مشكلة تفتة والسيارة واقفه + المكيف مافيه هواء لومينا LS 2006

السلام عليكم ورحمة الله وبركاته

اخواني الكرام عندي لومينا 2006 ال اس مكينتها 6 سلندر .

السيارة ماكان فيها الا العافيه , رحت غسلتها غسيل عادي مو بستم , ومن بعد ماغسلتها صارت السياره ترجف وهي واقفه والضغط ينزل اقل من 500 ويرتفع واحس شوي بتطفى .

لكن وانا ماشي مافيها الا العافيه ..

وش تتوقعون منه المشكله ؟

ويوجد مشكلة ثانية ايضا طلعت فجاه مع المشكلة الاولى , المكيف صار مايطلع هواء الا من الهواية الي عند القزازة الامامية ..

ولكم الشكر

و عليكم السلام و رحمة الله و بركاته

مشكلة الرجفة:
يتسبب في مثل هذه المشكلة بالدرجة الأولى قبل البواجي و أسلاكها: حساس الهواء Mass Air Flow و الذي مكانه بعد فلتر الهواء. لأن لو بواجي أو تيار الشرارة عمومًا كان بتطلع التفتفة معك في أي سرعة.
ربما وصله ماء أو شيء من الرطوبة. فكه و نظفه و إن شاء الله تصلح الأمور. الأمر بسيط و باستخدام بخاخ الإلكترونيات.

مشكلة المكيف:
ربما الماء وصل من خلال فتحات سحب الهواء من الخارج إلى بوابات الهواء أو الكنترول حق المكيف (الأزرار).
و رأيي أنك تتركها حتى تنشف و إن شاء الله بعدها ما تحتاج إصلاح.
تصير كثير مشاكل كهربائية بسبب غسيل أو تلميع السيارة و تنتهي بعد كم يوم , و أنا مجرب.