سوبارو xv الان بسعر 70 الف ريال فقط (( سيارة المناطق الوعره ))

نعم السياره مخصصه للمناطق الوعره الخفيفه او المتوسطه

وهي خيار افضل من كورلا وسنترا الي اسعارهم فوق

يعجبك اللي يتكلم عن قير cvt ويقول يسخن ومهو داري ايش السالفه !!!!!
قيور cvt افضل اداء وافضل من ناحية صرف البنزين وسخونة القير تحدث لما تقود السياره بسرعه فوق 180 كم في درجات حراره عاليه اكثر من 45 درجه لمده طويله وسخونة القير يتحكم فيها نظام القير يهدي السرعه حتى تخف الحراره في مده اقصاها 5 دقائق عشان لا يخبط القير
يعني بالعربي يعتبر قير cvt هو الافضل والدليل الشركات معظمها حولت عليه

السوبارو مايعيبها الا الوكيل
هو اللي قتلها وللعلم التويوتا جي تي 86 هي نفسها السوبارو كوبيه
فرق الاسم والمحرك من سوبارو انا كنت اشوفها مع الوكيل السابق
اللي هو بالبيد كان لابأس به
يعطيك ربي الف عافيه لاعدمناجديدك

ماادري السيارة تنزل بالقير العادي في السعودية والا القيرالوحيد الي نزل عليها هو CVT

سوبارو مع ان سياراتها حلوة بشكل عام لكن التسويق عندهم يبي له اعادة هيكلة بكل العالم

مشكور al_malki007 على الموضوع


الشي الي لازم الكل ينتبه له أن هذي السيارة ومثيلاتها (مستوبيشي أوتلاندر, تويوتا راف فور, سوبارو فورستر وأوتباك)

مخصصة للطرق الوعرة الخفيفة فقط!
ما تصلح للطرق الوعرة المتوسطة أو الصعبة تحديدا
ممكن المتوسطة بعض الشيء لكن مو بذاك الأمكانيات

وحتى الفيديو يثبت هذا الشيء فالأماكن الي تمشي فيها السيارة جدا عادية بأمكان الجيوب والبيك أب الي تجي بدفع خلفي فقط تمشي فيها سواء قدرت تتجاوزها أو لا

والسبب أن هذي السيارات صحيح مرتفعة عن السيدان والهاتشباك والواجن بمقدار ما يقارب 4-5 سنتميمتر عن الأرض إلا أنه ما يعتبر كافي لكل الطرق وزوايا الدخول والخروج فيها قليلة

وأيضا كل هذي السيارات لا تمتلك دبل ثقيل يعني السيارة تكون طول الوقت على HIGH عدى موديلات سوبارو التي تجي بقير عادي فقط

يضل قير الCVT احسن من الشكل السابق اوتوماتيك اربعة غيارات

فذة xv لقت عليها اقبال اكثر من موديلات سوبارو الثانية خصوصا في اوروبا

بسبب السعر

والاعلانات المنتشره

وانا امتلك هالسيارة

اهي عيبها الوحيد اهو تسارعها مولهناك

ولكن سياره قويه ومخصصة للمناطق الوعرة

وتصلح حق الشوارع المكسره الي عندنا هههه

وكراسيها مريحه

ومشالله صرفها قليل ماتصرف بنزين كثير واقتصادية

وحاليا ماشيه 36 الف

وطبعا سيرفس تبعها كل ١٠ الاف و الوكالة ياخذون ٤٥٠ ريال

وبعدين الوكاله قالو لي بيخلونها كل ٥ الاف كيلو لان جاي لهم امر من شركة سوبارو

وكل 5 الاف ياخذون مني تقريبا بين 200 ريال الى 250 ريال

طبعا احنى بالبحرين يمكن الاسعار تختلف عنكم بالسعودية

واتوقع انتو ارخص من عندنا ...

طبعا الاهل وايد عاجبتهم السياره خصوصا الوالد يحب يسوقها لان سياقتها خفيفه ،،

مع ان تحسفت شوي لان ماخذيت ليجاسي بس الحمدلله بني ادم دايما يطمع ههه

وهالسياره تصلح حق شوارعنا المكسرة وعمليه ،،،

وحاليا مابدلت فيها ولا شي غير الزيت والفلتر

لاتغركم الفيديوات الدعائية السيارة بقير CVT مجرد مايسخن يطيح عزم السيارة والسياره هذي اشوفها مشت نوع ما عندنا مع ان شكلها ابله