المتكرر والزحمه والسرعات البطيئة ,, تحس الموتر يبغا يطيييير !!:a120(115): ,, طبعا مع الاستعمال اليومي راح تتعود
مميزاته : خووورااافي في التبديل على سرعات عاليه .. يعني التجاوز والغرز والقياده الجنونيه كذا :xyxthumbs: .. اقسم بالله ما ودك الدايري يخلص ههههههه
كذا انتهينا من الجيربوكس اللي هو اكثر شيء اشتكت منه الناس وأكثر شي مشوه سمعة الفوكس 2012
طبعا اعيد واقول .. سيارات ذات الكلتشين لها طريقه معينه في السواقه تضبط معك مع الاستعمال اليومي .. بالضبط مثل القير العادي ,, اول مره راح تجيب العيد بعدين تمشي رجولك على الجير ..
ايضا فيها تبترونك .. ووضع رياضي S ... كلها ممتازه لكن عيب التبترونك مايخليك تحرق هو يبدل لما يوصل الRPM لمستوى معيد .. يعني وش فايدته ؟؟!!!
الأمان :
السياره رااااسيه جدا بسم الله ما شاء الله ... أنا من المدينة أخذتها كم مره لجدة .. في الخط السرعه ما تقل عن 180 الا طبعا عند اماكن تواجد ساهر (من كثرة السفر حفظتها!!) .. مشيت 210 كثير ,, ما شاء الله تقل BMW !!
بس العزل ماهو ذاك الشي ...
السياره فيها مانع انزلاق وفرامل ABS وانذار عند نزول الثلج (مدري وش فايدته)
واكياس هواء أمامية وجانبيه .. يعني في الأمان خذ وأنت مغمض ,, والأمان بيد الله عز وجل سبحانه أولا وأخيرا
الوكيل : خله يرقد !!! الله يخلي الورش !!:a1120(82):
بنزينها 95 ... وسلامتكم :xyxwave:
