KIA كادينزا تتفوق على TOYOTA أفالون في مجلة سعودي أوتو

ازعجونا بسالفة اعادة البيع الافلون اخذتها وكاله من تويوتا وصارت عليها مشكلة في المراتب وباعوها على المستعمل ب 100 الف وهي مامشت الا 3700 وشلون اعادة بيع ..؟؟

السلام عليكم
موظوع جدا جميل ومفيد تفوق شاسع لصالح كيا اهم شي قوة المحرك ونعومة السياره وهي لصالح كيا والمواصفات ما فيها شك دائما الكوري متمسز فيها

بعض الشباب يظن لازم تكون السيارة الي معاه هي الأفضل

انا اقول كل ينام على الجنب الي يريحه

وشكرا

هههههه حذفت بعض الردود وفتحت الموضوع :ch19:

الموضوع ما اغلق شوف اهو انا باكتب:tongue:

وياكم يارب
منتدى سيارات في الاول والاخير ليستفيد الجميع بعيدا عن التعصب
اشكركم

الله يجزاك خير
حتى تعصب السيارات ماهو بزين
وكلآ ينام على الجنب الي يريحه
ولاكن الواحد مايجبر احد على قناعاته
ويثمن الكلمة لاقالها او كتبها بشجاعه خلف الشاشه:ch19:
تقبل تحياتي اخوي صالح

الله يجزاك خير يارب

الموضوع اغلقته لحذف بعض الردود اللي مالها داعي وخارج اصلا الموضوع

تبون تهاوشون على سيارات بسلامتكم وانا اعزز لكم بعد :bigggrin:

بس غيره ممنوع ياشباب وخط احمر

هالمره لفت نظر وماراح ابلغ الاداره وتم حذف بعض الردود

الدعوه حديد x حديد ويخسى الحديد يفرق بينكم

الأفالون أول مانزلت ماعجبتني أبد

ومع الوقت أتعودت عليها وصارت أجمل من الخارج

ولو الخلفية كانت ليد أتوقع كان كسرت الدنيا

الداخلية جميلة لكن استغربت جودة تويوتا في خلع خلفية كرسي السائق

عموماً السيارتين حلوين بس كشكل أفضل الافالون .

زيزو

انا بسالك نفس السؤال

هل الكادينزا اقل من الافلون في الرساوه و الراحه ؟؟

من تجربتي للكزس es حقت احد اقاربي اشوف انها متقاربه بشكل كبير في الرساوه

مع تفوق الكادينزا بالقدره على الانعطاف بشكل افضل و الانحناء

اللكزس انعم و افضل مواد داخليه و عزل ..

هذي تجربتي بكل امانه

الافلون ركبتها لكن لم اقودها

كعزل مماثل تماما للكادينزا بعد 140 تبدا تسمع صوت الهوا الخارجي بشكل بسيط و يزداد مع السرعات العاليه

اوكك اتفق مع الكل بأن الكادي تتفوق من ناحية المواصفات , مقابل السعر الافضل والتصميم الخارجي ,والداخلية اشوفها للافالون..

ولكن سؤالي هو : هل الكادينزا تتفوق على الافالون بالجودة والرساوة والعزل الارضي والهوائي والراحة !!
واتمنى الاجابة عليه بدون تعصب وياليت اصحاب التجربة الي يفيدوننا ,وسلامتكم..

الشعب بشكل عام يا فتى الانترا ماعندة فكرة وش ادفع وعلى مقابل وش ( فقط تقليد اعمى ) ولد عمي شراء كذا بشتري انا مثلة اخوي الكبير مدح كذا خلاص انا مثلة فلان قال وعلان قال والشعب هنا على الله ثم الخوزعبلات بكل اسف ...

في الاخير ان شاءالله يتطور الفكر عندنا ونستوعب ان السوق ماهو حصري على صانع واحد فقط

اشتري اللي يعجبك وشوف بتحط فلوسك وين + شوف كم تدفع ووش بتحصل من اللي دفعته

والسيارة تصونها تصونك حتى لو هي صناعة صينية فرنسية المانية وغيرة ... والرجال اللي بيشتري موتر وبيستخدم مايفكر يبيع

وحتى لو باع بسعر رخيص ماهو معناها السيارة او ماركت السيارة ماهي كويسة والصانع اللماني اكبر عبرة للكل ( سعرة ينزل مرة ) هل هذا يعني ان اللماني ردي !! لا اكيد هذا يعني ان جهل المستهلك في سوق المستعمل كبير ،

ارجع واقول اذا على الاسعار اشتري هونداي بسعر مناسب وجودة عالية واستخدمها كم سنة وابيعها بخسارة اقل من اني اشتري سيارة بسعر مبالغ وابيعها بسعر نازل شوي فكل الحالتين انا وفرت ولو افكر شوي اشوف ان توفيري في الهونداي على مقابل مادفعتة وعلى عمر السيارة .. اكثر

والسلام عليكم

مسكه السعر لا تحدد اذا سيارتك افضل شي او لا

تعتمد على السمعه

احب اعقب على كلامك الأخير

انا عندي سوناتا 2006 نص فل 4 سلندر وقت شراءها كانت مع الاقساط بحدود 65 الف ريال والحين جابتلي 23 الف ريال يعني تقريب 42 الف ريال على استخدام 8 سنين

بينما ولد خالتي شرا كامري 2008 ستاندر ب72 الف ريال والحين ما جابت له حتى 35 الف ريال بعد استخدام 6 سنين فقط يعني نقول 40 الف ريال نقص من سعرهاا

يلا قارن بنفسك اخي الكريم

يالطييييييييييييف !!!!!

هجرت المنتديات من فترة والان رجعت أتصفح وألاقي ناس لسى تقول ...

لاااا ياباني أفضل ... لاااااا هذا زمن الكوري .
____________________________________________

نرجع للموضوع :

بصراحة تستاهل الكادينزا الاختيار

هذا شي طبيعي ،، الكوري في تصاعد بشكل وااااااااضح في السنتين إلي فاتو

وصراحه الكوريين تطوروا أكثر من اليابانيين ، وسوو شي ما سواه اليابانيين اصحاب خبرة ال 50 سنة !!!!

صراااحه منافسة الكوري في الجودة والسعر والشكل والأمان والمواصفات و و و و و افضل من الياباني

ياخي شوف جودة الكوري من الداخل وشوف الياباني من الداخل ،، والله يا جماعة خلونا صريحين وبدون تجريح

انا طبعا ما الغي الياباني لكن شوف وين بتحط فلوسك وأحسب كل ريال إيش إلي بتحصل مقابلة

ونسيت ،، في نظري الكادي أحلا بكثير من الأفالون من الخارج فقط ، اما من الداخل فا الأفالون أجمل من الكادي في نظري