محتار بين التويوتا برادو 2014 والنيسان باترول فتك 2014

الباترول عملي وممتاز وله معناالى الان وهو موديل 2002 سوبرسفاري
اما الجديد فطبيعي احدث اما البرادو فهو سريع الانقلاب وكان فيه مشكله
في الدفعات اللي وصلت وماادري حلوها ولالا والبرادو نوعين في نوع مايجينا اللي هو البابين وهذي سياسة الوكيل علشان النوع الثاني
اللي هو الربع زي مايسموه يمشي سوقه زي الموديل هذا

صحيح اذا قالو الجهل عدول الانسان
معنى كلمه Patrol يعني دورية او حرس و في امريكا يطلق اسم highway patrol على دوريات الطرق السريعه.

انت تقصد كلمة petrol و تعني بنزين او نفط.

و للاسف مازلت يا حسان تدور اي شي عشان تعيب اي سياره من سيارات نيسان و تسوق لسيارات تويوتا باي شكل من الاشكال و تسوق لمعرضك و الكل عارف ان لك صله بالمعارض.
انكشف امرك من زمان في اكثر من منتدى.

الله المستعان
الي يقول الباترول مايصرف اصلا اسمه باترول
والله انه من اسواء السيارات الي استخدمتها
الاخ السائل ورى ما تحط اليوكون او التاهو كاخيار
البرادوا فئة والباترول فئة اخرى
ومن كلام الاخوان الكفه تميل للبرادوا ولكن لأعلى فئة

السيارتين من فئتين مختلفة بس عموما الباترول كله حسنات مقابل الملاحظات الكثيرة على البرادو على رأسها التصميم الخارجي الغريب والابعاد العجيبة التي ساهمت في سرعة تعرضه للانقلاب اضف الي ذلك السعر المرتفع الغير مبرر!
والابعاد الداخلية (اصغر من باترول)

يعاب على الباترول قدم تصميمه لكنه تصميم لايزال صامد بل وملفت رغم مرور عشر سنوات عليه (عني افضل تصميم قديم جيد على جديد سيء)
وتعرض البعض لاستهلاك الباترول للوقود والحقيقة انها فعلا ترتبط ارتباطاً وثيقاً بطريقة قيادتك .. الباترول استهلاكه عادي لمن يقودون بطريقة عادية.

اما بشأن قطع الغيار فشعبية الباترول ساحقة واجزم انك ستجد قطعها لدى محلات قطع الغيار في السوق.


اخيراً ... هذا الموديل من باترول هو علامة فارقة في عالم سيارات الدفع الرباعي ويستحق كل اشادة وتقدير.

وبالتوفيق يارب

كل اسالتك تدور على البرادو يعني اتوقع انك عارف الفتك او مجربه.
الباترول معروف ان عزمه ما يبرد ولا يحتر بالنفوذ و الى الان هو اكثر سياره يعتمد عليها في النفوذ.
البرادو نعم يبرد عزمه و بشكل يفشل بصراحه و عشان تعوض برود العزم لازم تجي شاد على الموتر و مسرع عشان تطلع الطعس بالمختصر لازم تكسر الموتر بسبب السرعه عشان تشد و تاخذ عزم.
البرادو مريح بالخط و عزل الهواء جيد ما اشوف فيه عيب من ناحيه العزل
يعيب البردو الارتفاع و قصر المسافه بين الكفرت مافيه عرض ابدا و رفيع و النتيجه سريع الانقلاب.

صرفيه البنزين للبرادو التانكيين خصوصا ان التانكيين اجمالي حجم التانكيين تقريبا 190 لتر راح يمشيك مابين 900 الى 1000 كيلو.

الباترو اجمالي حجم التانكيين 130 لتر يمشيك 720 كيلو الى 750

لاتنسى الاستخاره و بالتوفيق.

كلامك غير صحيح و انت ما جربت او انك تسدح طبلون الموتر و تقول يصرف!!
انا كان عندي لكزس اي اس 300 على سرعه 150 يمشيني 500 كيلو بالراحه و على سرعه 170 يمشيني 380 كيلو عرفت الفرق!!

تانكي واحد للفتك يوصلني من الشرقيه للرياض على سرعه 140 و يبقى فيه ربع التانكي

مجمل التانكيين يمشيني على سرعه 140 اكثر من 720 كيلو.

