كم شغل يد تغيير المساعدات ؟ وهل أحتاج لوزن الأذرعه والمقصات بعد تغيير المساعدات ؟

إذا شغلة وسوسة فلا داعي لإهدار المال.
و تأجيل تغيير المساعدات لن يؤدي إلى مضاعفات حتى و إن كانت تالفة , فما بالك لو هي سليمة.
لا داعي للتغيير. افحص تسرب الزيت على جوانب المساعدات أولاً. و ثانيًا اضغط بيدك على كبوت السيارة (و على الشنطة كذلك لكي تختبر الخلفية).. الصحيح هو أن السيارة بعد توقف قوة يدك أنها تنزل مرة لتحت و مرة لأعلى.

إذا لاحظت خلاف ذلك يعني استمرار الاهتزاز فهنا تكون امساعدات خلص زيتها أو فيها كسر. لأن وظيفتها تخميد اهتزاز اليايات و ليس وظيفتها ارتكاز وزن السيارة عليها كما يعتقد البعض. أصلاً اسمها بالمصطلح الميكانيكي العربي: المخمِّدات , أو: ماص الصدمات , و المقصود بالصدمات الحفر أو المطبات المؤدية إلى اهتزاز السيارة لأعلى و لأسفل , , تقوم المساعد بإنهاء الهز المستمر.

أيضًا لو لاحظت عدم انتظام لليمين عن اليسار في اختبارك هذا , فيعني أن الذي ينزل أكثر هو التالف و هنا نقول غير الاثنين علشان يكون توازن في امتصاص الصدمات.

ليش بتغير مساعدات؟ إذا سليمة و ما سربت زيت فأين المشكلة؟ أنت لا تعتبرها قطع استهلاكية لها فترة معينة.. هي على حسب القيادة و الحفر و ممكن تقعد مع 10 سنوات إذا انتبهت للشارع صح.

المساعدات الأمامية أجرة تركيبها أكثر من الخلفية خصوصًا سيارات الدفع الأمامي. لازم فك الكفر بعدين الهو بعدين طرق الفلنجة بالشاكوش علشان تطلع من المساعد.. يعني شغلانة. زي ما قالوا لك الشباب: الزوج بـ 200 ريال بالكثير. و ما فيها شيء يخوف و ما يقربون على وزن الأذرعة. و بعدين الأذرعة شغلتها بسيطة جدًّا و شغل المساعدات يعتبر أصعب منها :smile:

الخلفية سهلة ينفك ,, فقط يُفك المساعد لحاله و يتركب الجديد.. حتى بدون فك الكفر! شغلة 10 دقايق للجهتين حسب ما شفت بسيارتي.

تغير المساعدات 100-150 ريال بالنسبة للورش العادية ( بناشر - صناعية ) للزوج

عند الورش المعتدمة 200-400 ريال للزوج

الميزان اذا صار لك اكثر من 6 شهور يفضل عمل ميزان خاصة اذا الكفرات جيدة

مر على الموازين الالكترونية المراكز الضخمه في صناعية الأمير سلمان

سعرهم بيكون اقل من الورش العادية بكثير

انت خذلك فره على كم ميزان وشوف السعر الأقل وترا كلهم نفس الجودة تقريبا

المجد العضيب اليرموك البلاد

أنا بغير كل المساعدات يعني 4 مساعدات .. ونوع السياره : [SIZE=3]هوندا أكورد 2006
ويمكن أغير ربلات المساعدات و ربلات كراسي المساعدات
[/SIZE]
[SIZE=3]ربلات المساعدات الأماميه :

[/SIZE][SIZE=3][SIZE=3]4 ربلات .. القطعه رقم 6
2 ربله كرسي مساعدات .. القطعه رقم 10
2 ربله .. القطعه رقم 14
[/SIZE]

أما بالنسبه ربلات المساعدات الخلفيه :


4 ربلات .. القطعه رقم 2
2 ربله .. القطعه رقم 10
2 ربله .. القطعه رقم 15

يعني كم تتوقع شغل يد تغيير المساعدات فقط ؟
وكم تتوقع شغل يد تغيير مساعدات + ربلات مساعدات ؟

و مشكور والله يجزاك خير والله يعطيك الف عافيه على الرد والإفاده[/SIZE]



مشكور والله يجزاك خير والله يعطيك الف عافيه على الرد والإفاده

ياليت والله لو أقدر أصلحها بنفسي لأني أستمتع وأنا أشتغل بالسياره وأستغل وقت فراغي بشيء مفيد .. و سبق أن ركبت كتاوت بنفسي وسويت تسليك مع تركيب قاعدة فيوز إضافيه والخ... ؛ وشغل نظيف أحسن وأضمن من الكهربائيين والورشات

بس المشكله :

1) بايكة السيارات في بيتنا ما يدخلها إلا الجيوب الرفيعه عشان ما تحك .. وسيارتي صغيره يعني ما أقدر أدخلها بالبيت

2) قدام بيتنا دحديره + الواحد ما ياخذ راحته وهو يشتغل بالسياره بالشارع + و ما عندي مساحه أخذ فيها راحتي وأنا أشتغل بالسياره

3) ما أعرف أفك المرتبه الخلفيه وأخاف أخربها

4) ما عندي القطعه اللي تضغط اليايات السست

5) ما عمري غيرت المساعدات وأخاف أخربها


آآآخ بس ياليت أقدر أدخل سيارتي بالبيت لكن الشكوى لله تصميم مدخل السيارات في بيتنا .. مصمم للوانيتات والجيوب الرفيعه .. يعني تصميم المدخل قديم شوي

مثل ما تفضل اخوي علي
ما لها دخل بالوزن .. فك وركب بسسسس

http://www.youtube.com/watch?v=pdnIWSsZblo

اتمنى تستفيد من المقطع ولو ودك تصلحها بنفسك ترى الاخوة ما يقصروون بالشروح

......
موفق بإذن الله