E400 Or 350 AMG السيدان ام الكوب الشكل الجديد

بالنسبة لي e350 + كت amg

بالنسبه لي افضل السيدان.. وبالنسبه للحجم اختار e400 بدون اي شك لانها اقوى عزم!

ماقصرت ربي يحفظك

،،

كنت في الوكاله وروحتي كلها لـ E300 مع كت AMG طبعاً اخر موديل 2014
سعرها قالي 260 وقالي لو موظف حكومه او ارامكو لك تخفيض 7٪
وقال حتى لو تطلعها بسم موظف حكومه او ارامكو وتقلبها باسمك بعد ماتطلعها عادي [ الكل يسوي كذا ]

المهم بعدها طلبت قياده تجريبيه [ للعلم جربتها انا وصاحبي وكان انطباعنا عنها واحد ومتقارب كثير ]

اولا قوه السياره 250 حصان واشوفها ضعيفه كرقم مقارنه بالكزس 312 حصان فرق كبير وبرضو بالبي ام
ولكن للامانه وقت التجربه عزم المرسيدس رائع ومرضي جداً جداً

ماحبيت داخليتها ابدا ممله مره مره بشكل غير طبيعي
مارتحت فيها ولا اشوف نفسي فيها .. الشاشه جداً صغيره .. السستم للاسف انجليزي كامل .. القير المعلق ماحبيته والله .. البريك للاسف ليس الكتروني .. الداخليه ممله ومافيها اي فخامه .. المرايا الجانبيه غريبه وقت السواقه ماعرف صغيره احس ولا ماعرف كيف بس احس فيها شي غريب وماعجبتني .. التشغيل بمفتاح للاسف

الروعه في السياره كت amg الخارجيه واو
والطاره يالطيف يالطيف وربي احلا شيء الطاره ههههههه
مسكتها عجيبه لا بي ام ولا لكزس ولا غيره تصميم الطاره روعه
وصغيره ومو دايريه رياضيه وتعطيك احساس روعه وربي
الشيء الثاني السياره متماسكه بشكل محسوس وغريب
يعني احس السياره قطعه وحده من جد مره حبيت هذا الشيء فيها
والشي الثالث العزل تبع السياره مشاء الله توب التوب لا بي ام ولا لكزس والله

بعد التجربه تم حذف المرسيدس من خياراتي تماماً . بختصار
لني بكل امانه ماحبيت داخليتها ابدا ممله والشاشه صغيره جدا والسستم فقط انجليزي وبرضو سواقتها ماحبيتها مقارنه بالبي ام والكزس

لما نزلت من السياره اقول لصاحبي وانا اتامل فيها اقوله شوف شكلها بالله كيف هيبه وابداع مشاء الله
قالي بس عيبها داخليتها ابدا مو حلوه وقال انا المهم عندي الداخليه قبل الخارجيه لن هي الي جالس فيها وهي الي استخدمها كل يوم
والله العظيم كلمه ممله داخليتها قليله فيها والي يقهر حجم الشاشه جداً بشع [ ممكن لني اقارنها بالكزس والبي ام ]

//


اشوف الفئه هذي كلها افضل شي فيها هي
الجي اس 350 والبي ام 535i وانصح في وحده منها فقط

..

الفرق بين e300 و e400
غير المكينه طبعاً هو تشغيل السياره
e300 للاسف بمفتاح ، e400 ب بصمه او زر ماعرف ايش تسميها [ شي يقهر والله ]

//

اي استفسار عن المرسيدس انا حاظر وخاصه e300

اسف على التاخير

وادينا انطباعك على السياره والمواصفات اللي موجوده فيها لانه رائيك يهمني

^^

خلاص ياعسل ههههه
رحت وجربت السياره اليوم وطلعت فيها ساعه يمكن
وعندي رقم اثنين موظفين لو تحتاجهم

موفق يارب

ابشر يالغالي

^^

حبيبي لو عندك رقم موظف من الجفالي ارسله لي على الخاص
واكون شاكر لك

انا كنت عند الجفالي ام الموديل e400 المحرك 3.0 توين تيربو مع مولد كهربائي للحفاظ على صرفيه الوقود بي 333 حصان


الفئات المتوفره من الكوبيه راح تكون فقط ال 250 وال 400

^^^
مو هذي بس فيه كثير
لكن اللي يخليني متأكد إنها تعطيك نفس قوة أبو 9.8 سواء العزم او الحصان على نفس الدورات عشان كذا أقول إن الموضوع فيه أخطاء
( الرابط لايعمل )

يعطيك العافيه اخوي ابو الريم

بس شوف الكمبرشن ريشو هنا نفسه لل٣٥٠ !!!
http://http://www.carfolio.com/specifications/models/car/?car=336391

تحيتي لكم أدوشنا صاحب الموضوع
لكن النقاش ان شاء الله مفيد
تحملني اخي Energy
مواصفات مرسيدس e400
http://www.carfolio.com/specifications/models/car/?car=336369

مواصفات بي ام 335
http://www.carfolio.com/specifications/models/car/?car=300168

كلهم نفس السعة 3 لتر
لكن محرك البي ام كمبرشن 10.2
ومحرك المرسيدس 10.5
محرك البي ام l ست اسطوانات متتالية
محرك المرسيدس v في على شكل حرف سبعة

