استفسار عن قيادة السياره بالسفر

طلال القنوعي @user_291608 · 28-03-2014

السلام عليكم ورحمة الله وبركاته

يا اخواني انا ملكتي هذا الاسبوع و زواجي بيكون بعد سنه في العطله الكبيره لعام 1436 او في عيد الفطر .. المهم انا قد جيت الجنوب 3 مرات مرتين نجران مره ابها وكلها مع كداده ماكان معي سياره .. وانا من الرياض وامتلكت سياره من 3 شهور والاامور تمام .. اوقات افكر نفسي في ابها بس اشوف فيها طرق وعره وتخوف زي فالسوده والحبله مع انها اجمل الاماكن با ابها و الوالد دايم يحذرني من طرق الجنوب انها وعره بس انا في بالي اروح وحاط كلام الوالد ببالي لاني شفت طرق فعلا وعره .. انا ابي نصائحكم ودي تقولون البرنامج الافضل لشهر العسل مع العلم الزواج بيكون بالرياض؟

في ناس قالوا من الرياض لابها بالسياره وبشهر عسل صعبه بطياره افضل وانما افضل الطياره بس بتواجهني مشكلة السياره وش اسوي ؟؟؟

وابي تقولون لي اماكن حلوه داخل ابها تعوضني عن السوده والحبله لو الطرق المؤديه لها وعره ؟

وحاب اضيف شي انا ولاعمري سقت السياره بالسفر لان صار لي اسوقها 3 اشهر وبالرياض وسط زحمتها هل بعد سنه اقدر ومع التمرس اني اسافر مثلا من الرياض لابها ومن الرياض لمكه وزي كذا ؟

او احتاج اسافر اكثر من مره عشان لاجاء شهر العسل لما اسافر حاجز الخوف من قيادة السياره يروووح ؟؟

تكفووون لاتخلوووووني ساعدوووني وانصحوووني ونصائحكم بنفذها بحذافيرها الله يسعدكم يارب

sameer_1798 @user_42446 · 09-07-2014

ماشاء الله ,,, الف مبروك
نصيحه خلك قريب بالشرقيه او في مكه والمدينه وان بتروح الجنوب روح طيران ومن هناك استاجر سيارة وخذ جارمن معك دليله لكل الاماكن السياحيه .

Tayeh @user_300355 · 08-04-2014

الله يعافيك وييسعدك , الحمدلله انك استفدت :smile:

طلال القنوعي @user_291608 صاحب الموضوع · 08-04-2014

ما قصرت الله يعافيك ويسعدك دنيا واخره يارب استفدت كثير واذا في شي برجع للموضوع

Tayeh @user_300355 · 05-04-2014

والله سجلت في المنتدى توي لاجل افيدك و ان شاء الله افيدك باللي اقدر عليه

اولا اسال الله ان يجمع بينكم على خير ولا يفرق بينكم والف مبرووووك

ثانيا بخصوص موضوع السفر لا تخاف اهم شي تنااام بدري قبل ماتسافر يعني لازن تكون مصحصح ع الاخر , الارتباك والخوف هذا شيله من راسك ترا السففر متعة ووناسة لا وتوك متزوج صدقني لتنبسط .

وانت بحسب كلامك تقول ماقد سافرت طيب ي اخوي بسيطة انت حاليا في الرياض اذا كنت موظف خذ اجازة وسافر روح الدمام ولا الجبيل اهم شي سافر عوّد نفسك بس قبل كل شي شيك على السيارة روح اي بنشر وشيك عليها من ناحية زيت او كفرات او اقمشة وتاكد ان الاستبنة موجودة والعدة معها !

وبخصوص ابها والله ماقد رحتها الا مرتين ولا اعرف فيها الا السودة والحبله و الجبل الاخضر

والسودة فيها تلفريك وقرية محمد حسين السياحية ومنتزه السحاب وفوق اعلى شي في السودة فندق انتركونتيننتال :bigggrin: مدري الاسم صح !

