اهتزاز عند تعشيق R - كابرس 2005

الحمد لله
و تُشكر لبيان الحل

ولله الحمد تم تغيير كراسي المكينة فقط وذهبت الرجة وان شاء الله دون عودة
كراسي المكينة لقيت نوعين GM واحد أسترالي سعر الحبة ٣٢٥ والثاني كوري سعر الحبة ٣٤٠
ونصحني بالكوري يقولون هو الأصلي وأخذته
شغل اليد أخذ ٤٠٠ واغلب الورش تقول ما نقدر لان مكانة صعب وضيق وأخذت أكثر من ساعتين

أنا بصراحة لا أثق في المهندس هذا بالذات لانه وعلى حسب ناس ثقه انه نصاب درجة أولى يقول غير عدد من القطع حتى لو ما كانت خربانه لانه راح يأخذها ويبيعها على غيري لان قطع الغيار لاتوجد في نفس المنطقة لذلك لابد السفر لجلب هذي القطع ويكون هو كسبان وهو يستغل أصحاب السيارات لانه الوحيد اللي يصلح السيارات الأمريكية

كراسي المكينه سهل تغييرها وتاخذ ساعة ونصف او ساعتين وسعر الشغل من 300 وانت طالع وحسب الورش وممكن تلقى بسعر 200
اما القطع يوجد بالسوق نوع استرالي شبيه بالاصلي جداً وسعره 500 ريال او اقل وما شاء الله مثل الوكالة يدون وعلى حسب الاستخدام ولا اعتقد انك تحصله لكن ان لم تجده فلا تفكر الا بشراء الجي ام والله يعينك .

البواجي ما ادري عن تقطيعها لأنه لم تواجهني مشكلتها وايضاً الكويلات لم اغيرها حتى الأن
ممكن يكون التقطيع من البواجي او ضعف في احد الكويلات وطريقة فحصها بفصل اسلاكها سلك سلك والسيارة تعمل لترى ان كانت تعمل على الوجه المطلوب ام لا .

تم فحص السيارة عند مهندس وعلى كلامة كراسي المكينة وقال تغيير وباجي واكويلات مع أن لها قرابة السنة وقال قرضة تنظيف بخاخات

فيه موضوع شبيبة بموضوعي حصلته في موسوعة الأعطال عطل رقم ٥٣ السيارة أيبيكا وكانت المشكلة من ظفيرة القير هل تتوقعون تكون هي السبب ووين مكانها بالضبط

بالنسبة الكراسي اول ما داعس يكون فيه رجه في السيارة وتختفي على طول لكن لما تكون السيارة واقفة ما ألاحظ أن المكينة تهتز بالنسبة للتشغيل لما أدور المفتاح ما يطلع أي صوت بس تشتغل أضواء الطبلون ويروح يهز النشطة ولما يشغلها على طول تشتغل. وبعض الأوقات تشتغل وعلى طول تطفى لازم ادوس بنزين وقت التشغيل

بالنسبة للهزة مشكلتها كراسي المحرك وحتى تتاكد من انها منتهيه اما بالكشف واما ان تقوم بتشغيل السيارة في الصباح ومن ثم تقوم بتحريكها على سرعات عاديه حتى تصل لخط طويل ، هنا دبل الدعسه لفترة بسيطه ثم اتركها وانظر للنتيجه ان كانت الكراسي منتهيه سوف تصدر هزه ترفع ضغطك وما تروح الا على سرعات هاديه .

السبب ان كراسي المحرك تنكسر جلدتها بحكم الشد والدعس والشوارع المكسره والمطبات لكن يبقى بها مسمار بوسطها ثابت يمسكها .

