سؤال ونبي له جواب عشان مانتوهق

سرينا @user_280139 · 13-04-2014

سلام عليكم ورحمه الله وبركاته
عندي فورد f150 2013 وسبق نزلت عنه موضوع هنا
واحد السلبيات ان انواره الاماميه ضعيفه
فـ السؤال الله يجزاكم خير :
حصلت لي شمعات رابتور 2013 طلبيه من امريكا اللي تجي عدسات بروجكتر وزينون هل هي تركب علي العادي اللي عندي ؟ بدون توليف وترهيم وقروشه
يعنــــي شغله فك وتركيب بس
تكفون لان الشمعات بالمحولات واللمبات وكلش بـ 11000 الف ريـال
وقلت لانتوهق واخر شي ماتركب :smilie20:
وسلامتكم :wavey:

لحن المشاعر @user_126547 · 03-04-2015

جرب ترهم عدسات للشمعه
اذكر واحد بالاحساء فنان فيها

أبـوأسـد @user_15810 · 03-04-2015

وعليكم السلام ورحمة الله وبركاته
اعتقد احد يبيع شمعات خاصة بالرابتور مع الزينون حقها في الاستقرام وبربع السعر الي تتكلم عنه (أعتقد مايتعدى 4 الاف ريال)

حقيقة اعتقد انه مو الاصلي الوكالة الي اتكلم عنه فوق لكن مبلغ 11 الف على انوار مبلغ مكلف جدا جدا جدا ومبالغ به حتى ولو كان الاصلي خوفك حتى لو ركبته ممكن مايرضيك النور بالشكل الي انت تبيه على ارض الواقع او مايستحق المبلغ الضخم الي انت دافعه عليه

ابويزيد2 @user_303847 · 03-04-2015

سلام اخوي انا طالبة زنون وكاله من امريكا بس معها محول مخصص لها هل عند تركيبها يتلغي الضمان من الجزيره

ابويزيد2 @user_303847 · 01-04-2015

اتمنا اخي سارينا تجاوب على السؤال او احد الاعضاء يفيدنا بخصوص الموضوع هذا

ابويزيد2 @user_303847 · 01-04-2015

الشمعات الى انا طالبها وكله من فورد بس يجي معها منظم معتر به من فورد بامريكا
مادري عن ربعنا هل بقولون شئ من ناحية الضمان علمان بان كل شئ فك وتركيب مافية تقطيع للاسلاك الشمعات تركب على F150 Xlt

ابويزيد2 @user_303847 · 01-04-2015

سلام اخوي انا طالبة زنون وكاله من امريكا بس معها محول مخصص لها هل عند تركيبها يتلغي الضمان من الجزيره

sr20de @user_8906 · 01-04-2015

ركب شمعات LED سعرها تقريبا 600 ريال من امريكا تجي بس الشمعه ما يحتاج تغير اللمبة كامله.

ابويزيد2 @user_303847 · 01-04-2015

السلام عليكم
اخوى بعد تركيب انوار الزنون هل الضمان مازال مستمر على السيارة ام التغي الضمان

فيق @user_23374 · 16-08-2014

و ليش تركب اضاءة الرابتور بهالسعر !

مثل ما قالو لك الجماعة و اذا تبي في حل اضافي بعد

ركب مثل هالنوعية .. العالي و الواطي مفصولين عن بعض

او

Silent Sea @user_142435 · 16-08-2014

اما الانوار يكونون بهذا السعر

لو سيارتي سعر انوارها كذا اروح ابيعها من بكرة ولا اتوهق فيها اذا حصل شي لا قدر الله

ابويزيد2 @user_303847 · 14-08-2014

اخوي سرينا
السلام عليكم وجميع الاعضاء
ابيك تفيدني من وين شريت الشمعات الاماميه وكم سعرها ابي مثلها

سالم wj @user_293654 · 14-04-2014

يارجل ركب من الزينه الحين المحولات تجي بدون توليف ولا تقطيع مجرد تشبيك ولاتنسى تركب كتاوت بالكثير بتكلفك بين الف والفين ريال اذا الزنن محترم

LANCHER_Z71 @user_295682 · 14-04-2014

فيه نوعية شمعات تعطي قوة 30% - 45% من العادية بدون محولات ولا عوار راس
و سعر الشمعه ما تتعدى الـ 60 ريال بالكثير
شوف أوتو مول أو الأداء العالي بالخضرية إذا كنت من الدمام
و أيضاً عندك العوبثاني

سرينا @user_280139 صاحب الموضوع · 14-04-2014

لاوالله ماني في الرياض بس كيف اتواصل مع مركز جوانا ؟

رنج كروزر @user_149314 · 13-04-2014

ان كانك بالرياض تواصل مع مركز جوانا وهو له عضوية في المنتدى
وبيعلمك إذا فيه طريقة لتقوية الأنوار

سرينا @user_280139 صاحب الموضوع · 13-04-2014

لا حصلت ارخص منه ونفس الشكل بدون الزينون بحول 3500
هل تعلم انةقيمتها بالوكاله ةحول 13 الف تقريبا شي خيالي
بس النور عندي ضعيف ولايصلح نهائيا بالخط ماشوف به ف لازم اغيره
ف عطوني العلم الاكيد الله يرضي عليكم

محمد أبو دبل @user_189755 · 13-04-2014

شف وأنا أخوك سالفة النور مقدور عليها فيه عدة طرق لتقوية الانوار , أما أنك تدفع أحد عشر ألف ريال سعودي في شمعتين للنور , هذا والله من البذخ ومن الإسراف المنهي عنه , لو انه محرك السيارة أو القير متعطل عندك والسيارة واقفة ماتمشي أو تحتاج توضيب نقول هذا شي لابد منه , او حتى إكسسوارات كاملة للسيارة مثل الترفيع والهدرز والجنوط ومساعدات رياضية وغطاء صندوق يعني إكسسوارات كامله هذا أيضا عادي لو أنك تلعب على الزايد , أما تدفع 11 ألف في شمعتين أنا لا أؤيد ذلك

أبو ماجد البشري @user_109566 · 13-04-2014

لايمكن تجد افضل من شد بلد يمكن عندك ماهي موزونه اما بهالقيمه لو انا مكانك حتى لو بنصفها ماراح اشريها بعدين يمكن تؤثر على مجموعة الفيوز والكتاوتات تبعها او المجموعه ككل لأنها اقوى