قبل التعديل
محرك مرسيدس يتفوق بالعزم بشكل واضح وقوي يكون ممتع اثناء القيادة الهادئه
اكثر من محرك بي ام هذا ما يميز محركات الفي
لكن مع الدوران العالي محرك مرسيدس يفقد عزمة بشكل اسرع من بي ام حيث يبدأ في النزول بعد 4000 دورة في الدقيقة بينما بي ام يستمر حتى 5000 دورة
وبحسب غيارات الجير يكون نزول rpm حول ال 5000 دورة بعد كل غيار
مما يسهم في نشاط محرك البي ام رياضيا
ممكن نفهم المعادلة أكثر اذا سويت مقارنة بين m5 , e63
تفوق المرسيدس في العزم كبير ومع ذالك بي ام تمسك معاه

بعد التعديل
محركات n55 , n54 كمبرشن اقل من e400 ومع ذالك إمكانية رفع البوست فيه محدودة مقارنة بمحركات ال جي تي ار صاحبة كمبرشن 9 شوف مقاطع البي ام مو مستاهلة الخسارة في التعديل (محدود) بحكم الكمبرشن العالي اللي الهدف منه الإقتصاد في الوقود
وبالتالي المرسيدس من باب اولى بحكم زيادة الوزن والكمبرشن

لا زلت ارشح محرك 300 لأنها سيارة فخمة وحلاوتها بهداوتها

معلومة جديدة وصلتني من مندوب مبيعات في الجفالي ان الe400 لم يبدا يبعها للان و سعرها راح يكون تقريبا بكت AMG ٣١٠ الاف وراح تكون بالمحرك ٣.٠ ٣٣٠ حصان توين تيربو الي اشوف له مستقبل قووووووووي في التعديل زي محركات الn55 من بي ام دبليو

اخيرا مرسيدس عرفت كيف تصحح خطاها في محركات السته سلندر

انا انصحك يا صاحب الموضوع تنتظر شويه كمان

محرك الفئة E400 ليس هايبرد، وهو الأقوى في فئة ال6 سلندر

انصحك فيه

اشكركم اخواني على النقاش بس انا دخت

انا ابغى الكوبيه ان شاء الله


بس اي من محرك تنصحون؟؟

هذا الموقع أول ما ترسل المعلومات يعني ينزل السنة اللي بعده
هذا المحرك اللي عندك
http://www.carfolio.com/specifications/models/car/?car=310684
أيضا أدخل موقع الجفالي قسم مرسيدس c وسوي مقارنه بين 300 و 350
تلقاهم نفس السعة لكن الكمبرشن مختلف
راجع الموقع اللي ارديتك رابطه على كل الفئات اللي نزلت تلقى الكمبرشن احيانا 12 وأحيانا 9,8 لكن القوه ثابته لصالح ال 350 هذا الشيء يخليني أقول خطأ مطبعي
لأن لو أتفقوا على 12 أقول معك حق
يبغاالك شوي تتعب في البحث

اما بخصوص سؤالك أتوقع انه بالامكان توفير برمجة تشب أو لعب في توقيت الشرارة بتنزيل ملف على كمبيوتر السيارة يرفع من قوتها مقابل مبلغ تتلهف له شركات التعديل

لا ما اتوقع خطا مطبعي
لان حتى موقع مرسيدس كندا نفس الشي عندهم الكمبرشن ريشو ١٢

انا يلي ابغا اوصل له انه هل من الممكن اعادة برمجة الe300 و تصير قوتها ٣٠٠ حصان زي ال e350 ابغا اقطع الشك باليقين في. دا الموضوع لانهم حتى في منتدى benzworld بيتناقشوا على دا الموضوع على ال c300

و يعطيك العافيه

كثير من المواقع ما تركز على حكاية الكمبرشن كل تركيزهم يكون على حكايةالسعة والقوة فقط مرسيدس بحر من أيام الثمانينات وحكاية الكمبرشن معاها تلقى 560 قوي واخر ضعيف نفس كل شيء لكن الكمبيوتر أرقامه تختلف بدلنا الكمبيوتر نفس الحكاية لقينا الدفرنس بدلناه نفس الحكايه طلع الفرق نسبة الإنضغاط
على العموم الموضوع متشعب جدا بالنسبة لشركة مرسيدس كل الشركات اتجهت للإقتصاد في الوقود وزيادة القوة وأصبح التنافس بينهم على هذا الأساس والفائز ياخذ الجوائز على أساس ان الجو بارد والأكتان عالي مع تدخل محدود لكمبيوتر السياره لقياس درجة الحرارة وكثافة الهواء (الضغط الجوي) وعليها تحديد توقيت الشرارة بدون قياس نسبة الأكتان إلا بعد حصول الطرق (الصرقعة ) فيقوم بتأخير الشرارة

بخصوص موقع الجفالي كلامك صحيح لقيت الكمبرشن واحد بين السيارتين
لكن أتوقع إنه خطا مطبعي أدخل على فئة ال c وشوف الفرق مكتوب مثل ما قلتلك

أيضا ادخل هنا يكون كل شيء واضح بالنسبة لك أكثر من موقع الجفالي
http://www.carfolio.com/specifications/models/?man=3932

ترا الكمبريشن ريشيو نفسه لمحرك الe300 و ال e350 حسب موقع الجفالي
المحركين هم محرك واحد حسب كثير من المجلات العالميه بس الاول عاملين له detuning
مو قصدي اتفلسف والله لكن انا ابغا اوصل للحقيقه الاكيده لاني عندي e300 2014 و طفشت من كثر اني ابغا اتاكد عن المحركين و في المنتديات الامريكيه يقولوا هو نفسه بالضبططططط و راح ينزلوا برمجه للc300 نفس محرك ال e300 تخلي قوته من ٢٥٠ حصان الى ٣٠٠ حصان نفس ال ٣٥٠