cc 2014 تجاربكم في السيارة هذي كيف .

السيارات الألمانية بشكل عام معروفة بتعقيدها و صعوبة إصلاحها
بس أعتقد إنها لما تكون جديدة ما عليها كلام يعني لمن يكون عمرها أقل من 10 سنوات و بدون حوادث ما تحتاج تدخل فيها الصناعية.

اخي الغالي الامر ماهو تحدي وفرض وجهة النظر

انا اتكلم عن تجربتي الشخصيه وانت تتكلم باللي شفته ... لك كامل التقدير والاحترام :e082:

شوف الغالي خل عنك كلام الناس

هم يذمون من غير تجربة وهذي مشكلتنا في الخليج عموما !!!!!!!!!!!

انا امتلك باسات 2014 العادية وليس ال cc اقل نوع والحمدلله مرتاح منها بفضل الله

تجي 5 سلندر قوة 170 لكن وربي كأنها 200 على ياباني او كوري وهذا يرجع للقير الممتاز إلي عليها مع ان وزنها فوق ال 1500 كيلو

السيارة واسعه ثااااااااااااابتة أمااااااااااااااااااان وجودتها ممتاااااااااازة والوكيل إلي عندنا في البحرين (( بهبهاني )) مستواه جيد جدا

الباسات إلي انت تقصدها هي cc تجي بمحركين عندنا في البحرين

الأول : 4 سلندر 2.0 تيربو بقوة 210 حصان طبعا طيارة بالنسبه لفئتها

الثاني : سته سلندر 3.6 بقوة 300 طيااااااااااااااارة بمعنى الكلمة وتقدر تدخل على اليوتيوب وتشوف

سعر ال 2.0 تيربو 130000 فل كااااااامل ريال والسته سلندر 190000 ريال

انا انصحك تاخذ التيربو لأنها سيارة فعلا ممتعه وهذي شهادة أصحابها !!!!

ومره ثانية يا خوي اترك عنك كلام الناس ترا السيارة في النهاية صنع انسان يعني الأخطاء وارده فيها

شوف التويوتا فترة طلعت فيها مصايب من الأخطاء المصنعية لكن ما أشوف حد ينتقد من المتعصبين الله يصلحنا وياهم بس !!!!

عندنا طوراق ومن ورشه لورشه ! مشاكل الكهرباء ما تخلص :)

السلام عليكم

انا مجرب السياره وامتلكها هي والطوارق
ولله الحمد السياره روعه ولا فيها ولا عيب واحد استخدامها حلو وعزمها ممتاز والي يقول انها سيئه صدقني سامع كلام لا مجربها ولا شي عندنا بالكويت كل القطع متوفره وما عندنا مشكله بهالامر والفئه السياحيه لهالسياره تجي بانوراما وكراسي نص كهرباء وشاشه بدون ملاحه مع كاميرا خلفية وحساسات امامي وخلفي و انوار زينون وماكينتها 1.8 تيربو وليتك عندنا بالكويت اخليك تجربها
الله يوفجك

اذا تبيها كسيارة كرف ما انصحك فيها الفولكس فاجن الجودة متوسطة الى متوسط منخفض ما تتحمل كرف

عندنا الوكيل مسويها على اساس انها سيارات فخمة لكنها سيارات شعبية و عادية خارج السعودية

قرات تجارب متنوعة بناء عليها حكمت على الجودة و انها مش بذيك الاعتمادية

اللي ب 100 الف تكون سووووووح جدا مافيها شي

الشي الوحيد اللي فيها تقدر تقول للي يحب ياخذ شي مميز عن باقي الناس اما كسيارة كرف و شغل انحش

ابعد عنها ليومك هذا و الناس تعاني من مشاكل قير ال DSG والوكيل

اذا انت بالشرقيه.. اشتري السياره من وكيل البحرين وسوي صيانتها بالبحرين.. هذا الحل الوحيد لأهل الشرقيه..

شدخل ! تراك دخلت باب ثاني !:a1120(121):

انا اتكلم ان السياره جداً عزمها ضعيف ومن باب التشبيه قلت حالها حال الكوريلا لانها ضعيفه مين جاب طاري كوريلا نشيطه ولا صني نشيطه !! كل السيارتين عزمهم الله بالخير لانهم اقتصاديات وحقات مدن :wavey:..

شكلك مواصل روح نام الله يحفظك :confused1:..