بالنسبه للباترول والبرادو سيارات عملية وقويه ولا غبار عليها
بالنسبه للاستعمال مدري بس انا ارتاح للياباني
طبعا انا جربت الباترول 2009 فتك واللاند2009 6سلندر والفورتشنر 2006 6سلندر
البرادو صراحه ماجربته بس حسب
الزملاء والاقاراب قالوا مافيه فرق بين التويوتا كبير بالسواقه

بالنسبه للعزم
كلهم ماشاء الله تبارك الله عليهم ابطال طبعا الدعوه استعمال فترة طويله ماهي مسألة يومين او شهرين

بالنسبه لصرفية البنزين
كنت اعبي الباترول فل التانكيين وكنت امشي من الرياض الى منفذ البطحاء طبعا يكون فيه تحت الربع بشوي بعد ما اشغل الخزان الاضافي يعني التانكيين اتوقع حول ال600 كيلو
اما الفورتشنر فصرفيته غير رغمن تانكيه اصغر الا اني احس انه حول الممشى لاني اعبيه من الرياض للبطحاء فل ويوصلني على الاخير بس قبل لاتولع اللمبه
طبعا اللاند كان 6 سلندر من الرياض لمكه وكان فوق الربع بشوي

بالنسبه للراحه
الباترول احسه اضيق شوي للسواق بس مدري يمكن لاني مليان شوي مدري اذا تفرق معك
ايضا احس فيه عيب يمكن بالنسبه لي اللي هي صغر الزجاجه الاماميه عكس التويوتا اللي تحس مجال الرؤيا اوسع
اما البرادو ركبته مره وحده واحسه اوسع شوي ويقال انه نفس القساوه تقريبا بس مايطامر اكثر والزجاجه الاماميه اوسع
الا اني كنت ارتاح بسفري على الباترول الحمدلله ايضا للركاب اكيد الباترول اوسع
ومساحة التخزين اتوقع للجميع متقاربه اذا استغنيت عن المرتبه الثالثه

بالنسبه للشكل كلهم ممتازين
بس يميز البرادو انه احدث اما الباترول ماتفرق بينه وبين ال2006

قطع الغيار
الياباني طبعا كله نار وصلخ
لكن مصيبة النيسان اكبر بسبب مشاكل الوكيل السابق لكن الان مدري بصراحه وش وضعه
بعكس التويوتا متوفر بكل محل والاسعار احسها ارحم شوي

بالنسبه للتماسك
الباترول يقرقع بسرعه يعني كل سنه تقريبا يبيلك تسوي له تربيط واذكر سويتها مره وحده وماعليه ماشي

بالنسبه للسعر
البرادو TXL2 سعره تقريبا 161 استبنه علاقي
الباترول VTC فل سعره تقريبا 164
مافيه فرق كبير وخاصة المواصفات حول بعض
جميعهم فتحه
جميعهم ثلاجة
جميعهم تانكيين او تانكي كبير للبرادو

طبعا نقطه ابي اوضحها للجميع النيسان الباترول الشكل القديم كله 6 سلندر لكن تختلف المكينه عاديه او VTC مافيه شئ اسمه 8 سلندر بالشكل القديم

الباترول (Vtc) يناسب الصحراء أكثر المدينة من وجهة

نظري .. محرك أكبر تورك عالي .. صندوق تخزين خلفي

أكبر حيز من البرادو .. والسيارة اثبتت قوتها فـي

تحمل الأعمال الشاقة لدرجة أن ( نيسان) أخرجت مـن

الفتك إنتاج البيك آب ( الشاص) .. وهذا دليل علئ

أن السيارة تتحمل الإستخدام الشاق .. أما البرادو

فهو بمحرك اصغر ووزن أخف وأقصر طول واقل عرض وحجم

تخزين خلفي أقل .. ويتميز عن الفتك بأنه أقل فـي

صرف الوقود .. كنا يتميز بخدمة الوكيل بعد البيع

وشكل أكثر حداثة من الفتك .. ويعيب البرادو هــو

السعر المرتفع في النص فول والفول اوبشن الذي يصل

الي حدود الـ200 الف ريال سعودي .. أنا افضل البرادو

علئ الفتك لو كان سعره في حدود ال140 الف -150 الف

لفئة النص فول (V6) .. اما لو كان فوق الـ160 الف

أخذ الباترول الشكل الجديد (V8) دون تردد .. تحياتي .

اتوقع الباترول افضل بكثير من البرادو =)

لفتك يصرف بنزين واجد ممكن خزان فل يمشيك 500 كيلو

الباترول سفاري للتوضيح موجود مع وجود الباترول الجديد كليا ايضا .


بالنسبة لحجم السيارتين وابعادهم فهي من الخارج متشابهة لحد ما

الشكل الخارجي السفاري جميل جدا وقدراته في البر خارقه لخفة وزنه وعزمه العالي


السيارة في الخطوط غير ثابته كثير وصرفها للبنزين عالي جدا جدا جدا وغير مريحة بالنسبة لمقاعد الصف الثاني والثالث وعزلها عادي . ومواصفاتها عادية ايضا .

