السلام عليكم ورحمة الله،
اخذت من اخوي سيارة دودج شارجر من تقريباً سنه ونصف وبدأت الاحظ فيها مشاكل وللاسف اخوي ماعمره ودى سيارته صيانة وكالة الا اول صيانه .....
المشاكل حسب الاهميه:
1/صوت قربعه من المكينه والسياره واقفه (كأني ملغم او كأن الكنداسه مخروقه) ولمبة الشيك انجن غالبا شغاله وتقفل احيان ... بعد الكشف عند راعي الشكمانات قالي لي شيك الاقزوز وشيكت عند واحد وقال لي ان الاقزوز انكسر
2/ لمبات الEBS والتراكشن كونترول شغالة غالباً وتقفل احياناً ... واحد قالي لي من المساعدات
قبل فتره شيكت كمبيوتر على لمبات الشيك انجن و التركتشن والاي بي اس ... قال الراجل حساس اكسجين و الشيء الثاني ( ما اقتنعت فيه لان الآدمي باختصار جالس يترجم اللي الكمبيوتر يطلعه له وواضح ما عنده خبره) ...
3/ الجير يوم يعشق نمره اسمع منه صوت دقه عالي ... واحد قال لي الحق عليه وغير له زيت وفلتر قبل يخبط عليك
٤/ المكيف اذا غيرت درجة الحراره يطلع صوت طقطه مزعجه جدا من الطبلون ناحيه الدركسون ومفتاح السياره
5/ اضافةً لمشاكل ادري عنها و ان شاء الله حلها بسيط (الاقمشه و فلتر المكيف لازم اغيرها بس الشيءالمحير ان الاقمشه قريب مغيرها سنه تقريباً مع خرط الهوبات ، سيارتي اللي قبل هذه اقمشتها فوق السنتين وقربت الثلاثةسنين وما غيرتها، وفلتر المكيف الظاهر يبغا له تغيير لان المكيف يدخل الروائح اللي بره لداخل السياره ويوم اخلي المكيف على ادخال هواء من خارج السياره يكون ابرد
هذه هي المشاكل اللي انا مواجهها ومحتار فيها وخايف منها لغلاء القطع ... اتمنى تفيدوني وتتاقشوني حتى ارسم خطه مناسبه للاصلاح ... واكثر شيء معطلني التكاليف فغالباً باخذ الاهم فالاقل اهميه