الاماكن الثانية فيه ( طبعا من النت تصفحت ودورت لك ان شاء الله تفيدك )

منتزه دلغان : يقع على بعد 26 كلم من مدينة أبها , وتبلغ مساحتها (440) هكتار يقطع أرضها وادي دلغان المحاط بأشجار السنط أو الأكاسيا ، وتتخلل هذه المساحة المنبسطة جلاميد الصخور المتناثرة والأشجار والشجيرات ، وتم سفلتة طرق وممرات كثيرة داخل المنتزه ،وزودت الأماكن بمواقف للسيارات ، وطاولات ومقاعد للنزهة ، وممرات المشاهد الطبيعية ، وملاعب فسيحة ، ومواقع للمخيمات مزودة بالمياه والكهرباء . كما توجد أسواق صغيرة ودورات للمياه وغيرها من الخدمات التي يحتاجها الزائر

_ _

منتزه أبو خيال : يقع هذا المنتزه على الحزام الدائري لمدينة أبها ويطل على منحدرات عقبة ضلع من الجهة الغربية وعلى مدينة أبها من الجهة الشرقية وارتبط بالعربات المعلقة التي تصل إليه قادمة من أبها الجديدة وجبل ذرة ويحتوي هذا المنتزه على موقع مخصص لتسلق الجبال على مدار العام تحت إشراف متخصصين وكذلك على متحف طبيعي للحيوانات والنباتات وقد تم تنظيمه بشكل جميل لاستقطاب أعداد كبيرة من زائريه إضافة إلى كم هائل من الألعاب التي خصصت للأطفال وكذلك توفر كافة الخدمات فيه من مطاعم واستراحات وغيرها

_ _

منتزه الآمير سلطان : وهو يبعد عن منتزه دلغان بمسافة اربعة كيلو مترات تقريبا ويغطي مساحة تقترب من 420 هكتاراً ، وهو يتميز بكثافة اشجاره من نوع العرعر المعمرة والتي تبلغ اكثر من 150سنة

[SIZE=4]متحف المع للتراث

تزدهر منطقة عسير بتراث وحضارة غنية لموقعها الهام وقصر المع الشهير أحد المعالم التراثية الذي جهز ليكون متحفا للحفاظ على تراث المع العريق ويقع في قرية رجا برجال المع المعروفة وبحكم ذلك توافرت بها القطع الأثرية والعملات وسمات الحضارة القديمة والفن المعماري الرائع ويوجد في المتحف أكثر من 2000 قطعة أثرية وضعت لكي تكون شاهدا على تراث وحضارة قديمة يستمتع بها الزائر تحت سقف واحد .

[/SIZE]

[SIZE=4]الموقع

تبعد بلاد رجال المع حوالي 30 دقيقة بالسيارة من أبها عبر طريق السودة ومن ثم عبر عقبة الصماء ومن منتجع السودة السياحي بواسطة عربات السودة المعلقة في رحلة ممتعة تستغرق حوالي 10 دقائق .

مواعيد استقبال الجمهور في المتحف

يوميا من الساعة 9 صباحا وحتى الساعة 8 مساء يوم الجمعة من الساعة 2 بعد الظهر حتى الساعة 8 مساء ويفتح المتحف أبوابه طيلة أيام الأسبوع

[/SIZE]

وهذا موقع يشرح لك كل شي http://www.sauditour.info/ar/category/8/52

اخيرا الطريق الافضل والاسهل للوصول من الرياض لابها

طبعا تحرك من الرياض الى الطايف ويبعد تقريبا 800 كيلو
بعدين من الطائف على طريق الجنوب الى الباحة يمكن 250 كيلو
ومن الباحة تنزل مع عقبة الباحة الى المخواة
ثم من المخواة عاد تمسك طريق درب محايل عسير والله يسهلها عليك , ولو تسافر في النهار افضل ومافيه مناطق وعرة لا تخاف طريق الجنوب صار سيدين من بدايته للنهاية

ولو تروح من الطائف لمكة تاخذ عمرة افضلك وبعدين ترجع للطائف وتروح الباحة ,

اتمنى اني افدتك يالغلا , وياارب ييسر امورك ويوفقكم

واي استفسار انا حاضر