البرادو شكله مقبول من الخارج وجيد من الداخل ومواد الداخليه جيدة واستغلال المساحات فيه ممتازة ومقاعده مريحة لحد ما , عزله افضل من شقيقه اللاند كروزر اي انه افضل من الباترول وآداء السيارة في البر ممتاز بفضل قدراته في الدفع الرباعي والتقنيات الموجودة والمحرك الجبار 4.0 بـ 271 حصان وعزم يصل لـ 38.9kg-m /4400rpm لموديلات 2014

م

مجهول :)

جزاك الله خير يا ابو اسد بس بسألك ايش افضل وكيل يجيب البرادو (غير عبد اللطيف جميل)

تقصد بالخليج؟

أمممممم

الظاهر الساير بالكويت

ممكن تدخل موقع تويوتا لكل من دول الخليج وتشوف فرق المواصفات بين بعضهم

أعتقد أن مواصفات عمان ممتازة حسب ما يقال لي ببعض السيارات اليابانية لكن ما اقصد بالبرادو تحديداً

جزاك الله خير يا ابو اسد بس بسألك ايش افضل وكيل يجيب البرادو (غير عبد اللطيف جميل)

م

مجهول :)

[SIZE="5"]السلام عليكم ورحمة الله وبركاته

يا شباب انا احترت بين سيارتين اللي هي
التويوتا برادو 2014 والنيسان باترول سفاري فتك 2014
وما ادري وش آخذ وانا ميزانيتي حوالي 170 الف

اتمنى تفيدوني عن الباترول والبرادو هل يبرد عزمه بالنفود والتطعيس وهل يحتر القير او المكينة ؟ وهل هو مريح بالسفر وكيف عزل الهواء فيه وايهم افضل مواصفات وسعر وكيف قطع الغيار وصرفية البنزين إلخ... :c0214: ... وشكرا

وعليكم السلام ورحمة الله وبركاته

بخصوص السيارتين

حقيقة أنا مالي خبرة كبيرة بالفتك

لكن بخبرك بالي اعرفه

البرادو ممتاز بفئته الجيوب متوسطة الحجم ويصلح للبر والأهم ياباني وفيه نظام نزول وصعود المنحدرات حسب ماهو مكتوب في موقع عبداللطيف جميل أذا تقصد السعودي

لكن نصيحتي لك أذا تبي البرادو خذ الخليجي مو السعودي مثلا من البازعي

السبب أن أستبنته خلفية وفيه تنكيين وهذا أهم مافيه أعتقد مجموع التنكيين يوصلون في 170 لتر وهذا أكثر من تنكي الباترول غير أنه 6 سلندر فبيتأخر أنك تعبيه على قوله واحد من الشباب تعبيه مع الراتب ههه


بينما السعودي تنكي واحد وهذا بسبب أن الاستبنة بالاسفل وسعته 87 لتر حسب ما ذكر فصغير جدا على جيب والباترول بيكون في 140 لتر

واحد قالي أن فيه برادو سعودي أستبنة خلفية تنكيين لكن منب متأكد من صحة كلامه

كانظمة تعزيز للطرق الوعرة مع نظام صعود ونزول المنحدرات أعتقد فيه تراكشن كنترول لكن الي قاهرني بالبرادو أن الدفلوك ماتحصله إلا في اعلى فئة بينما في اللاندكروزر بأقل فئة؟! على فقر مواصفاته وهو صحيح أنه يعمل بالدفرنس الخلفي فقط لكنه أعلى كفائة من التراكشن كنترول الي يشتغل على الكفرات الاربع بسبب أنه يتحسس الكفر الي يدور أسرع من البقية ثم يوقفه ويثبت سرعته مع البقية بالكبح فيه بأستخدام نظام ABS وهذا يخليه ياخذ وقت علشان وقت التحسس والكبح مقارنة أن الدفرنس يكون مقفول تماما كل الجهتين تدور بنفس السرعة لين تطلع من التغريزة أو المكان الي متعلق فيه الموتر وبياخذ وقت أقل أن الموتر يطلع في اصعب المناطق



وبخصوص الباترول
أنت تقول ميزانيتك 170 ألف صح
ليش ما تدور جديد من المعارض 2013 سياحي سواء سعودي أو خليجي أتكلم عن الشكل الجديد Y62 الي يسمونه بطل الدروب ترى مواصفاته ممتازة وأفضل من سفاري من ناحية القوة والعزل والراحة والفخامة ومن البرادو أيضا بالراحة والعزل كراكب الثلاث سيارات المذكورة حتى كمواصفات الاساسية أعلى من الاثنين وأنصحك به

لكن بين البرادو والفتك فما اقدر اقولك وش الافضل رغم أن فتك أكبر واوسع

[/SIZE]

حبيبي انا قصدي باترول الشكل القديم

موجود يالغالي سفاري , اللي ماهو موجود ( سوبر سفاري ) انقطع عام 2009 وهو آخر موديل له

برادو 6 سلندر TX.L2 و باترول سفاري VTC فل اوبشن