يا اصحاب الخبره افيدوني عن التاون كار ؟؟؟

كلها ذي صارت لي خلال سنتين احسها فترات متقاربه

والله شف اخوي الفورد بشكل عام (الفكتوريا والماركيز والتاون كار) اذا ما اخذته نظيف راح يتعبك

لكن النظيف خذ لك ولد :xyxthumbs:

كلامك صحيح وانا ماني راعي سرعه ولا راعي سفريات كثير الحمدالله


اللي معه السياره وواجهته مشاكل يفيدنا


والله عندي اخو كرهني بالموتر من كثر ما يسب فيه

لانه يعرف له اثنين اتعبهم التاون كار بشكل غير طبيعي

فيه مجموعة أشياء إذا هي توفرت عندك بتشتري التاون كار وما بتندم عليها أبدًا:
1. ما تهمك التكنولوجيا في السيارات زي الشاشة والتشغيل بالزر الخ
2. إذا ما كنت راعي سرعة بالذات من 150 كم وفوق، لأن الرساوة بتقل والهوا بينسم مع الأبواب
3. اذا انت مهتم جدًا براحة السيارة وتحب تسوق باسترخاء دائمًا او متعود على سيارة مريحة في السابق (راحة في المرتبة وراحة في الطريق)
4. آخر شي وأهم شي اذا كنت تحب الستايل الأمريكي المعروف وتفضله على تصاميم السيارات الحالية (كبوت طويل شنطة ضخمة مراتب ضخمة ومتصلة صدامات بارزة قير علاق مكينة كبيرة تسارع متواضع طارة كلاسيك داشبورد كلاسيك الخ)

كل الي قلته ما فيه مشكله تستاهل انها تنقال انها مشكله كهرب

يعني كلها اشياء عاديه واستهلاكيه

الله يبارك لك فيها ويكفيك شرها





ما شاء الله اخوي كفيت ووفيت

طيب بالنسبه للخرابات هل جتك متتاليه

ولا بين فترات طويله ؟

اعطيك قصتي مع سيارتي وانت فكر واستخير وشووف والله يكتب لك اللي فيه الخير

معاي تاون كار موديل 2008 سقنشر ليمتيد شريته من سنتين ونص استخدام امريكي ماشي حدود 90 الف كيلو السيارة نظيفة جدا جدا وتعتبر جديدة واللحين مشيتها الى 218 الف كيلو

الصراحة السيارة رسمية وفخمه وملفته وسواقتها رووعه وفي الخط على قولة واحد من الزملا كنب متحرك ماشاء الله والامان فيها عال العال

من ناحية الصيانه وقطع الغيار اسعارها مقبوله ورخيصة احيانا و80 بالمية من القطع نفس قطع الماركيز والفكتوريا مثل الاقمشة الامامية وبعض القطع تختلف مثل الاقمشة الخلفية بس اغلبها نفس القطع طبعا

ميكانيكيا ماقد اشتكيت منها ابدا

نجي عند كهرب السيارة وهي الصراحة اللي كرهتني بالسيارة وعقدتني وطلعت عيووني صرت امشي ويدي على قلبي

طبعا المشاكل اللي مرت علي وهي على النحو التالي وبالترتيب :
1- كمبيوتر الباب خرب علي وبالقوة حصلت الكمبيوتر وسعره 1600 ريال والتركيب 250 ريال يعني 1850 ريال
2- المكيف مرة من المرات صار يوزع الهواء عند الرجل فقط ورحت غيرت اللوحه حقت المكيف كامل ب1300 ريال
3- الدينمو ضرب علي فجاة وانا في الساحل وطلعتها بسطحه الى الباحة وشريت دينمو مجدد ب900 ريال وتركيب ب100 ريال طبعا دينمو جديد مافي اصلي
4- المروحة عندي مرة تشتغل ومرة لا ومرة من المرات ماشتغلت وانا طالع من العقبه وارتفعت درجة حرارة السيارة على H لدرجة ان موية الرديتر طلع من غطاء الرديتر طبعا للحين ماعرفت وين المشكله كل ماروح ع الورشة يقولون السيارة مافيها شي

وطبعا كم مرة فكرت اني ابيع السيارة وافتك منها بس المشكلة مابتجيب لي مبلغ اقدر اشتري سيارة نظيفه

وانت استخير الله وشووف

السياره لها 6 شهور معي وما شفت شي من هالناحيه

ما شاء الله الله يبارك فيها يارب


طيب انا مو مخوفتي الا شي واحد هل صحيح
مشاكل كهرب فيها كثير ؟

اخوي انا املك السياره موديل 2007

والسياره فخمه وحلوه وملفته للنظر وعمليه

وعشان تتطمن اكثر ترا مكينتها وقيرها و90% من القطع الميكانيكيه نفس الفكتوريا والماركيز

يعني تطمن من هالناحيه

يعني مو ممكن اندم لو اخذتها ؟؟

الله يعطيكم العافيه


طيب يا اخواني من الاخر

لو خذتها ممكن اندم ولا السياره تستاهل ؟؟

السياره على فخامتها جيده والكهرباء ماتكون معقده اذكر إلا في الموديلات اللي قبلها يمكن من 2005 والكهرباء الموجوده في السياره صارت احسن بس اكثر المشاكل اللي تصير في اللينكون هي الزينون إذا كان تركيبه سيء اعدم عليك الكهرب كله
عشان كذا من بعد 2005 السياره فيها زينون وكاله

السياره ممتازه لاكن اشوف انك تبعد النضر عنها بسبب مشاكل الكهرباء

اخوي والله السياره ماعليها كلام بس يوم بحثت عنها في الانترنت لاحظت ان اكثر الخرابات من المكيف و الكهرباء والله اعلم
تحياتي

يعطيك العافيه ياخوي ماقصرت



الموضوع مفيد ياخوي اكيد

لكن انا ابي بشكل عام هل السياره تستاهل اتحمس لها ولا لا

هل خراباتها كثيره وخاصه الكهرب او لا

وصراحه انا شخص ماني راعي مشاوير متغير دوامي هو البعيد عني غير الدوام ما اروح بعيد الا بشكل نادر جدا

http://www.alshref.com/vb/t256407.html
هذا الرابط راح يفيدك جدا
تحياتي

والله ماعندي خبره في التاون كار الجديد أنا معي القديم سياره فخمه ومريحه في القياده وممتعه
اشوف أي شخص معاه تاون كار في موقع حراج اسأله وان شاء الله أكون افدتك
تقبل مروري يالغالي