السلام عليكم ورحمة الله وبركاته ..
أخواني الأعزاء ..
بعد إسبوعين من الدفع والإنتظار بتاريخ 10/01/2014 راجعت الفرع ولقيت إن السيارة لم تصل كما أفادوني بانها إسبوعين و إستلمها
جلست جلسه مطولة مع مشرف الفرع و أفادني بأن أثناء طلب السيارة حصلت مشاكل معينة في صرف المبلغ وتم فك الحجز عن سيارتي و إعطاءها لشخص آخر
فأجبر أن يطلب من جديد ،، طبعاً عن نفسي قلت له هذي أمور ومشاكل خاصة فيكم وما أتحملها ...!!
خرجت منه وهو يطلبني بأن أعطيه مهله لمدة إسبوع .. و اليوم إتصل فيني موظف المبيعات و أفادني بأن السيارة جاهزة ووصلت الفرع ..
لكن ....
السيارة ليست بالمواصفات التي دونت وأخبروني بها ..!!!!
لما رحت أشتري السيارة أخبروني بأن السيارة فئة SV مع نظام الملاحة يأتي معها شاشات دي في دي .. (شاشات خلف مقعد الراكب و السائق)
الآن يخبروني بأن السيارة ليس بها دي في دي .. و أنا بعض السيارات تحمل شاشات كونها خليجية وبعضها لا يحمل ..
يتبع ..
إستلمت السيارة و بعد 81 كم صادفتني مشكلة و إستمرت المشكلة تتكرر إلى أن وصلت السيارة لـ 500 كم ..
المشكلة: إرتجاج في السيارة على السرعة 30 إلى 60 كم/ساعة
أخذت السيارة لنيسان العيسى فرع الخبر (الصيانة) .. وكانت الصدمة الأخرى من تخبطات العيسى في بدايته ..
الصيانة أوتوستار نفسه و غير متخصصين لنيسان زحمة و حشرة أنواع السيارات و أنواع الماركات .. عادي تشوف شاحنة أو تشوف طيارة داخل
و لما وديت لهم السيارة قالوا لي إحنا مؤقت و راح نشوفها ..
طبعاً من جهتي قلت لهم السيارة ما يلمسها إلا المختصين بنيسان السيارة جديدة وما مشت إلا 500 ما أبغي فيها إجتهادات شخصية دامكم مش أهلها ..
أنا أخذت السيارة من نيسان و اللي يعالج السيارة ومشكلتي نيسان مش أوتوستار .. طبعاً هم قالوا لي السيارة جديدة وبرمجياتها مش عندنا ويمكن ما نعرف مشكلتها ..
طبعاً بالنهاية قالوا لي المشاكل اللي مانعرف لها نرسل السيارة للرياض وهما يشوفوا المشكلة ...!!!
أستغرب من العيسى كيف يهمل موضوع مثل كذا .. و هو أهم شيء خدمات ما بعد البيع أهم من التسويق و رعاية مباريات وتمسيح جوخ ..
والله شيء رفع ضغطي .. طبعاً أنا كلمت أحدى المسؤولين في الرياض وقالي إمشي على السيارة لـ 1000 بعدها جيبها نشوفها
يعني أي منطق السيارة بها عيب مصنعي أعرض نفسي للخطر لأجل تصلحونها ؟؟
السيارة تفقد الطاقة وترجف وأنا مانا معرض نفسي و أهلي للخطر على حسابكم .. !!
المهم نهاية الموضوع سلمتهم السيارة وقلت لهم ما يلمسها إلا المختصين أنا أخذتها من نيسان و المسؤولين عن المشكلة نيسان مش غيرهم
لأنهم أبخص بالعيوب المصنعية ..
طبعاً قال الأخ اللي كلمته من الرياض ينقلوا السيارة للرياض ويشيكوها ..
المشكلة إن فرع صيانة أوتوستار كانوا يستهبلون ويقولوا لي كفرات و مدري إيش .. لما عصبت عليهم على إستغفالهم لي أحدهم قالي المشكلة ذي جاتني كثير
مش على الباثفايندر حتى على الألتيما و الماكسيما مديلات 2013
الله يعين .. توقعت العيسى يكون أكثر حجزم في مثل هالأمور .. لأني إذا ما حصلت تقدير راح أرفع شكوى لنيسان الشرق الأوسط ومنها للـ us على هالإهمال و الإستغفال