بالنسبة لي أنصحك بالكوري و الياباني
أنا إشتريت جيتا جديدة من 3 شهور و ما كانت مثل ما كنت أتوقع يعني لو يرجع في الزمن برجع باخذ كوري !!!
يعني صوت محركها مرتفع و أنا أحب السيارة بدون صوت
و أحس السيارة بالنسبة لصرف الوقود تصرف مقارنة بالكوري
و الوكيل خدمتة مش ممتازة و مثل ما ذكرو بعض الإخوان إنهم ما يعرفون يحلو مشاكلهم
و فوق كل هذا إرتفاع سعر القطع و سعر السيارة جديدة مقارنة بالكوري
يمكن بعد إستخدام فوق 7 سنوات راح يكون احسن من الكوري بس!!!!!!

من جدك أنت ..!!
الكورلا انشط منها
الكورلا سياره فاشله في القومه لو بقارنها مع الالنترا افضل بكثير

ازيدك من الشعر بيت
اخوي عنده صني 2010 حاليا ماشي حدوم ال70
قاوم مع كورلا 2012 و طلع عليها
غير كذا قاوم مع كورلا 2014 الشكل الجديد و طلع عليها ..!!
و انا اخذ الصني مكينتها نشيطه غير عن الكورلا نايييييمه

من تجربة الوكيل مش بطال وتعامله كويس وزحمتهم متوسطة

لكن يعيبة بعض قطع الغيار لازم طلبية يعني 3 اسابيع.

السيارة اشوفها من تجربة معارف تعبير متوسطة العملية يعني اذا سواقتك هادية ماتخاف ان شاء الله.

المشكلة في تويوتا اشتريت لي الافلون وجت عليها مشكلة ورجعت لهم ... تطلع من تويوتا والمشكلة ان الشعب والقطع وكل شي متوفر فيها... الوكلاء الثانين اغلب قطع الغيار والصيانات والورش ماتكون معلومة لهم ومتوفرة عندهم ... يعني الواحد يحتار ... اذا بيفكر في سيارة عملية وتوفر قطع الغيار وتوفر صيانة لها ماتحصل الي تبيه ...

سيارات فولكس واجن لا يعلى عليها .
لكن يعيبها الوكيل الوكيل الوكيل ساماكو ، وهذي تجربتي باختصار وأمانة معاهم :
1:
كأي بعض الوكالات لازم تاخذ موعد وتنتظر على حسب الزحمة من اسبوع الى 3 اسابيع . وصيانتهم الدورية السريعة تاخذ من 4 ساعات الى يوم كامل على حسب ، لكن الصيانات الرئيسية (صيانة ال60 ألف وال120 ألف ...إلخ)تتأخر من أسبوع إلى 3 اسابيع تقعد السيارة عندهم.

2 :
اذا صادف ان سيارتك فيها مشكلة أو عيب مصنعي وجيت تدخلها على الضمان هذي أنا ماواجهت مشكلة تذكر معاهم .وبالعكس من هذه الناحية ممتازة .

3:

ماتحصل لها زبون بسهولة وسعرها يطيح أكثر من منافسيها .

5:
قطع غيار الباسات بالذات غير متوفرة على كلام ناس خبرة ، حتى الاقمشة طلبية !!
. لكن سيارتي الجيتا متوفرة نوعا ما واذا ماهي متوفرة يجيبوها طلبية بعد أسبوعين .

4 :
مشاكل سياراتهم مايعرفو يحلوها !!!!!!!!!!!!!!!!!!!!!!!!!!!!!!!!!!!!!!!!!!!!!

وأتمنى تقرأ موضوعي تحت وتقرأ ايش سوو في سيارتي اللي بعتها بخسارة ويااااالله حصلت زبون قبل بعيوبها بسبب ساماكو الله لا يربحهم.

http://www.assayyarat.com/forums/thread275454.html

لذلك أنصحك تبعد عن السيارات الغير منتشرة بكثرة ، وتشوف الياباني أو الكوري .

والقرار لك وأتمنى لك التوفيق

الشي الي مخوفني في السيارات هذي عدم توفر قطع الغيار وغلاء اسعارها ...

ماعليه ترانا قصار يعني ماعتقد ان السقف مايوصلنا

لا غلطان اللي رد عليك
على العموم روح المعرض و اطلب تجربة قيادة و احكم بنفسك

السيارة كـ شكل من اروع مايكون ..

لكن يعيبها بالنسبة لي شخصيا انخفاض السقف "التندة" بصورة مزعجة عند الدخول والخروج .. بعكس الباسات العادية ..