السلام عليكم ورحمة الله وبركاته
مساكم/ صبحكم الله بالخير يا الربع
عندي تاهو 2011 ماخذه جديد
لما وصل ممشاه حدود 50 الف صارت في اصوات صرصرة وقت افرمل على سرعات قليله 20 وتحت ( تماما مثل الصوت الناتج عند انتهاء القماش )
استغربت من هالشي لان القماش تو ممشاه قليل
قلت احتمال كبير اتربه وغبار ( برغم ان مدينتي مافيها لاسافي ولا عج ) ولا امسك فيها خطوط !
واستمر هالشي بدون انقطاع ( لو هو غبار كان يروح بعد فترة وينزل مع الممشى )
سالت وقالو اقمشة الوكالة رديئة .. واشتريت اقمشة سيراميك من الخارج ماركة Akebono وهي من افضل انواع اقمشة السيراميك
شفت القماش يوم فكه باقي فيه اكثر من نص عمرة .. عموما ركبت السيراميك
ومشت معاي تمام .. الان بعد 10 الاف كيلو عليها رجعت الصرصرة
اذا في احد يعرف سبب المشكله وحلها افيدوني بارك الله فيكم