وبالنسبة للتقطيع يرجع الكلام على التصفيه والحساسات وفلتر البنزين ومضخة البنزين والبخاخات وابدأ بالفحوصات حبه حبه واخرها البخاخات لأنها صاحبة عمر طويل وااكد على الحساسات لابد تعرف تفحصها واحد واحد

اما التشغيل كيف يعني ؟؟ ما تدق سلف ؟!! يعني تسمع صوت التشغيل لكن لا يعمل المحرك ؟؟ ارجوا الايضاح

اقرب للتقطيع وتحس بالهزه اللحين بعض الأوقات تكون موجوده حتى في N لكن أخف ومع ضغط بنزين بسيط تختفي وبالنسبة للي قلتها للأسف السيارة أخذها احد الزملاء وماشيكت على اللي قلتها والسيارة اليوم رفضت تشتغل إلا لم هز شنطة السيارة يعني ما تدق سلف والأنوار شغاله طبيعي

اخوي اسمح لي بسؤالين : لما تعشق السيارة تحسها تقطع ولا بتطفي ولا بس هزة عادية ؟؟

انا شاك ان السالفه تحتاج تنظيف حساس الهواء فقط لكن ارجوا توضيح اكثر

الشيء الثاني وش صار على كشف الأشياء اللي نبهتك عليها ؟!

فلتر البنزين تلقاه بموضوعي
اما حساس الهواء بعد قربة مدخل الهواء
واما ضغط مضخة البنزين تلقاه بماصورة البخاخات
وتفحصحها بساعة الفريون وتقدر تأخذها من اقرب كهربائي او اقرب محل يبيعها

رابط لضغط المضخه :
http://www.assayyarat.com/forums/post2878926-9.html

وين موجود فلتر البنزين وحساس الهواء
وبالنسبة لضغط الطرمية ما فيه ورشة متخصصة ابمكان اللي أنا فية ولازم اسافر لجده اقرب شي

مبداياً نظف الثروتل وحساس الهواء
وغير فلتر البنزين

اما سالفة البخاخات فلا تفكر فيها لأنها نادرة الخراب
وطرمبة البنزين قيس ضغطها.

بالتوفيق

الزيت اللي يهررب وشوو المحرك ولا القير
التشغيل والطفيه نظف المفتاح ببخاخ الكترونيات وامسح السيم اللي حول السويتش
بالنسبة للهزه اول عمل تقوم به التشييك على كراسي المكينه وكرسي القير
المكينه تفك الصاجه اللي تحت الكارتير وتنظر في الكراسي فيها شرخ ولا سليمه
القير كذلك تجد كرسيه بجوار الكارتير وتمعن فيه زين
كذلك شيال العمود انظر فيه وايضاً جلدة عمود الدووران

بعدها تبدأ تشوف المحرك وحساساته وما قمت به من صيانه وتصفيه وتذكرها هنا ولا تنسى تعطينا الممشى وبالنسبة لزيت القير غيره ياخوي مايصير ترى قير الكابرس ألعن قير يخرب على طول بسب كبر المحرك وضعف القير هذا يبين عدم التكافئ .

بالنسبة للزيت ما عمري غيرته لها سنتين ونص معاي
الزيت ماشاء الله.أحمر

الاهتزاز صار حتى على Nو P
إذا دعست بنزين شوي يروح الاهتزاز

واللشي الثاني صارت السيارة تشتعغل وتطفي على طول لازن ادوس بنزين مع التشغيل
وبعض الأوقات ماتشتغل بديت احس ان السبب من البخاخات والا طرمبة البنزين

اذا سيارتك صافيه ما فيها تفتفه ولا تقطيع وهي على الp او الn
شيك على كراسي المكينه

نقص الزيت شيء آخر غير مشكلتك. نقص الزيت يؤدي إلى تأخير التعشيق. و المرحلة المتأخرة منه تحرق الكلتشات. فانتبه و شيك على مستوى الزيت و زوده إلى المستوى النظامي و بدون زيادة.. إلى أن تصلح سبب التهريب سواءً صوفة أو غيرها.

بخصوص الهزة: هذا من حساسات القير سلمك الله. ليست خطيرة لكن تؤثر في الراحة. افحص كمبيوتر بجهاز الفحص Tech2 فقط (تأكد من وجوده لدى الورشة قبل أن يفحص بجهاز ثاني غير متخصص بـ GM و الذي لن يفيد). ربما تكون فقط محتاج تنظيف بلف البدي (مخ القير).
تغيير الحساس , أو على أقل الأحوال: تنظيف بلف البدي , كلا الشغلتين ما تحتاج إنزال القير. فقط فك كارتير القير لا أكثر ثم فك بلف البدي.

سؤال قد يفيد: من متى ما غيرت زيت القير و الفلتر؟ أقصد كم كيلو ماشي عليه؟